ಸೋಲಿನ ಬೆನ್ನಲ್ಲೇ ರೋಹಿತ್​ ಕಣ್ಣಲ್ಲಿ ನೀರು

ಒಂಭತ್ತು ಗೆಲುವಿನ ಮುಂದೆ ಒಂದು ದೊಡ್ಡ ಸೋಲು

ರೋಹಿತ್​ ನಾಯಕತ್ವಕ್ಕೆ ಹ್ಯಾಂಡ್​ಅಪ್​ ಹೇಳಲೇಬೇಕು

ಟೀ ಇಂಡಿಯಾದ ವಿಶ್ವಕಪ್​ ಫೈನಲ್​ನಲ್ಲಿ ಸೋಲುಂಡಿದೆ. ಆಸ್ಟ್ರೇಲಿಯಾಗೆ 6 ವಿಕೆಟ್​ಗಳ ಜಯವನ್ನು ನೀಡಿದೆ. ಆದರೆ ಕ್ರಿಕೆಟ್​​ ಫ್ಯಾನ್ಸ್​ಗಂತೂ ಈ ವಿಚಾರ ಬೇಸರ ತರಿಸಿದೆ. ನಾಯಕ ರೋಹಿತ್​ ಶರ್ಮಾ ಕೂಡ ಈ ಸೋಲನ್ನು ಅರಗಿಸಿಕೊಳ್ಳಲಾಗದೆ ಕಣ್ಣೀರು ಸುರಿಸಿದ್ದಾರೆ. ಆದರೀಗ ವಿಶ್ವಕಪ್​ ಫೈನಲ್​ ಸೋಲಿನಿಂದ ನೊಂದ ರೋಹಿತ್​ ನಾಯಕತ್ವದಿಂದ ಕೆಳಗಿಳಿಯಲಿದ್ದಾರಾ ಎಂಬ ದೊಡ್ಡ ಪ್ರಶ್ನೆಯೊಂದು ಉದ್ಭವವಾಗಿದೆ? ಈ ಬಗ್ಗೆ ಮಾಹಿತಿ ಇಲ್ಲಿದೆ.

ನಾಯಕತ್ವ ಅನ್ನೋದು ಅಷ್ಟೊಂದು ಸುಲಭದ ಮಾತಲ್ಲ. ಇದರ ಮುಂದೆ ದೊಡ್ಡ ಸವಾಲಿದೆ. ತಂಡವನ್ನ ಸರಿಯಾದ ದಿಕ್ಕಿನಲ್ಲಿ ಮುಂದುವರಿಸಬೇಕಾದ ಚಾಕಚಕ್ಯತೆ ಬೇಕಿದೆ. ರೋಹಿತ್​ ಶರ್ಮಾ ವಿಶ್ವಕಪ್​ನಲ್ಲಿ ಅದ್ಭುತವಾಗಿ ತಂಡವನ್ನು ಮುನ್ನಡೆಸಿಕೊಂಡು ಬಂದಿದ್ದರು. ಆದರೆ ವಿಶ್ವಕಪ್​ ಫೈನಲ್​ನಲ್ಲಿ ಮಾತ್ರ ಎಡವಿದರು. ಆದರೂ ಟೀಂ ಇಂಡಿಯಾ ಇಲ್ಲಿಯವರೆಗೆ ದಿ ಬೆಸ್ಟ್​ ಆಟವನ್ನು ನೀಡುತ್ತಾ ಬಂದಿದೆ.

ಭಾರತ ಈ ಬಾರಿ ವಿಶ್ವಕಪ್ ಗೆಲ್ಲುತ್ತೆ ಅನ್ನೋದು ಬಹುತೇಕರ ಕನಸಾಗಿತ್ತು. 12 ವರ್ಷಗಳ ಬಳಿಕ ವಿಶ್ವಕಪ್​ ಟ್ರೋಫಿಗೆ ಟೀಂ ಇಂಡಿಯಾ ಆಟಗಾರರು ಮುತ್ತಿಕ್ಕುತ್ತಾರೆ ಎಂಬುದು ಬಹುತೇಕ ಖಚಿತದ ಮಾತಾಗಿತ್ತು. ಆದರೆ ಫೈನಲ್​ನಲ್ಲಿ ನಡೆದಿದ್ದೇ ಬೇರೆ. ಆಸೀಸ್​ ಬೌಲಿಗರ ದಾಳಿಗೆ ವಿಕೆಟ್​ ಒಪ್ಪಿಸುತ್ತಾ ಬಂದ ಆಟಗಾರರು ಅತ್ತ ಆಸೀಸ್​ ಬ್ಯಾಟ್ಸ್​ಮನ್​ಗಳನ್ನು ಹಿಡಿದಿಡಲು ಕಷ್ಟಪಟ್ಟರು.

