ಇಂದು ಹಣ ಉಳಿಸುವ ಬೇರೆ ಬೇರೆ ದಾರಿ ಕಂಡುಕೊಳ್ಳುವಿರಿ

ನೀವು ಸ್ನೇಹಿತರು ಬಂಧುಗಳಲ್ಲಿ ಹೆಚ್ಚು ಪ್ರೀತಿ ಪಾತ್ರರಾಗುತ್ತೀರಿ

ಇವತ್ತು ವ್ಯಾಪಾರ ವ್ಯವಹಾರ ಸಮಸ್ಯೆಗಳು ದೂರವಾಗಬಹುದು

ಉಜ್ವಲ ಬದುಕಿಗೆ ಒಂದು ಕನಸು.. ಆ ಸುಂದರ ಕನಸಿಗೆ ಉತ್ತಮ ಭವಿಷ್ಯ ಇರಬೇಕು. ರಾಶಿ ಯಾವುದಾಗಿದ್ದರೇನು? ಕನಸು ನನಸು ಮಾಡಿಕೊಂಡು ಬದುಕಿನ ಸಾರ್ಥಕತೆಯ ಫಲ ಅನುಭವಿಸಬೇಕು ಅಂದರೆ ಅದಕ್ಕೆ ಪರಿಶ್ರಮ ಬೇಕೇಬೇಕು. ಈ ಪರಿಶ್ರಮಕ್ಕೆ ಒಂದಷ್ಟು ಒಳ್ಳೆಯ ಕೆಲಸಗಳ ಅನಿವಾರ್ಯತೆ ಬೆಸೆದುಕೊಂಡು ಬರುತ್ತವೆ. ವ್ಯಾಪಾರ, ಉದ್ಯೋಗ, ಹಣ, ಮದುವೆ, ಸಮಾರಂಭ, ಪ್ರವಾಸ, ಪ್ರೀತಿ, ಪ್ರೇಮ ಸೇರಿದಂತೆ ಸುಂದರ ಕನಸಿನ ಸಾಕಾರಕ್ಕಾಗಿ ಅದೆಷ್ಟೋ ಮಂದಿ ರಾಶಿ ಭವಿಷ್ಯ ನೋಡುವ ವಾಡಿಕೆ ಇದೆ. ಆ ನಿಮ್ಮ ಭವಿಷ್ಯದ ರಾಶಿಫಲ ಇಲ್ಲಿದೆ. ಖ್ಯಾತ ತಾಳೇಗರಿ ತಜ್ಞರು ಹಾಗೂ ಜ್ಯೋತಿಷಿಯಾಗಿರುವ ಡಾ.ಬೆಳವಾಡಿ ಹರೀಶ ಭಟ್ಟರು ನೀಡಿರುವ ನಿಮ್ಮ ರಾಶಿ ಭವಿಷ್ಯ ಈ ಕೆಳಗಿನಂತಿದೆ. 

ಶ್ರೀ ಕ್ರೋಧಿನಾಮ ಸಂವತ್ಸರ, ದಕ್ಷಿಣಾಯನ, ವರುಷ ಋತು, ಶ್ರಾವಣ ಮಾಸ, ಕೃಷ್ಣ ಪಕ್ಷ, ಅಮಾವಾಸ್ಯೆ ತಿಥಿ, ಪುಬ್ಬಾ ನಕ್ಷತ್ರ, ರಾಹುಕಾಲ ಮಂಗಳವಾರ ಮಧ್ಯಾಹ್ನ 3.00 ರಿಂದ 4.30 ರವರೆಗೆ

