ಅದೊಂದು ದಿವ್ಯ ಪ್ರತಿಭೆ. ಕನ್ನಡ, ತೆಲುಗು ತಮಿಳು ನಟ ನಟಿಯರೆಲ್ಲ ಇವರು ಕುಣಿಸಿದಂತೆ ಅವರು ಕುಣಿಯುತ್ತಿದ್ದರು. ಕುಣಿಯುವುದು ಕುಣಿಸುವುದೇ ವೃತ್ತಿ ಮಾಡಿಕೊಂಡಿದ್ದ ಅದ್ಭುತ ಪ್ರತಿಭೆ, ರಜನಿಕಾಂತ್​ರಿಂದ ಹಿಡಿದು ಸಲ್ಮಾನ್​ಖಾನ್​ವರೆಗೂ ಇವನು ಹಾಕಿಕೊಟ್ಟ ಸ್ಪೆಪ್​​ಗಳನ್ನು ಅವರು ಹಾಕುತ್ತಿದ್ದರು. ಯಶಸ್ಸು ದುಡ್ಡು ಅನ್ನೋದು ದಂಡಿ ದಂಡಿಯಾಗಿ ಬಂದು ಅವನ ಮನೆಯಂಗಳದಲ್ಲಿ ಬಿದ್ದಿತ್ತು. ಸದಾ ಹೊಸತನಕ್ಕೆ ತುಡಿಯುವ, ಹೊಸದೊಂದನ್ನು ಸೃಷ್ಟಿಸಿ ಡಾನ್ಸ್​ ಜಗತ್ತಿನಲ್ಲಿ ಹೊಸ ಕ್ರಾಂತಿಯನ್ನೇ ಸೃಷ್ಟಿಸುತ್ತಿದ್ದ ವಿಶ್ವಾದ್ಯಂತ ಸದ್ದು ಮಾಡಿದ್ದ ಜಾನಿ ಮಾಸ್ಟರ್​ ವಿರುದ್ಧವೇ ಈಗ ಬಲತ್ಕಾರದ ಕೇಸ್ ಬಿದ್ದಿದೆ.

ಜಾನಿ ಮಾಸ್ಟರ್ ಅಂದ ತಕ್ಷಣ ನಮಗೆ ನೆನಪು ಬರೋದು ಅಪ್ಪು ಡಾನ್ಸ್​ ಫೀಲ್​ ದ ಪವರ್ ಅಂತ  ಫ್ಯಾನ್ಸ್​ಗೆ ಪವರ್​​ ಫುಲ್​​ ಸ್ಟೆಪ್ಸ್​ ಹಾಕಿಸಿದ್ದು. ಓಪನ್​ ದಿ ಬಾಟಲ್​ ಅಂತ ಕನ್ನಡಿಗರಿಗೆ ಡ್ಯಾನ್ಸ್​​ ಕಿಕ್​​​ ಏರಿಸಿದ್ದು. ಇಷ್ಟೇ ಅಲ್ಲ ರಾರಾ ರಕ್ಕಮ್ಮ ಅಂತಾ ಪುಟ್ಟ ಮಕ್ಕಳಿಂದ ಹಿಡಿದು ವಯೋವೃದ್ಧರತನಕವೂ ಕಿಚ್ಚೆಬ್ಬಿಸಿದ್ದು ನಮ್ಮ ಸ್ಟಾರ್​ ಹೀರೋಗಳೇ ಆದ್ರೂ ಈ ಎಲ್ಲಾ ಟ್ರೇಡ್​ಮಾರ್ಕ್​ ಸ್ಟೆಪ್​ಗಳ ಹಿಂದೆ ಒಂದು ದೈತ್ಯ ಶಕ್ತಿ ಇತ್ತು. ಹೆಸರಾಂತ ಕೊರಿಯೋಗ್ರಾಫರ್​ ಒಬ್ಬನ ಕಾಲ್ಚೆಳಕಗಳಿತ್ತು. ಬರೀ ಇಲ್ಲಷ್ಟೇ ಅಲ್ಲ, ತಮಿಳು, ತೆಲುಗು, ಹಿಂದಿ ಅಂತಾ ಇಡೀ ದೇಶದ ದಿಗ್ಗಜ ನಾಯಕರನ್ನೇ ಥಕಥೈ ಅಂತಾ ಕುಣಿಸಿದ್ದ ಖ್ಯಾತ ಕೊರಿಯೋಗ್ರಾಫರ್​ ಬೇರಾರೂ ಅಲ್ಲ. ಶೇಖ್​ ಜಾನಿ ಭಾಷಾ, ಉರುಫ್​ ಜಾನಿ ಮಾಸ್ಟರ್​.

