ನಿಮಗೆ ಒಳ್ಳೆಯ ನಿದ್ದೆ ಮಾಡಬೇಕು ಎಂದರೆ ಬಾಳೆಹಣ್ಣು ಸೇವಿಸಿ..!

ಕ್ರೀಡಾಪಟುಗಳು ಬಾಳೆಹಣ್ಣು ತಿನ್ನುವುದರಿಂದ ಹೊಸ ಚೈತನ್ಯ ಪಡೀತಾರೆ

ಈ ಹಣ್ಣು ಸೇವನೆಯಿಂದ ನಮ್ಮ ದೇಹಕ್ಕೆ ಏನೇನು ಉಪಯೋಗ?

ವರ್ಷದ ಯಾವುದೇ ಸೀಸನ್​ನಲ್ಲಿ ಸಿಗುವ ಹಣ್ಣು ಎಂದರೆ ಅದು ಬಾಳೆಹಣ್ಣು. ಎಲ್ಲ ಹಣ್ಣುಗಳಿಗೆ ಹೋಲಿಕೆ ಮಾಡಿದ್ರೂ ಮಾರ್ಕೆಟ್​ನಲ್ಲಿ ಇದರ ದರ ಸ್ವಲ್ಪ ಕಡಿಮೆಯೇ ಇರುತ್ತದೆ. ಹೀಗಾಗಿ ಪಟ್ಟಣಕ್ಕೆ ಹೋಗಿ ವಾಪಸ್​ ಬರುವಾಗ ಒಂದು ಡಜನ್ ಬಾಳೆಹಣ್ಣು ತರುವುದು ಈಗಲೂ ಹಳ್ಳಿಗಳಲ್ಲಿ ವಾಡಿಕೆ ಇದೆ. ಇದೆಲ್ಲ ಏಕೆ ಎಂದು ಕೇಳುತ್ತಿದ್ದೀರಾ?.. ಕಾರಣ ಇಷ್ಟೇ, ಬಾಳೆಹಣ್ಣು ಹಲವು ರೀತಿಯಲ್ಲಿ ಆರೋಗ್ಯಕ್ಕೆ ಒಳ್ಳೆಯದು. ಮನುಷ್ಯನ ದೇಹಕ್ಕೆ ಬಾಳೆಹಣ್ಣಿನಿಂದ ಏನೇನು ಉಪಯೋಗ ಎಂಬುದು ಇಲ್ಲಿ ತಿಳಿದುಕೊಳ್ಳೋಣ..

ಬಾಳೆಹಣ್ಣಿನಲ್ಲಿ ಟ್ರಿಪ್ಟೋಫಾನ್ ಎನ್ನುವ ಒಂದು ರೀತಿಯ ಪ್ರೊಟೀನ್ ಇರುತ್ತದೆ. ಮನುಷ್ಯ ಬಾಳೆಹಣ್ಣು ಸೇವಿಸಿದಾಗ ಅದು ಸಿರೊಟೋನಿಸ್ ಆಗಿ ಪರಿವರ್ತನೆಯಾಗುತ್ತದೆ. ಇದರಿಂದ ದೇಹಕ್ಕೆ ಅರಾಮದಾಯಕವಾದಂತೆ ಆಗಿ ಉಲ್ಲಾಸ ಬರಿತವಾಗಿ ಮನಸ್ಥಿತಿ ಸುಧಾರಿಸಿದಂತೆ ಆಗುತ್ತದೆ.

 

ಬಾಳೆಹಣ್ಣಿನಲ್ಲಿ ಪ್ರಮುಖವಾಗಿ ಈ 3 ಅಂಶಗಳಿವೆ..!