ಮೇಷ ರಾಶಿ

• ಉತ್ತಮವಾದ ಭೋಜನಕ್ಕೆ ತಿಂಡಿ ತಿನಿಸುಗಳಿಗೆ ಯೋಗ್ಯವಾದ ದಿನ
• ಮೇಲಾಧಿಕಾರಿಗಳು ಹಿರಿಯರು ನಿಮ್ಮನ್ನು ಹೊಗಳುತ್ತಾರೆ
• ಮನಸ್ಸಿನಲ್ಲಿ ಯಾವುದೇ ರೀತಿಯ ಪೂರ್ವಾಗ್ರಹವನ್ನು ಇಟ್ಟುಕೊಳ್ಳಬೇಡಿ
• ಇಂದು ಪ್ರಯಾಣ ಲಾಭದಾಯಕವಾಗಲಿದೆ
• ಅನಗತ್ಯ ವಿಷಯಗಳಿಗೆ ಗಮನ ಕೊಡದಿರುವುದು ಒಳಿತು
• ಕೆಲವು ಸವಾಲುಗಳನ್ನು ಎದುರಿಸಬೇಕಾದ ದಿನವಾಗಬಹುದು
• ಇಷ್ಟ ದೇವತಾ ಪ್ರಾರ್ಥನೆ ಮಾಡಿ

ವೃಷಭ

• ವ್ಯಾವಹಾರಿಕವಾಗಿ ಸಹೋದ್ಯೋಗಿಗಳೊಂದಿಗೆ ಸ್ನೇಹಿತರೊಂದಿಗೆ ಜಗಳವಾಗಬಹುದು
• ಅನಗತ್ಯ ವಿಚಾರಗಳಿಗೆ ಸಮಯ ವ್ಯರ್ಥವಾಗುತ್ತದೆ
• ಮನೆಯವರಿಗೆ ಆತಂಕವಿರಬಹುದು
• ಉನ್ನತ ವ್ಯಾಸಂಗ ಮಾಡುವ ವಿದ್ಯಾರ್ಥಿಗಳಿಗೆ ಶುಭವಿದೆ
• ಹೆಚ್ಚು ಕೆಲಸಗಳಲ್ಲಿ ಮಗ್ನರಾಗಬೇಕು
• ಮೈಗ್ರೇನ್ ತಲೆನೋವು ಇರುವವರು ಪ್ರಯಾಣ ಮಾಡದಿರುವುದು ಒಳಿತು
• ತಾಪಸ ಮನ್ಯುವಿಗೆ ಶರಣು ಹೋಗಿ

ಮಿಥುನ

• ಪ್ರಭಾವಿ ವ್ಯಕ್ತಿಗಳ ಸಂಪರ್ಕದಿಂದ ಕೆಲವು ಕೆಲಸಗಳಾಗುತ್ತದೆ
• ವ್ಯಾಪಾರ ವ್ಯವಹಾರ ಸಮಸ್ಯೆಗಳು ದೂರವಾಗಬಹುದು
• ಮನೆಯಲ್ಲಿ ಕಚೇರಿಯಲ್ಲಿ ಕೆಲಸದ ಒತ್ತಡ ಏರ್ಪಡುತ್ತದೆ
• ಮಧ್ಯಾಹ್ನದ ಒಳಗೆ ಆದಷ್ಟು ನಿಮ್ಮೆಲ್ಲ ಕೆಲಸಗಳನ್ನು ಮುಗಿಸಿಕೊಳ್ಳುವುದು ಒಳಿತು
• ನಿಮ್ಮ ಸ್ನಾಯುಗಳಲ್ಲಿ ಅಥವಾ ನರಗಳಲ್ಲಿ ತೊಂದರೆ ಕಾಣಬಹುದು
• ವಿದ್ಯುತ್ ಉಪಕರಣ ಮಾರಾಟ ಮಾಡುವವರಿಗೆ ಸ್ವಲ್ಪ ಲಾಭ ಕಾಣಬಹುದು
• ಮೃತ್ಯುಂಜಯನನ್ನು ಪ್ರಾರ್ಥನೆ ಮಾಡಿ

