ಪ್ರಭಾಸ್​​ ಫೇಸ್​ಬುಕ್ ಖಾತೆ ಮೇಲೆ ಹ್ಯಾಕರ್ಸ್​ ಕಣ್ಣು​

ಮನುಷ್ಯರು ದುರಾದೃಷ್ಟವಂತರು ಎಂದು ಪೋಸ್ಟ್​ ಹಂಚಿಕೊಂಡ ಹ್ಯಾಕರ್ಸ್​​

ಫೇಸ್​ಬುಕ್​ನಲ್ಲಿ ರಾಜಮೌಳಿಯನ್ನು ಮಾತ್ರ ಫಾಲೋ ಮಾಡುತ್ತಿರುವ ಪ್ರಭಾಸ್​​

ಟಾಲಿವುಡ್​ ನಟ ಡಾರ್ಲಿಂಗ್ ಪ್ರಭಾಸ್ ಫೇಸ್​​ಬುಕ್​ ಖಾತೆ ಹ್ಯಾಕ್​ ಆಗಿದೆ. ಹ್ಯಾಕರ್ಸ್​ ಅವರ ಖಾತೆಯಲ್ಲಿ ವಿಡಿಯೋ ಪೋಸ್ಟ್​ವೊಂದನ್ನು ಹಂಚಿಕೊಂಡಿದ್ದು, ಅದಕ್ಕೆ ‘ಮನುಷ್ಯರು ದುರಾದೃಷ್ಟವಂತರು’ ಎಂದು ಅಡಿಬರಹ ನೀಡಿದ್ದಾರೆ. ನೆಚ್ಚಿನ ನಟನ ಖಾತೆ ಹ್ಯಾಕ್​ ಆಗಿರೋದು ಅಭಿಮಾನಿಗಳಿಗೆ ಗೊತ್ತಾಗುತ್ತಿದಂತೆ ಇದು ಪೌಲ್​ ಪ್ಲೇ ಎಂದು ಹೇಳಿದ್ದಾರೆ.

ಸದ್ಯ ನಟ ಪ್ರಭಾಸ್​ಗೆ ಈ ವಿಚಾರ ಗೊತ್ತಾಗಿದ್ದು, ಅವರ​ ಟೀಂ ಹ್ಯಾಕ್​ ಆಗಿರುವ ಖಾತೆಯನ್ನು ಸರಿಪಡಿಸಲು ಯತ್ನಿಸುತ್ತಿದ್ದಾರೆ.

ಇನ್ನು ಫೇಸ್​ಬುಕ್​ನಲ್ಲಿ ಪ್ರಭಾಸ್ ಅನೇಕ ಫಾಲೋವರ್ಸ್​ ಹೊಂದಿದ್ದಾರೆ. 24 ಮಿಲಿಯನ್​ ಜನರು ಪ್ರಭಾಸ್​ ಅವರ ಖಾತೆಯನ್ನು ಫಾಲೋ ಮಾಡುತ್ತಿದ್ದಾರೆ. ಆದರೆ ಪ್ರಭಾಸ್​ ಮಾತ್ರ ರಾಜಮೌಳಿಯನ್ನು ಫಾಲೋ ಮಾಡುತ್ತಿದ್ದಾರೆ.

ಪ್ರಭಾಸ್​ ಸಿನಿಮಾ ವಿಚಾರಕ್ಕೆ ಬರೋದಾದ್ರೆ ಕೈಯಲ್ಲಿ​​ ಸದ್ಯ ಸಾಲು ಸಾಲು ಸಿನಿಮಾಗಳಿವೆ. ಒಂದೆಡೆ ಸಲಾರ್​ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ, ಮತ್ತೊಂದೆಡೆ ಕಲ್ಕಿ, ರಾಜ ಡಿಲಕ್ಸ್​ ಸಿನಿಮಾ ಕೂಡ ಇವರ ಕೈಯಲ್ಲಿವೆ. ಇಂತಹ ಸಮಯದಲ್ಲಿ ನಟನ ಖಾತೆ ಹ್ಯಾಕ್​ ಆಗಿರೋದು ಅಚ್ಚರಿಗೆ ಕಾರಣವಾಗಿದೆ.

ವಿಶೇಷ ಸೂಚನೆ: ಸಿನಿಮಾ ಲೋಕದ ಸ್ಪೆಷಲ್ ಸುದ್ದಿಗಳಿಗಾಗಿ ಪ್ರತಿದಿನ ಸಂಜೆ 6.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ಫಿಲ್ಮಿ ಫಸ್ಟ್’ ವೀಕ್ಷಿಸಿ