ಇದಿಷ್ಟೇ ಅಲ್ಲ, ಬಾಳೆಹಣ್ಣಿನಲ್ಲಿ ಸುಕ್ರೋಸ್, ಫ್ರಕ್ಟೋಸ್ ಮತ್ತು ಗ್ಲೋಕೋಸ್ ಎಂಬ 3 ರೀತಿಯ ಸಕ್ಕರೆ ಅಂಶಗಳನ್ನು ಒಳಗೊಂಡ ಪೈಬರ್​ಗಳಿವೆ. ಹೀಗಾಗಿ ಊಟ ಮಾಡಿದ ತಕ್ಷಣ ಕೆಲವರು ಬಾಳೆಹಣ್ಣು ತಿನ್ನುತ್ತಾರೆ. ಇದರಿಂದ ತಿಂದ ಆಹಾರ ಚೆನ್ನಾಗಿ ಜೀರ್ಣವಾಗಿ ದೇಹಕ್ಕೆ ಪೌಷ್ಟಿಕಾಂಶಗಳನ್ನು ಒದಗಿಸುತ್ತದೆ. ದಿನಕ್ಕೆ 2 ಬಾಳೆಹಣ್ಣು ತಿಂದರೆ ಒಂದೂವರೆ ಗಂಟೆ ಯಾವುದೇ ಕೆಲಸವನ್ನು ನಿರಾಳವಾಗಿ ಮಾಡಬಹುದು ಎಂದು ಸಂಶೋಧನೆಯಿಂದ ತಿಳಿದು ಬಂದಿದೆ.

ಯಾರೇ ಯಾವುದೇ ಹಣ್ಣು ತಿನ್ನಲಿ ಕ್ರೀಡಾಪಟುಗಳು ಮಾತ್ರ ಬಾಳೆಹಣ್ಣುಗಳನ್ನು ತಿನ್ನಲೇಬೇಕು. ಏಕೆಂದರೆ ಇದರಲ್ಲಿ ಸುಕ್ರೋಸ್, ಫ್ರಕ್ಟೋಸ್ ಮತ್ತು ಗ್ಲೋಕೋಸ್ ಅಂಶಗಳು ಇರುವುದರಿಂದ ನಿಮಗೆ ಅತೀ ಬೇಗ ಪುಷ್ಠಿ ಹಾಗೂ ಚೈತನ್ಯವನ್ನು ನೀಡಿ ಕ್ರಿಡೇಯಲ್ಲಿ ಗೆಲುವು ಸಾಧಿಸಲು ಸಹಾಯಕವಾಗುತ್ತದೆ. ವೈದ್ಯರೂ ಕೂಡ ಊಟದ ಬಳಿಕ ಈ ಈ ಹಣ್ಣುಗಳನ್ನು ಸೇವನೆ ಮಾಡುವುದು ಉತ್ತಮ ಎಂದು ರೋಗಿಗಳಿಗೆ ಸೂಚನೆ ನೀಡುತ್ತಿರುತ್ತಾರೆ.

ಬಾಳೆಹಣ್ಣಿನಿಂದ ಏನೇನು ದೇಹಕ್ಕೆ ಪ್ರಯೋಜನಾ..?

ನಿಮ್ಮ ದೈನಂದಿನ ಆಹಾರದಲ್ಲಿ ಬಾಳೆಹಣ್ಣನ್ನು ಸೇರಿಸಿದರೆ, ನೀವು ಉತ್ತಮ ಆರೋಗ್ಯ ಫಲಿತಾಂಶಗಳನ್ನು ಕಾಣಬಹುದು. ಬಾಳೆಹಣ್ಣಿನಲ್ಲಿ ಪೊಟ್ಯಾಸಿಯಮ್, ಮೆಗ್ನೀಸಿಯಮ್, ವಿಟಮಿನ್-ಎ, ಬಿ, ಸಿ ಮತ್ತು ವಿಟಮಿನ್ ಬಿ6 ಇದೆ. ನೀವು ಅಧಿಕ ತೂಕ ಹೊಂದಿದ್ದರೆ, ಬಾಳೆಹಣ್ಣುಗಳು ನಿಮ್ಮ ತೂಕವನ್ನು ಕಳೆದುಕೊಳ್ಳಲು ಸಹಾಯ ಮಾಡುತ್ತದೆ.