ಕಟಕ

• ವೃತ್ತಿ ಜೀವನದ ದೃಷ್ಟಿಯಿಂದ ತುಂಬಾ ಜಾಗರೂಕರಾಗಿರಬೇಕು
• ಕಲೆ ಮತ್ತು ಸಂಗೀತ ಕ್ಷೇತ್ರದವರಿಗೆ ಗೌರವ ಪುರಸ್ಕಾರಗಳಿವೆ
• ಹೊಸ ಆದಾಯದ ಮೂಲಗಳು ಸಿಗಲಿದೆ
• ವೃತ್ತಿಯನ್ನು ಬಿಟ್ಟು ಬೇರೆ ವ್ಯವಹಾರದಲ್ಲಿ ಸಾಧನೆ ಮಾಡುವ ದಿನ
• ಸಹೋದರನಿಗೆ ಅಪಘಾತವಾಗುವ ಸಾಧ್ಯತೆಗಳಿವೆ ಎಚ್ಚರಿಕೆಯಿಂದಿರಲು ಹೇಳಿ
• ದುರ್ಗಾರಾಧನೆಯನ್ನು ಮಾಡಿ

ಸಿಂಹ

• ನಿಮ್ಮ ಕೆಲಸದ ವಿಚಾರದಲ್ಲಿ ಮನೆಯವರ ಸಲಹೆ ಮುಖ್ಯವಾಗುತ್ತದೆ
• ಸ್ನೇಹಿತರು ಬಂಧುಗಳಲ್ಲಿ ಹೆಚ್ಚು ಪ್ರೀತಿ ಪಾತ್ರರಾಗುತ್ತೀರಿ
• ಪೂರ್ವ ನಿಯೋಜನೆಯಂತೆ ಕೆಲಸ ನಿರ್ವಹಿಸಿದರೆ ಲಾಭ ಖಚಿತ
• ಕೆಲಸದ ಮಧ್ಯೆ ಪ್ರತಿಕೂಲಗಳಿದ್ದರೂ ಜಯಶೀಲರಾಗುತ್ತೀರಿ
• ವೈದ್ಯಕೀಯ ರಂಗದಲ್ಲಿ ಕೆಲಸ ಮಾಡುವವರಿಗೆ ಕಳಂಕ ಬರಬಹುದು
• ಇಂದು ಹೆಚ್ಚು ಖರ್ಚಿಗೆ ಅವಕಾಶವಿರುತ್ತದೆ
• ಶ್ರೀಕೃಷ್ಣನನ್ನ ಪ್ರಾರ್ಥಿಸಿ

ಕನ್ಯಾ

• ಕಾರ್ಯಕ್ಷೇತ್ರದಲ್ಲಿ ತುಂಬಾ ಸ್ಪರ್ಧಾತ್ಮಕ ವಾತಾವರಣ ಇರುತ್ತದೆ
• ಎಲ್ಲಾ ಕೆಲಸಗಳನ್ನು ತುಂಬಾ ಶ್ರದ್ಧೆಯಿಂದ ನಿರ್ವಹಿಸಿ
• ದಾಂಪತ್ಯದಲ್ಲಿ ಸಾಮರಸ್ಯವಿರುತ್ತದೆ
• ನಿಮ್ಮ ಸ್ವಭಾವದ ಬಗ್ಗೆ ಆತ್ಮಾವಲೋಕನ ಮಾಡಿಕೊಳ್ಳಬೇಕು
• ನಿಮ್ಮ ಜೀವನದಲ್ಲಿ ಯಾವುದು ನಿಮಗೆ ತಪ್ಪೆನಿಸುವುದು ಅದನ್ನು ಸರಿಪಡಿಸಿಕೊಳ್ಳಿ
• ಮಕ್ಕಳಿಗೆ ಯಶಸ್ವಿದೆ ಶಿಕ್ಷಣ ಕ್ಷೇತ್ರದಲ್ಲಿ ಪರಿಶ್ರಮ ಮುಂದುವರೆಯಲಿ
• ಶ್ರೀಮಾತ್ರೇ ನಮಃ ಎಂದು ದೇವಿಯನ್ನು ಆರಾಧಿಸಿ

