300 ಕೋಟಿ ಸಲಾರ್… ಹೈ ವೋಲ್ಟೇಜ್ ಸಿನಿಮಾ

450 ಕೋಟಿಯ ಆದಿಪುರುಷ್.. ಲಾಭ ಎಷ್ಟು ಮಾಡ್ಬಹುದು?

ಜನವರಿಯಲ್ಲಿ 500 ಕೋಟಿಯ ‘ಪ್ರಾಜೆಕ್ಟ್​ಕೆ’!

ಪ್ಯಾನ್ ಇಂಡಿಯಾದಲ್ಲಿ ಏಳೆಂಟು ತಿಂಗಳು ಪ್ರಭಾಸ್​​ ಮೇನಿಯಾ. ಡಾರ್ಲಿಂಗ್​ ನಂಬಿದವರಿಗೆ ಈ ಏಂಟು ತಿಂಗಳು ಅದೃಷ್ಟ ಪರೀಕ್ಷೆ. ಇದು 500 ಕೋಟಿ ಅಥವಾ 1000 ಕೋಟಿ ವಿಷಯಲ್ಲ. ಆಲ್​ಮೋಸ್ಟ್​ 3000 ಕೋಟಿ ಕಥೆ. ಬಾಹುಬಲಿ ಆದ್ಮೇಲೆ ಪ್ರಭಾಸ್​ ವಿಚಾರದಲ್ಲಿ ಎಕ್ಸ್​ಪೆಕ್ಟ್​ಟೇಶನ್​ಗೆ​ ತಕ್ಕಂತೆ ಏನೂ ಆಗ್ತಿಲ್ಲ. ಸಾಹೋ, ರಾಧೆಶ್ಯಾಮ್ ಅಂತ ಹೈ ಬಜೆಟ್​ ಚಿತ್ರಗಳನ್ನ ಮಾಡಿದ್ರು ನಿರೀಕ್ಷೆಯಂತೆ ಬ್ಯುಸಿನೆಸ್​ ಆಗ್ಲಿಲ್ಲ. ಡಾರ್ಲಿಂಗ್​ನ ನಂಬಿ ಕೋಟ್ಯಾಂತರ ರೂಪಾಯಿ ಇನ್ವೆಸ್ಟ್​ ಮಾಡಿದ ಪ್ರೊಡ್ಯೂಸರ್ಸ್​ಗೆ ಲಾಭಕ್ಕಿಂತ ನಷ್ಟ ಆಗಿದ್ದೇ ಹೆಚ್ಚು. ಆದರೂ ಕೋಟಿ ಸರದಾರನ ಮೇಲೆ ನಂಬಿಕೆ ಕಳೆದುಕೊಳ್ಳದ ನಿರ್ಮಾಪಕರು ಕೋಟಿ ಕೋಟಿ ಸುರಿದು ಇನ್ನಷ್ಟು ದೊಡ್ಡದಾಗಿ ಸಿನಿಮಾಗಳನ್ನ ಮಾಡ್ತಾ ಇದ್ದಾರೆ.

ಪ್ಯಾನ್ ಇಂಡಿಯಾ ಸ್ಟಾರ್​ ಪ್ರಭಾಸ್​ ಬ್ಯಾಕ್ ಟು ಬ್ಯಾಕ್ ಮೂರು ದೊಡ್ಡ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಒಂದಕ್ಕಿಂತ ಒಂದು ವಿಶೇಷವಾಗಿದ್ದು, ಈ ಚಿತ್ರಗಳ ಬಜೆಟ್​ ಕೂಡ ಅಷ್ಟೇ ದುಬಾರಿಯಾಗಿದೆ. ಈ ಮೂರು ಚಿತ್ರಗಳ ಒಟ್ಟು ಬಜೆಟ್​ ಅಂದಾಜಿಸಿದ್ರೆ 1000 ದಿಂದ 1500 ಕೋಟಿವರೆಗೂ ಆಗುತ್ತೆ ಎನ್ನಲಾಗುತ್ತಿದೆ. ಬಜೆಟ್​ ಇಷ್ಟಾದ್ರೆ ಇನ್ನು ಈ ಚಿತ್ರಗಳಿಂದ ಟಾರ್ಗೆಟ್ ಎಷ್ಟಿರಬಹುದು ಅನ್ನೋದು ಈಗ ಬಣ್ಣದ ಲೋಕದಲ್ಲಿ ಭಾರಿ ಚರ್ಚೆಗೆ ಕಾರಣವಾಗಿದೆ.

