ಡಿಸಿಎಂ ಡಿಕೆಶಿ, ಮಾಜಿ ಸಿಎಂ ಬಸವರಾಜ್​​ ಬೊಮ್ಮಾಯಿ ದಿಢೀರ್​ ಭೇಟಿ

ಬ್ರ್ಯಾಂಡ್​ ಬೆಂಗಳೂರು ಬಗ್ಗೆ ಉಭಯ ನಾಯಕರಿಂದ ಮಹತ್ವದ ಚರ್ಚೆ

ಬೆಂಗಳೂರು ಅಭಿವೃದ್ಧಿಗಾಗಿ ಡಿಕೆಶಿಗೆ ಸಲಹೆ ಕೊಟ್ಟ ಬಸವರಾಜ್​ ಬೊಮ್ಮಾಯಿ

ಬೆಂಗಳೂರು: ಸಿಲಿಕಾನ್​ ಸಿಟಿ ಬೆಂಗಳೂರು ಸಮಗ್ರ ಅಭಿವೃದ್ಧಿಗಾಗಿ ಸಾರ್ವಜನಿಕರಿಂದ ಸಲಹೆ ಪಡೆಯುವ ಉದ್ದೇಶಕ್ಕಾಗಿ ಈಗಾಗಲೇ ‘ಬ್ರ್ಯಾಂಡ್‌ ಬೆಂಗಳೂರು ಪೋರ್ಟಲ್‌’ ರೂಪಿಸಲಾಗಿದೆ. ಡಿಸಿಎಂ ಡಿ.ಕೆ ಶಿವಕುಮಾರ್​ ಅವರೇ ಖುದ್ದು ಬ್ರ್ಯಾಂಡ್‌ ಬೆಂಗಳೂರು ಪೋರ್ಟಲ್​​ಗೆ ಚಾಲನೆ ನೀಡಿದ್ದಾರೆ.

ಪೋರ್ಟಲ್​ ಸ್ಥಾಪನೆ ಉದ್ದೇಶ ದೇಶ ಮತ್ತು ವಿದೇಶದ ಮೂಲೆ ಮೂಲೆಗಳಲ್ಲಿರೋ ಕನ್ನಡಿಗರು ಬೆಂಗಳೂರು ಅಭಿವೃದ್ಧಿ ಸಂಬಂಧ ಸಲಹೆ ನೀಡಬಹುದು. ಅದಕ್ಕಾಗಿ ಜೂನ್​​ 30ನೇ ತಾರೀಕಿನವರೆಗೂ ಅವಕಾಶ ನೀಡಲಾಗಿದೆ. ಕನ್ನಡ, ಇಂಗ್ಲೀಷ್​​ ಭಾಷೆಯಲ್ಲಿ ಸಲಹೆ ಕೊಡಬಹುದು.

ಇನ್ನ, ಡಿಸಿಎಂ ಡಿ.ಕೆ ಶಿವಕುಮಾರ್​ ಈಗಾಗಲೇ ಬೆಂಗಳೂರು ಸರ್ವಪಕ್ಷ ಶಾಸಕರ ಸಭೆ ನಡೆಸಿದ್ದರು. ಜತೆಗೆ ನಗರದ ಎಲ್ಲಾ ವರ್ಗಗಳ ಬ್ರ್ಯಾಂಡ್‌ ಅಂಬಾಸಿಡರ್‌ಗಳ ಜತೆ ಕೂಡ ಚರ್ಚಿಸಿದ್ದರು. ಹಾಗೆಯೇ ಈಗ ಮಾಜಿ ಸಿಎಂ ಬಸವರಾಜ್​​ ಬೊಮ್ಮಾಯಿ ಅವರನ್ನು ಭೇಟಿ ಮಾಡಿ ಬೆಂಗಳೂರಿನ ಅಭಿವೃದ್ಧಿ ವಿಚಾರದ ಬಗ್ಗೆ ಚರ್ಚಿಸಿದ್ದಾರೆ. ಈ ವೇಳೆ ಹಲವು ಸಲಹೆಗಳನ್ನು ಬೊಮ್ಮಾಯಿ ಡಿ.ಕೆ ಶಿವಕುಮಾರ್​ ಅವರಿಗೆ ನೀಡಿದ್ದಾರೆ ಎಂದು ತಿಳಿದು ಬಂದಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