ತುಲಾ

• ಭಾವನೆಗಳ ಆಧಾರದ ಮೇಲೆ ಕೆಲಸ ಕಾರ್ಯಗಳಲ್ಲಿ ತೀರ್ಮಾನ ಬೇಡ
• ಇಂದು ಆರೋಗ್ಯದ ಬಗ್ಗೆ ಕಾಳಜಿವಹಿಸಿ
• ಧಾರ್ಮಿಕ ಭಾವನೆಯು ನಿಮ್ಮ ದೊಡ್ಡ ಕಾರ್ಯಗಳಿಗೆ ಸಹಕಾರಿಯಾಗಬಹುದು
• ಭೂಮಿ, ಆಸ್ತಿಗೆ ಸಂಬಂಧಿಸಿದ ಮಾತುಕತೆ ನಡೆಯಬಹುದು
• ಒಡಹುಟ್ಟಿದವರೊಂದಿಗೆ ನಿಮ್ಮ ಬಾಂಧವ್ಯ ಚೆನ್ನಾಗಿರಬಹುದು
• ನೆರೆಹೊರೆಯವರೊಂದಿಗೆ ಜಗಳ ಬೇಡ
• ಆಂಜನೇಯ ಸ್ವಾಮಿಗೆ ವೀಳ್ಯದೆಲೆ ಕೊಡಿ

ವೃಶ್ಚಿಕ

• ಕಾರ್ಯದೊತ್ತಡದಿಂದ ತುಂಬಾ ಆಯಾಸವಾಗುವ ದಿನ
• ನಿಮ್ಮ ಒತ್ತಡವನ್ನು ಕೋಪವನ್ನು ಬೇರೆಯವರ ಮೇಲೆ ತೋರಿಸಬಾರದು
• ಮಾನಸಿಕವಾಗಿ ನೀವು ದೃಢವಾಗಿದ್ದರೂ ಒತ್ತಡ ನಿಮ್ಮನ್ನು ಬಲಹೀನರನ್ನಾಗಿ ಮಾಡಬಹುದು
• ಕಠಿಣ ಪರಿಶ್ರಮ ನಿಮಗೆ ಯಶಸ್ಸು, ಗೌರವವನ್ನು ಕೊಡುತ್ತದೆ
• ಇಂದು ಸಾಯಂಕಾಲ ನಿಮಗೆ ಶುಭವಿದೆ
• ನಾಳೆಯ ವಿಷಯವನ್ನು ಮರೆತು ಆನಂದ ಅನುಭವಿಸುವ ಯೋಗ
• ಶ್ರೀ ರುದ್ರನನ್ನು ಪ್ರಾರ್ಥಿಸಿ, ನಮೋ ಭಗವತೇ ರುದ್ರಾಯ..!

ಧನುಸ್ಸು

• ಬೇರೆಯವರ ಭಾವನೆಗಳಿಗೆ ನೀವು ಹೆಚ್ಚು ಸ್ಪಂದಿಸುತ್ತೀರಿ
• ಜನರು ನಿಮ್ಮ ಕಡೆ ಆಕರ್ಷಿತರಾಗುತ್ತಾರೆ
• ನಿಮ್ಮದು ಉಚಿತವಾದ ಸಲಹೆ, ಉಪಯೋಗವನ್ನು ಬೇರೆಯವರು ಪಡೆಯುತ್ತಾರೆ
• ಎಲ್ಲಾ ಇದ್ದರೂ ಸುಖ ಪಡುವ ಯೋಗ ನಿಮ್ಮದಾಗಿರುವುದಿಲ್ಲ
• ನಿಮ್ಮ ಹಿಂದೆ ಜನರು ನಿಮ್ಮನ್ನು ದೂಷಿಸುತ್ತಿರುತ್ತಾರೆ
• ಲಕ್ಷ್ಮೀದೇವಿಯನ್ನು ಆರಾಧನೆ ಮಾಡಿ

