3 ಸ್ಕಾರ್ಪಿನ್ ಜಲಂತರ್ಗಾಮಿ ನೌಕೆ ಖರೀದಿಗೂ ಒಪ್ಪಿಗೆ

ಎರಡು ದಿನಗಳ ಪ್ರವಾಸದಲ್ಲಿರುವ ಪ್ರಧಾನಿ ಮೋದಿ

ಮೋದಿ ಭೇಟಿಯಿಂದ ಭಾರತ-ಫ್ರಾನ್ಸ್​ ರಕ್ಷಣಾ ಒಪ್ಪಂದಕ್ಕೆ ಇನ್ನಷ್ಟು ಬಲ

ಫ್ರಾನ್ಸ್​ನಿಂದ ಹೊಸದಾಗಿ 26 ರಫೆಲ್-ಎಂ (Rafale-M) ಯುದ್ಧ ವಿಮಾನಗಳನ್ನು ಖರೀದಿಸುವ ಪ್ರಸ್ತಾಪಕ್ಕೆ ಒಪ್ಪಿಗೆ ಸಿಕ್ಕಿದೆ. ಡಿಎಸಿ (Defense Acquisition Council) ಭಾರತದ ನೌಕಾ ಸೇನೆ ಸಲ್ಲಿಸಿದ್ದ ಪ್ರಸ್ತಾಪಕ್ಕೆ ಅನುಮೋದನೆ ನೀಡಿದೆ.

ಈ ಬಗ್ಗೆ ಕೆಲವೇ ಗಂಟೆಗಳಲ್ಲಿ ಭಾರತ ಫ್ರಾನ್ಸ್​ ಜೊತೆ ಒಪ್ಪಂದ ಮಾಡಿಕೊಳ್ಳಲಿದೆ. ಪ್ರಧಾನಿ ನರೇಂದ್ರ ಮೋದಿ ಇವತ್ತು ದೆಹಲಿಯಿಂದ ಫ್ರಾನ್ಸ್​​ನತ್ತ ಹೊರಟಿದ್ದಾರೆ. ಎರಡು ದಿನಗಳ ಪ್ರವಾಸದಲ್ಲಿ ಮೋದಿ ಅವರು, ಈ ಮೆಗಾ ಡೀಲ್ ಮಾಡಲಿದ್ದಾರೆ. ಈ ಎಲ್ಲಾ ಫೈಟರ್​ ಜೆಟ್​ಗಳನ್ನು ಭಾರತದ ನೌಕಾ ಸೇನೆ ಬಳಸಿಕೊಳ್ಳಲಿದೆ ಎಂದು ವರದಿಯಾಗಿದೆ.

26 Rafale ಫೈಟರ್​ ಜೆಟ್​ಗಳಲ್ಲಿ 22 ರಫೆಲ್ ಯುದ್ಧ ವಿಮಾನಗಳು ನಾಲ್ಕು ಟ್ವಿನ್-ಸೀಟರ್ ತರಬೇತು ಫೈಟರ್​ಗಳು ಸೇರಲಿವೆ. ಮಹತ್ವದ ಈ ಒಪ್ಪಂದದ ಜೊತೆಗೆ 3 ಸ್ಕಾರ್ಪಿನ್ ಜಲಂತರ್ಗಾಮಿ ನೌಕೆ ಖರೀದಿಗೂ Defense Acquisition Council ಅನುಮತಿ ನೀಡಿದೆ. ಭಾರತ 2005ರಲ್ಲಿ 6 ಸ್ಕಾರ್ಪಿನ್ ಜಲಂತರ್ಗಾಮಿ ನೌಕೆಯನ್ನು ಖರೀದಿ ಮಾಡಿತ್ತು.

ಫ್ರಾನ್ಸ್​ ಪ್ರವಾಸದ ಬಗ್ಗೆ ತಮ್ಮ ವೆಬ್​​ಸೈಟ್​ನಲ್ಲಿ ಬರೆದುಕೊಂಡಿರುವ ಮೋದಿ, ಅಲ್ಲಿನ ಅಧ್ಯಕ್ಷ ಮ್ಯಾಕ್ರನ್ ಆಹ್ವಾನದ ಮೇರೆಗೆ ಹೋಗುತ್ತಿದ್ದೇನೆ.  French National Day ಪರೇಡ್​ಗೆ ಮುಖ್ಯ ಅತಿಥಿಯಾಗಿ ಆಹ್ವಾನಿಸಿದ್ದಾರೆ. 269 ಸದಸ್ಯರ ಭಾರತದ ಸೇನಾ ತಂಡ, ವಾಯುಪಡೆಯ ರಫೆಲ್‌ ಫೈಟರ್ ಜೆಟ್​ಗಳು ಕೂಡ ಈ ಪರೇಡ್​ನಲ್ಲಿ ಪಾಲ್ಗೊಳ್ಳಲಿವೆ. ಎರಡು ರಾಷ್ಟ್ರಗಳ ಜೊತೆ ಮಹತ್ವದ ಮಾತುಕತೆಯನ್ನು ಎದುರು ನೋಡುತ್ತಿದ್ದೇನೆ ಎಂದು ತಿಳಿಸಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