• ಮಕ್ಕಳಿಗೆ ದಿನ ಒಂದು ಬಾಳೆ ತಿನ್ನಿಸುವುದರಿಂದ ಆಸ್ತಮಾ ಕಾಯಿಲೆಯನ್ನು ದೂರ ಮಾಡಬಹುದು
• ದೇಹದೊಳಗಿನ ಕರುಳನ್ನು ಆರೋಗ್ಯವಾಗಿಸಿ ನರಮಂಡಲವನ್ನು ಬಲಪಡಿಸುತ್ತದೆ.
• ಬಿಳಿ ರಕ್ತ ಕಣಗಳಿಗೆ ಹಸಿರು ಹಣ್ಣುಗಳಿಗಿಂತ ಕಪ್ಪು ಬಾಳೆ 7-8 ಪಟ್ಟು ಹೆಚ್ಚು ಪರಿಣಾಮಕಾರಿ.
• ಹೃದಯವನ್ನು ಉತ್ತಮವಾಗಿಡುವಲ್ಲಿ ಇದು ಪ್ರಮುಖ ಪಾತ್ರ ವಹಿಸುತ್ತದೆ. ಹೃದ್ರೋಗ ಅಪಾಯ ಇರಲ್ಲ.
• ಎಲ್ಲ ಹಣ್ಣುಗಳಿಗಿಂತ ಬಾಳೆ ದೇಹದಲ್ಲಿ ಜೀರ್ಣಕ್ರಿಯೆಯನ್ನು ಬಲಪಡಿಸುವ ಕೆಲಸ ಮಾಡುತ್ತದೆ..!
• ವಿಟಮಿನ್ ಬಿ-6, ಮೆಗ್ನೀಷಿಯಂ ಸ್ನಾಯುಗಳನ್ನು ಸಡಿಲಗೊಳಿಸಿ ನಿದ್ರೆಗೆ ಸಹಾಯ ಮಾಡುತ್ತದೆ.
• ಹೊಟ್ಟೆಯಲ್ಲಿ ಪಿಹಚ್​ ಮಟ್ಟ ಸರಿದೂಗಿಸಿ ನೋವನ್ನು ಬಾಳೆಹಣ್ಣು ಕಡಿಮೆಗೊಳಿಸುತ್ತದೆ.
• ಕಡಿಮೆ ಪ್ರಮಾಣದಲ್ಲಿ ಉಪ್ಪಿನಿಂದ ಮತ್ತು ಅಧಿಕವಾಗಿ ಪೊಟಾಷಿಯಂ ಇದೆ. ಇದು ರಕ್ತದೊತ್ತಡ ಪರಿಪೂರ್ಣ ವಾಗಿಸುತ್ತದೆ.

ಬಾಳೆಹಣ್ಣು ಅತ್ಯಲ್ಪ ಕೊಬ್ಬಿನಂಶ ಹೊಂದಿದೆ. ಇದು ಕೊಲೆಸ್ಟ್ರಾಲ್​ ಅನ್ನು ಹೀರಿಕೊಳ್ಳಲು ಸಹಾಯ ಮಾಡುವುದರಿಂದ ಹೃದಯ ಆರೋಗ್ಯವಾಗಿರುತ್ತದೆ. ಬಾಳೆಹಣ್ಣುಗಳು ಹಣ್ಣಾಗುತ್ತಿದ್ದಂತೆ, ಫೈಬರ್‌ ಅಂಶ ನೀರಿನಲ್ಲಿ ಕರಗುವುದು ಹೆಚ್ಚಾಗುತ್ತದೆ. ನಿದ್ದೆ ಮಾಡಲು ಸಮಸ್ಯೆಯಿದ್ದರೇ ಅದಕ್ಕೆ ಮನೆ ಮದ್ದು ಎಂದರೆ ಬಾಳೆಯಾಗಿದೆ. ಬಾಳೆಹಣ್ಣು ಸೇವಿಸುವುದರಿಂದ ಉತ್ತಮ ನಿದ್ದೆ ನಿಮ್ಮದಾಗುತ್ತದೆ.

ವಿಶೇಷ ವರದಿ: ಭೀಮಪ್ಪ. ನ್ಯೂಸ್​ಫಸ್ಟ್​ ಡಿಜಿಟಲ್ ಡೆಸ್ಕ್​​

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