ಮಕರ

• ನಿಮ್ಮ ವಿರೋಧಿಗಳಿಗೆ ಇಂದು ಸೋಲಿರುತ್ತದೆ
• ನಿಮ್ಮ ಬಗ್ಗೆ ಶತ್ರುಗಳು ರೂಪಿಸಿದ ಯಾವ ಯೋಜನೆಗಳು ಕೆಲಸ ಮಾಡುವುದಿಲ್ಲ
• ಆರೋಗ್ಯದ ಬಗ್ಗೆ ಸಮಾಧಾನವಿರುತ್ತದೆ
• ವ್ಯಾಪಾರ, ಹೊಸ ವ್ಯವಹಾರ ಮಾಡಲು ಶುಭದಿನ
• ಹಣ ಉಳಿಸುವ ಬೇರೆ ಬೇರೆ ದಾರಿ ಕಂಡುಕೊಳ್ಳುವಿರಿ
• ಮನೆ ಮಕ್ಕಳ ಬಗ್ಗೆ ಪ್ರೀತಿ ವಿಶ್ವಾಸ ತೋರಿಸಿ
• ಶ್ರೀರಾಮದೂತ ಮಾರುತಿಯನ್ನು ಪೂಜಿಸಿ

ಕುಂಭ

• ಹೊಸ ಕೆಲಸಗಳಿಗಾಗಿ ಆತುರ ಪಡಬೇಡಿ
• ಹಿಂದಿನ ತಪ್ಪುಗಳನ್ನು ತಿದ್ದಿಕೊಳ್ಳಲು ಇಂದು ಅವಕಾಶವಿರಲಿದೆ
• ಖಾಸಗಿ ಕೆಲಸ ಮಾಡುವವರಿಗೆ ಕಿರಿಕಿರಿ ಉಂಟಾಗಬಹುದು
• ನಿಮ್ಮ ನಡವಳಿಕೆಯಿಂದ ಮನೆಯವರಿಗೆ ಕೋಪ ಬರಬಹುದು
• ನೀವು ನೀವಾಗಿರಬೇಕು, ಹೊಸತನ್ನು ಪ್ರದರ್ಶಿಸಬೇಡಿ
• ಮಾತು-ಸ್ವಭಾವ ಸ್ವಾಭಾವಿಕವಾಗಿದ್ದರೆ ಬೆಲೆ ಹೆಚ್ಚಾಗುತ್ತದೆ
• ವಿಷ್ಣು ಮೂರ್ತಿಯನ್ನು ಆರಾಧಿಸಿ

ಮೀನ

• ನಿಮ್ಮ ಸ್ವಾಭಿಮಾನದ ಬಗ್ಗೆ ಗೌರವವಿರಲಿ ಅದು ಅಹಂಕಾರವಾಗಲು ಬಿಡಬೇಡಿ
• ಬೇರೆಯವರ ಸಲಹೆ ತೆಗೆದುಕೊಳ್ಳಿ ಆದರೆ ತೀರ್ಮಾನ ನಿಮ್ಮದಾಗಿರಲಿ
• ಬೇರೆಯವರ ಪೂರ್ಣ ಅವಲಂಬನೆ ನಿಮಗೆ ಹಿನ್ನಡೆಯಾಗಬಹುದು
• ಸರ್ಕಾರದ ಕೆಲಸಗಳು ನಿಮಗೆ ಸಂತೋಷವನ್ನುಂಟು ಮಾಡಬಹುದು
• ತಾಯಿಯವರ ಆರೋಗ್ಯದಲ್ಲಿ ಏರುಪೇರು ಆಗುವುದರಿಂದ ಚಿಂತೆಯಾಗಬಹುದು
• ಆರ್ಥಿಕ ಸಹಾಯದ ಅಗತ್ಯತೆಯು ಕಾಣುತ್ತದೆ
• ಶ್ರೀನಿವಾಸನನ್ನು ಪ್ರಾರ್ಥಿಸಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