450 ಕೋಟಿಯ ಆದಿಪುರುಷ್.. ಲಾಭ ಎಷ್ಟು ಮಾಡ್ಬಹುದು?
ಬಾಲಿವುಡ್​ನ ಖ್ಯಾತ ನಿರ್ದೇಶಕ ಓಂ ರಾವತ್​ ಸಾರಥ್ಯದಲ್ಲಿ ಮೂಡಿ ಬರ್ತಿರೋ ಸಿನಿಮಾ ಆದಿಪುರುಷ್. ರಾಮಾಯಣ ಕಥಾಹಂದರ ಹೊಂದಿರುವ ಈ ಚಿತ್ರದಲ್ಲಿ ಶ್ರೀರಾಮನ ಪಾತ್ರದಲ್ಲಿ ಪ್ರಭಾಸ್, ರಾವಣನ ಪಾತ್ರದಲ್ಲಿ ಸೈಫ್ ಅಲಿ ಖಾನ್, ಸೀತಾಮಾತೆ ಪಾತ್ರದಲ್ಲಿ ಕೃತಿ ಸನೂನ್ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರದ ಬಜೆಟ್​ ಅಂದಾಜು 450 ಕೋಟಿ. ಅರ್ಧದಷ್ಟು ಬಜೆಟ್​ನ ಚಿತ್ರದ ವಿಎಫ್​ಎಕ್ಸ್​ಗೆ ಖರ್ಚು ಮಾಡಿದೆಯಂತೆ ಚಿತ್ರತಂಡ. ಹಿಂದಿ, ತೆಲುಗು, ಕನ್ನಡ ಸೇರಿ ಐದು ಭಾಷೆಯಲ್ಲಿ ಜೂನ್ 16ಕ್ಕೆ ಆದಿಪುರುಷ್ ತೆರೆಗೆ ಬರ್ತಿದ್ದು, ಒನ್​ ಟು ಡಬಲ್​ ಗಳಿಕೆ ಮೇಲೆ ಪ್ರಭಾಸ್​ ಟೀಮ್ ಕಣ್ಣಿಟ್ಟಿದೆ. ಅಂದ್ರೆ 450 ಕೋಟಿ ಬಜೆಟ್​ನ ಈ ಸಿನಿಮಾ ಕನಿಷ್ಠ ಅಂದ್ರು 1000 ಕೋಟಿ ಕಲೆಕ್ಷನ್ ಮಾಡ್ಬೇಕು ಅನ್ನೋದು ಪ್ಲಾನಿಂಗ್​ ಅಂತೆ.

300 ಕೋಟಿ ಸಲಾರ್… ಹೈ ವೋಲ್ಟೇಜ್ ಸಿನಿಮಾ
ಎರಡು ಸೋಲುಗಳಿಂದ ಅಪ್​ಸೆಟ್​ ಆಗಿರೋ ಪ್ರಭಾಸ್​ಗೆ ಆದಿಪುರುಷ್ ಗೆಲುವಿನ ಮಾಲೆ ಹಾಕುತ್ತೆ ಎಂಬ ನಿರೀಕ್ಷೆ ಇದೆ. ಆದ್ರೆ, ಬಿಡುಗಡೆಗೂ ಮುಂಚೆಯೇ ಚಿತ್ರದ ಕ್ವಾಲಿಟಿ ಬಗ್ಗೆ ನೆಗೆಟಿವ್ ಅಭಿಪ್ರಾಯ ಮೂಡಿರೋ ಹಿನ್ನೆಲೆ ಆದಿಪುರುಷ್​ಗಿಂತ ಸಲಾರ್ ಚಿತ್ರದ ಮೇಲೆ ಎಕ್ಸ್​ಪೆಕ್ಟೇಶನ್ ಜಾಸ್ತಿ ಇದೆ. ಹೌದು, ಹೊಂಬಾಳೆ ಫಿಲಂಸ್​ ಅಡಿ ತಯಾರಾಗ್ತಿರುವ ಸಲಾರ್​ಗೆ ಕೆಜಿಎಫ್ ಡೈರೆಕ್ಟರ್ ಪ್ರಶಾಂತ್ ನೀಲ್ ಆ್ಯಕ್ಷನ್ ಕಟ್ ಹೇಳ್ತಿರೋದ್ರಿಂದ ಪ್ರಭಾಸ್​ಗೆ ಬಿಗ್ ಬ್ರೇಕ್​ ಕೊಡೋದೇ ಸಲಾರ್ ಎಂಬ ನಂಬಿಕೆ ಸೃಷ್ಟಿಯಾಗಿದೆ. ಇನ್ನು, ಕಲೆಕ್ಷನ್ ಬಗ್ಗೆ ಹೇಳೋದಾದ್ರೆ ಕೆಜಿಎಫ್ ಸಿನಿಮಾ 1100 ಕೋಟಿವರೆಗೂ ಬ್ಯುಸಿನೆಸ್​ ಮಾಡಿತ್ತು. ಅದನ್ನ ಮೀರಿಸುವಂತೆ ಸಲಾರ್ ಬರ್ತಿದೆ ಅನ್ನೋದು ಇಂಡಸ್ಟ್ರಿಯೊಳಗಿನ ಖಾಸ್​ಬಾತ್ ಸಮಾಚಾರ. ಸೆಪ್ಟೆಂಬರ್ 28ಕ್ಕೆ ಸಲಾರ್ ಸಿನಿಮಾ ಐದು ಭಾಷೆಯಲ್ಲಿ ರಿಲೀಸ್ ಆಗ್ತಿದೆ.

