ರಜನಿಕಾಂತ್​ ಜೈಲರ್​ ಸಿನಿಮಾಗೆ ಮಾಸ್ಟ್ರರ್​ ಸ್ಟ್ರೋಕ್​​

ಜೈಲರ್​ ವಿರುದ್ಧ ಕೋರ್ಟ್​ಗೆ ಹೋಗಿದ್ದ ಆರ್​ಸಿಬಿ ಟೀಂ

ಕೋರ್ಟ್​​ನಲ್ಲಿ ಜೈಲರ್​ ಸಿನಿಮಾಗೆ ಭಾರೀ ಮುಖಭಂಗ!

ಬೆಂಗಳೂರು: ಸೂಪರ್‌ ಸ್ಟಾರ್‌ ರಜನಿಕಾಂತ್‌ ಹೊಸ ಸಿನಿಮಾ ಜೈಲರ್​​ ಭರ್ಜರಿ ಪ್ರದರ್ಶನ ಕಾಣುತ್ತಿದೆ. ಕೇವಲ ತಮಿಳುನಾಡು ಮಾತ್ರವಲ್ಲ ಕರ್ನಾಟಕ, ಆಂಧ್ರ, ಕೇರಳ ಸೇರಿದಂತೆ ಎಲ್ಲೆಡೆ ಅಬ್ಬರದ ಪ್ರದರ್ಶನ ಕಂಡಿದೆ. ಬಾಕ್ಸಾಫೀಸ್​​ನಲ್ಲೂ ಭರ್ಜರಿ ಕಲೆಕ್ಷನ್​​ ಮಾಡುತ್ತಾ ತನ್ನ ಗೆಲುವಿನ ಓಟ ಮುಂದುವರಿಸಿದೆ. ಹೀಗಿರುವಾಗಲೇ ದೆಹಲಿ ಹೈಕೋರ್ಟ್​​​​ ಜೈಲರ್​ ಸಿನಿಮಾ ತಂಡಕ್ಕೆ ಶಾಕ್​​ ನೀಡಿದೆ.

ಹೌದು, ಯಾವುದೇ ಕಾರಣಕ್ಕೂ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಜೆರ್ಸಿ ಇರೋ ಸೀನ್​​​ ಪ್ರದರ್ಶನ ಮಾಡಬಾರದು. ಕೂಡಲೇ ಸಿನಿಮಾದಿಂದ ಆ ಸೀನ್​​ ತೆಗೆಯಬೇಕು ಎಂದು ನಿರ್ಮಾಪಕರಿಗೆ ದೆಹಲಿ ಹೈಕೋರ್ಟ್ ಆದೇಶಿಸಿದೆ. ಸದ್ಯ ಕೋರ್ಟ್​ ಆದೇಶಕ್ಕೆ ತಲೆ ಬಾಗಿದ ಜೈಲರ್​ ನಿರ್ಮಾಪಕರು ಒಪ್ಪಿಗೆ ಸೂಚಿಸಿದ್ದಾರೆ. ಇನ್ನೂ ಮೂರು ದಿನಗಳಲ್ಲಿ ಆರ್​ಸಿಬಿ ಜೆರ್ಸಿ ಇರೋ ದೃಶ್ಯ ತೆಗೆದು ಹಾಕುತ್ತೇವೆ ಎಂದಿದ್ದಾರೆ.

ಕೋರ್ಟ್​​ ಮೊರೆ ಹೋಗಿದ್ದ ಆರ್​ಸಿಬಿ..!

ಜೈಲರ್ ಸಿನಿಮಾದಲ್ಲಿ ಆರ್​ಸಿಬಿ ಜೆರ್ಸಿ ಬಳಸಲಾಗಿತ್ತು. ವ್ಯಕ್ತಿಯೋರ್ವ ಆರ್​ಸಿಬಿ ಜೆರ್ಸಿ ತೊಟ್ಟು ಮಹಿಳೆಯನ್ನು ನಿಂದಿಸಿದ್ದ. ಇದರ ವಿರುದ್ಧ ಆರ್​ಸಿಬಿ ಕೋರ್ಟ್​ ಮೆಟ್ಟಿಲೇರಿತ್ತು. ಅನುಮತಿ ಇಲ್ಲದೆ ಹೇಗೆ ಜೆರ್ಸಿಯನ್ನು ಬಳಸಿ ಕೆಟ್ಟದಾಗಿ ಬಿಂಬಿಸಿದ್ದೀರಿ? ಎಂದು ಆರ್​ಸಿಬಿ ಪ್ರಶ್ನಿಸಿದೆ. ಹಾಗೆಯೇ ಕೂಡಲೇ ಈ ಸೀನ್​​ ತೆಗೆದು ಹಾಕಬೇಕು ಎಂದು ಡಿಮ್ಯಾಂಡ್​ ಮಾಡಿದೆ.

ದೆಹಲಿ ಕೋರ್ಟ್​ ಆದೇಶವೇನು..?

ಆರ್​ಸಿಬಿ ಸಲ್ಲಿಸಿದ್ದ ಅರ್ಜಿ ವಿಚಾರಣೆ ನಡೆಸಿದ ನ್ಯಾ. ಪ್ರತಿಭಾ ಎಂ. ಸಿಂಗ್ ಸೆಪ್ಟೆಂಬರ್​​ 1ನೇ ತಾರೀಕಿನಿಂದ ಈ ಸೀನ್​ ತೆಗೆದು ಹಾಕಿ ಎಂದು ಸೂಚಿಸಿದೆ. ಟಿವಿ, ಸ್ಯಾಟ್​ಲೈಟ್, ಒಟಿಟಿಯಲ್ಲಿ ರಿಲೀಸ್​ ಮಾಡೋ ಮುನ್ನ ದೃಶ್ಯಕ್ಕೆ ಕತ್ತರಿ ಹಾಕಿ ಎಂದು ಆದೇಶಿಸಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