ಫೇಮಸ್​​ ಡ್ಯಾನ್ಸ್​ ಮಾಸ್ಟರ್​​ ಮೇಲೆ ಸಿಡಿದೆದ್ದ ಯುವತಿ!
‘ರಕ್ಕಮ್ಮ’ ಸ್ಟೆಪ್​ ಹಾಕಿಸಿದ ಜಾನಿ ಮೇಲೆ ಬಲತ್ಕಾರದ ಕೇಸ್​!

3 ಭಾಷೆಗಳಲ್ಲೂ ಟಾಪ್​ ಡ್ಯಾನ್ಸ್​​ ಕೊರಿಯೋಗ್ರಾಫರ್​ ಜಾನಿ​!

ಪುನೀತ್​ ರಾಜ್​ಕುಮಾರ್​ ಸಿನಿಮಾಗಳಲ್ಲಿ ಒಂದಲ್ಲ ಒಂದು ಸಾಂಗ್​ ಜಾನಿಗಾಗಿ ಕಾಯ್ತಾ ಇರ್ತಿತ್ತು. ಯಾಕಂದ್ರೆ. ಕನ್ನಡದ ಸ್ಟಾರ್​ ಅಪ್ಪು ಡ್ಯಾನ್ಸ್​ನಲ್ಲಿ ಟಾಪ್​​ನಲ್ಲಿದ್ರು. ಅಪ್ಪು ಅವರ ಸ್ಟ್ಯಾಮಿನಾ, ಎನರ್ಜಿ ಹಾಗೂ ಡ್ಯಾನ್ಸಿಂಗ್​ ಟ್ಯಾಲೆಂಟ್​ಗೆ ಜಾನಿನೇ ಕರೆಕ್ಟ್​ ಅಂತಾ ಡೈರೆಕ್ಟರ್​​ಗಳಿಗೆ ಅಷ್ಟೇ ಯಾಕೆ ಅಪ್ಪು ಅವರಿಗೂ ಅನಿಸ್ತಿತ್ತು. ಹಾಗಾಗಿ, ಜಾನಿ ಅಪ್ಪು ಅವರ ಸಿನಿಮಾದ ಮಾಸ್​ ಸಾಂಗ್​ಗಳಲ್ಲಿ​ ಕೊರಿಯೋಗ್ರಫಿಗೆ ಫಿಕ್ಸ್​​​ ಆಗಿರ್ತಿದ್ರು.

ಇದನ್ನೂ ಓದಿ: ಅಪ್ಪು, ಕಿಚ್ಚನಿಗೂ ಕೊರಿಯೋಗ್ರಫಿ ಮಾಡಿದ ಈ ಜಾನಿ ಮಾಸ್ಟರ್​ ಯಾರು? ಮದ್ವೆಯಾಗಿ ಮಕ್ಕಳಿದ್ರೂ ಹೀಗೆ ಮಾಡಿದ್ರಾ? 

​​​​ನಿಮಗೆ ರಾ ರಾ ರಕ್ಕಮ್ಮ ಸಿಗ್ನೇಚರ್​ ಸ್ಟೆಪ್​ ನೆನಪಿರಬೇಕಲ್ವಾ? ಅದರ ಮಾಸ್ಟರ್​ಮೈಂಡೇ​ ಇದೇ ಜಾನಿ. ತೆಲುಗು ತಮಿಳಲ್ಲೂ ಡ್ಯಾನ್ಸ್​ನಿಂದ ಗುರುತಿಸಿಕೊಂಡಿದ್ದ ಜಾನಿ ಕನ್ನಡದಲ್ಲೂ ಭಾರೀ ಬೇಡಿಕೆಯ ಡ್ಯಾನ್ಸರ್​ ಆಗಿದ್ದ. ಪುನೀತ್​ ರಾಜ್​ಕುಮಾರ್​​ರನ್ನ ತೆರೆ ಮೇಲೆ ಮಾಸ್​​ ಡ್ಯಾನ್ಸರ್​ ಆಗಿ ತೋರಿಸಿದ್ದ ಜಾನಿ, ಕಿಚ್ಚ ಸುದೀಪ್​ರನ್ನ ಕೂಡ ಮಸ್ತ್​ ಸ್ಟೆಪ್​ಗಳಿಂದ ತೆರೆ ಮೇಲೆ ಮಿಂಚುವಂತೆ ಮಾಡಿದ್ರು. ಅತ್ತ ತಮಿಳಿನಲ್ಲಿ ಕ್ರಾಂತಿ ಮಾಡಿದ ನುವ್ವು ಕಾವಲಯ್ಯ ಹಾಡಿದ್ಯಲ್ಲ. ಆ ಹಾಡಿನ ಹೆಜ್ಜೆಗಳ ಸೃಷ್ಟಿಕರ್ತ ಕೂಡ ಇದೇ ಜಾನಿ ಮಾಸ್ಟರ್​.

ಹೀಗೆ ತೆಲುಗು, ತಮಿಳು. ಅಲ್ಲು ಅರ್ಜುನ್​, ರಾಮ್​ ಚರಣ್​​, ದಳಪತಿ ವಿಜಯ್​​ ಪ್ರತಿಯೊಬ್ಬರಿಗೂ ಡ್ಯಾನ್ಸ್​​ನ ಖ್ಯಾತಿ ತಂದು ಕೊಡೋದ್ರಲ್ಲಿ ಜಾನಿ ಪಾತ್ರ ದೊಡ್ಡದಾಗಿದೆ. ಆಯಾ ಸ್ಟಾರ್​ಗೆ ತಕ್ಕಂತೆ.. ಅವರವರ ಬಾಡಿ ಲಾಂಗ್ವೇಜ್​ಗೆ ತಕ್ಕಂತ ಸ್ಟೆಪ್ಸ್​​ ಕ್ರಿಯೆಟ್​ ಮಾಡೋದ್ರಲ್ಲಿ ಜಾನಿ ಪಂಟರ್​​. ಅದು ಐಟಮ್​ ಸಾಂಗ್ಸ್ ಆದ್ರೂ ಸೈ. ಡುಯೆಟ್​ ಸಾಂಗ್​ ಆದ್ರೂ ಜೈ.