ಜನವರಿಯಲ್ಲಿ 500 ಕೋಟಿಯ ‘ಪ್ರಾಜೆಕ್ಟ್​ಕೆ’!
ಜೂನ್​ನಲ್ಲಿ ಆದಿಪುರುಷ್, ಸೆಪ್ಟೆಂಬರ್​ನಲ್ಲಿ ಸಲಾರ್​ ಮುಗಿತ್ತಿದ್ದಂತೆ ಜನವರಿಯಲ್ಲಿ ಪ್ರಭಾಸ್​ ನಟನೆಯ ಮತ್ತೊಂದು ಹೈ ವೋಲ್ಟೇಜ್ ಸಿನಿಮಾ ‘ಪ್ರಾಜೆಕ್ಟ್​ಕೆ’ ತೆರೆಗೆ ಬರಲಿದೆ. ನಾಗ್ ಅಶ್ವಿನ್ ನಿರ್ದೇಶನದ ಸೈನ್ಸ್​ ಫಿಕ್ಷನ್​ ಚಿತ್ರ ಇದಾಗಿದ್ದು, ಈ ಚಿತ್ರವೂ ಆಲ್​ಮೋಸ್ಟ್​ 450 ರಿಂದ 500 ಕೋಟಿ ವೆಚ್ಚದಲ್ಲಿ ರೆಡಿಯಾಗ್ತಿದೆ. ಮೇಕಿಂಗ್​ ಹಂತದಲ್ಲಿ ಭಾರಿ ಹೈಪ್ ಸೃಷ್ಟಿಸಿರುವ ಈ ಚಿತ್ರ ಹಾಲಿವುಡ್​ ರೇಂಜ್​ಗೆ ಮೇಕಿಂಗ್ ಆಗ್ತಿದೆ ಎನ್ನಲಾಗಿದೆ. ಈ ಸಿನಿಮಾದ ಸ್ಪೆಷಲ್ ಏನಪ್ಪಾ ಅಂದ್ರೆ ಇದೇ ಮೊದಲ ಸಲ ಪ್ರಭಾಸ್​ ಜೊತೆ ದೀಪಿಕಾ ಪಡುಕೋಣೆ, ಅಮಿತಾಭ್ ಬಚ್ಚನ್​ ಸಹ ಸ್ಕ್ರೀನ್ ಶೇರ್ ಮಾಡ್ತಿದ್ದಾರೆ. ಹಾಗಾಗಿ, ಪ್ರಾಜೆಕ್ಟ್​ಕೆ ಚಿತ್ರವೂ ಸಾವಿರ ಕೋಟಿ ಮೇಲೆ ಕಣ್ಣಾಕಿದೆ ಎಂದು ಹೇಳಲಾಗ್ತಿದೆ.

ಒಟ್ಟಿನಲ್ಲಿ ಪ್ರಭಾಸ್​ ಕೈಯಲ್ಲಿರೋ ಈ ಮೂರು ಚಿತ್ರಗಳು ಮೂರು ರತ್ನಗಳು. ಒಂದೊಂದು ಚಿತ್ರವೂ ಒಂದೊಂದು ಸಾವಿರ ಕೋಟಿ ವ್ಯವಹಾರ ಮಾಡೋ ನಿರೀಕ್ಷೆ ಇದೆ. ಇನ್ನು ಈ ಮೂರು ಚಿತ್ರಗಳು ಕೇವಲ ಏಂಟು ತಿಂಗಳ ಅಂತರದಲ್ಲಿ ತೆರೆಗೆ ಬರ್ತಿರೋದ್ರಿಂದ ಏಂಟು ತಿಂಗಳಲ್ಲಿ ಮೂರು ಸಾವಿರ ಕೋಟಿ ಬ್ಯುಸಿನೆಸ್​ ಆಗಬಹುದು ಎಂದು ಅಂದಾಜಿಸಲಾಗುತ್ತಿದೆ.

ವಿಶೇಷ ಸೂಚನೆ: ಸಿನಿಮಾ ಲೋಕದ ಸ್ಪೆಷಲ್ ಸುದ್ದಿಗಳಿಗಾಗಿ ಪ್ರತಿದಿನ ಸಂಜೆ 6.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ಫಿಲ್ಮಿ ಫಸ್ಟ್’ ವೀಕ್ಷಿಸಿ