ಇನ್ನು ಆಸೀಸ್​ ವಿಶ್ವಕಪ್​ಗೆ ಮುತ್ತಿಕ್ಕಿದಾಗಲಂತೂ ರೋಹಿತ್​ ಕಣ್ಣಲ್ಲಿ ನೀರಿತ್ತು. ಮಾತ್ರವಲ್ಲ, ಟೀಂ ಇಂಡಿಯಾದ ಬಹುತೇಕ ಆಟಗಾರರು ನೊಂದರು. ಆದರೆ ಇಷ್ಟು ವರ್ಷಗಳ ಶತತ ಪ್ರತಿಶ್ರಮಕ್ಕೆ ಸರಿಯಾದ ಬೆಲೆ ಸಿಗದಕ್ಕೆ ಬೇಸರಗೊಂಡರು.ಆದರೆ ಮುಂಬರುವ ವಿಶ್ವಕಪ್​ಗೂ ಮುನ್ನ ರೋಹಿತ್​ ನಾಯಕತ್ವದಿಂದ ಕೆಳಗಿಳಿಯುವುದು ಬಹುತೇಕ ಖಚಿತ. ಹಾಗಂದ ಮಾತ್ರಕ್ಕೆ ಈ ಬಾರಿಯ ಸೋಲಿನಿಂದ ರೋಹಿತ್​ ನಾಯಕತ್ವವನ್ನು ಕೊನೆಗೊಳಿಸುತ್ತಿದ್ದಾರೆ ಎಂದಲ್ಲ.

ಧೋನಿ ನಾಯಕತ್ವದ ಹೇಗಿತ್ತು?

ಧೋನಿ 2007 ರಿಂದ 2017ರವರೆಗೆ ಮಾತ್ರ ನಾಯಕತ್ವ ಜವಾಬ್ದಾರಿ ಹೊತ್ತರು. ಮೊದಲೇ ಹೇಳಿದಂತೆ ನಾಯಕತ್ವ ಹೂವಿನ ಹಾಸಿಗೆಯಂತೂ ಖಂಡಿತಾ ಅಲ್ಲ. ಸಾಕಷ್ಟು ಟೆನ್ಶನ್​ ಇರುತ್ತದೆ. ಆದರೂ 2011ರಲ್ಲಿ ಧೋನಿ ವಿಶ್ವಕಪ್​ ತಂದುಕೊಟ್ಟಿರೋದನ್ನು ನೆನಪಿಸಿಕೊಳ್ಳಲೇಬೇಕು.

ಕೊಹ್ಲಿಗೂ ಸಾಕಯ್ತು ನಾಯಕತ್ವ ಪಟ್ಟ!

ಕೊಹ್ಲಿ ಕೂಡ ಟೀಂ ಇಂಡಿಯಾದ ನಾಯಕನಾಗಿದ್ದರು. 2014ರಿಂದ 2022ರವರೆಗೆ ನಾಯಕತ್ವ ಮುಂದುವರಿಸಿದರು. ಬಳಿಕ ದೊಡ್ಡ ತಲೆನೋವಾಗಿ ಪರಿಣಮಿಸಿದ್ದ ಈ ಪಟ್ಟವನ್ನು ರೋಹಿತ್​ ಶರ್ಮಾಗೆ ವಹಿಸಿದರು. ಆದರೂ ಕೊಹ್ಲಿ ಸಾಧನೆಯ ದಾರಿಯನ್ನು ಮರೆಯಲಿಲ್ಲ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