ಹೀಗೆ ಜಾನಿ ಹಾಕಿಸೋ ಪ್ರತಿಯೊಂದು​ ಸ್ಟೆಪ್ಸ್​​ ನೋಡುಗರನ್ನ ಕಿಕ್ಕೇರಿಸೋದ್ರಲ್ಲಿ ಡೌಟಿಲ್ಲ. ಅಂತಹ ಕೊರಿಯೋಗ್ರಾಫರ್ ಮೇಲೆ ಬಂದಿರೋ ಆರೋಪ ಜಾನಿ ಮಾಸ್ಟರ್​ ಕೈಕಾಲು ಕಟ್ಟಿ ಹಾಕಿದಂತಾಗಿದೆ. ಈಗ ಅಸಲಿ ಮ್ಯಾಟರ್​ ಹೇಳ್ಬಿಡ್ತೀವಿ ಕೇಳಿ. 21 ವರ್ಷದ ಯುವತಿಯೊಬ್ಬಳು 2017ರಲ್ಲಿ ಜಾನಿ ಮಾಸ್ಟರ್​ಗೆ ಪರಿಚಯವಾಗಿದ್ದಳಂತೆ. ಎರಡು ವರ್ಷಗಳ ಕಾಲ ಆಕೆ ಜಾನಿಯ ಜೊತೆಗೆ ಜೊತೆ ಟಚ್​ನಲ್ಲಿದ್ದಳಂತೆ. ಇನ್ನು, 2019ರಲ್ಲಿ ಜಾನಿ ಟೀಮ್​ನಲ್ಲೇ ಅಸಿಸ್ಟೆಂಟ್​ ಡ್ಯಾನ್ಸರ್​​ ಆಗಿ ಆಕೆ ಸೇರ್ಕೊಂಡಿದ್ದಾಳೆ. ದಿನ ಕಳೆದಂತೆ,  ಅವಳ ಬಳಿ ಮಾಸ್ಟರ್​ ತನ್ನ ಅಸಲಿ ಮುಖದ ಪ್ರದರ್ಶನ ಮಾಡಿದ್ದನಂತೆ. ಶೂಟಿಂಗ್​ ಹೋದಾಗ, ಮನೆ, ಆಫೀಸ್​ ಬಳಿ ಆಕೆಯ ಮೇಲೆ ಲೈಂಗಿಕ ದೌರ್ಜನ್ಯವೆಸೆಗಿದ್ದಾನೆ ಅನ್ನೋದು 21 ವರ್ಷದ ಯುವತಿಯೇ ಮಾಡಿರೋ ಆರೋಪ.

ಸುತ್ತಮುತ್ತ ಯಾರೇ ಇದ್ದರೂ ಅಸಹ್ಯವಾಗಿ ಮೈಕೈ ಮುಟ್ಟುತ್ತಿದ್ದ. ಬೇರೆ ರಾಜ್ಯ, ಬೇರೆ ದೇಶಕ್ಕೆ ಶೂಟಿಂಗ್​ಗೆ ಹೋದಾಗ ಅತ್ಯಾಚಾರ ನಡೆಸಿ, ಯಾರಿಗಾದ್ರೂ ಹೇಳಿದ್ರೆ ಸಾಯಿಸಿಬಿಡ್ತೀನಿ ಅಂತ ಬೆದರಿಕೆಗಳನ್ನ ಹಾಕ್ತಿದ್ದ ಅಂತಾ ಜಾನಿ ಮಾಸ್ಟರ್​ ವಿರುದ್ಧ ಯುವತಿ ಆರೋಪ ಮಾಡಿದ್ದಾಳೆ.

ಕಳೆದ ತಿಂಗಳು 28ನೇ ತಾರೀಕು ಯುವತಿಯ ಮನೆ ಮುಂದೆ ಒಂದು ಬ್ಯಾನರ್​​ ರೀತಿ  ಪೋಸ್ಟರ್​ ನೇತಾಕಲಾಗಿ. ಅದರಲ್ಲಿ ಇದೇ ನಿನ್ನ ಕೊನೆಯ ಶೂಟಿಂಗ್​, ಇನ್ನೇಲೆ ನಿಂಗೆ ಅವಕಾಶಗಳೇ ಇಲ್ಲದಂತೆ ಮಾಡ್ತೀನಿ ಅಂತಾ ಬರೆದಿತ್ತಂತೆ. ಜಾನಿಯಿಂದ ಆ ಯುವತಿಗೆ ಪ್ರಾಣ ಹಾನಿ ಇರೋದನ್ನೂ ಎಫ್​ಐಆರ್​ನಲ್ಲಿ ದಾಖಲಿಸಿದ್ದಾಳೆ. ಯುವತಿಯ ದೂರಿನ ಮೇರೆಗೆ ಹೈದರಾಬಾದ್​​ನ ರಾಯದುರ್ಗ ಪೊಲೀಸರು ಜೀರೋ ಎಫ್‌ಐಆರ್ ದಾಖಲಿಸಿದ್ದಾರೆ. ಆಕೆ ನರಸಿಂಗಿ ನಿವಾಸಿಯಾಗಿದ್ರಿಂದ, ಇನ್ನಷ್ಟು ಹೆಚ್ಚಿನ ತನಿಖೆಗಾಗಿ ಈ ಪ್ರಕರಣವನ್ನ ನರಸಿಂಗಿ ಪೊಲೀಸರಿಗೆ ವರ್ಗಾಯಿಸಿದ್ದಾರೆ.

ಅಷ್ಟಕ್ಕೂ ಜಾನಿ ವಿರುದ್ಧ ದಾಖಲಾಗಿರೋ ಸೆಕ್ಷನ್​​ಗಳ್ಯಾವ್ಯಾವು ಅಂತ ನೋಡೊದಾದ್ರೆ. ಜಾನಿ ವಿರುದ್ಧ ಯುವತಿ ಕೊಟ್ಟ ದೂರಲ್ಲಿ ಮೂರು ವಿಷ್ಯಗಳು ಸ್ಪಷ್ಟ ಹೇಳಿದ್ದಾಳೆ. ಅವುಗಳಲ್ಲಿ ಐಪಿಸಿ ಸೆಕ್ಷನ್​​ 376 ಪ್ರಕಾರ ಅತ್ಯಾಚಾರ ಕೇಸ್ ಆಗಿ, ಸೆಕ್ಷನ್​ 506 ಕ್ರಿಮಿನಲ್​ ಬೆದರಿಕೆಯಾಗಿ, ಇನ್ನೂ ಸೆಕ್ಷನ್ 323 ಕಲಂ (2) (ಎನ್) – ಇದು ಸ್ವಯಂಪ್ರೇರಿತವಾಗಿ ಗಾಯ ಮಾಡಿದ್ದು, ನೋವುಂಟು ಮಾಡಿದ್ದಕ್ಕೆ ಕೇಸ್​ ದಾಖಲಾಗಿದೆ.)

ಇದು ಜಾನಿ ಮಾಸ್ಟರ್​ ವಿರುದ್ಧ ನೊಂದ ಯುವತಿ ಮಾಡಿರೋ ಆರೋಪ. ಸೌತ್​ ಸಿನಿ ಇಂಡಸ್ಟ್ರಿಯಲ್ಲಿ ಜಾನಿ ಅಂದ್ರೆ ಒಂದು ರೇಂಜ್​ ಇದ್ದ ಡ್ಯಾನ್ಸರ್​ಗೆ ಈಗ ಈ ರೇಪ್​ ಕೇಸ್​​ ಆತನ ಸಾಧನೆಯನ್ನ ಅಣಕಿಸುವಂತಾಗಿದೆ. ಒಬ್ಬ ರಾಷ್ಟ್ರ ಪ್ರಶಸ್ತಿ ಪುರಸ್ಕೃತ ಕೋರಿಯಾಗ್ರಾಫರ್ ವಿರುದ್ಧ ರೇಪ್ ಕೇಸ್ ದಾಖಲಾಗಿದ್ದು ಇಡೀ ತೆಲುಗು ಇಂಡಸ್ಟ್ರಿ ಮೌನವಾಗಿರುವಂತೆ ಮಾಡಿದೆ. ಬಟ್​,​ ಜಾನಿಗೆ ಈ ಜೈಲು, ಪೊಲೀಸ್​ ಕೇಸು ಇದ್ಯಾವೂ ಹೊಸದಲ್ಲ..ಅಷ್ಟೇ ಅಲ್ಲ, ಆತ ಇಂಡಸ್ಟ್ರಿಗೆ ಎಂಟ್ರಿ ಕೊಟ್ಟಿದ್ದ ರೀತಿಯೂ ಸಖತ್​ ರೋಚಕವಾಗಿತ್ತು ಅಂದ್ರೆ ನೀವು ನಂಬಲೇಬೇಕು. ಜಾನಿಯ ಇತರೆ ಕೇಸ್​ಗಳ ಹಿಸ್ಟರಿ ನೋಡಿದ್ರೆ ಜಾನಿ ಕಹಾನಿ ಸಣ್ಣದಲ್ಲ ಅಂತನಿಸಿಬಿಡುತ್ತೆ.