ಡೇಟಿಂಗ್​​​ ಆ್ಯಪ್​​ ಬಳಸೋ ಮುನ್ನ ಎಚ್ಚರ.. ಎಚ್ಚರ..!

ಯಾವುದೇ ಕಾರಣಕ್ಕೂ ಇವರನ್ನು ನಂಬಲೇಬೇಡಿ..!

ಅಪ್ಪಿತಪ್ಪಿ ನಂಬಿದ್ರೋ ಪಕ್ಕಾ ಮೋಸ ಹೋಗ್ತೀರಾ..!

ದೆಹಲಿ: ಈಗಿನ ಕಾಲದಲ್ಲಿ ಹಲವು ವರ್ಷಗಳಿಂದ ಪರಿಚಯ ಇರೋ ಜನರನ್ನೇ ನಂಬಲು ಸಾಧ್ಯವಿಲ್ಲ. ಹೀಗಿರುವಾಗ ಯಾವುದೋ ಡೇಟಿಂಗ್​ ಆ್ಯಪ್​ ಮೂಲಕ ಪರಿಚಯ ಆಗೋ ಮಂದಿಯನ್ನು ನಂಬಲು ಸಾಧ್ಯವೇ. ಈ ವಿಚಾರ ಗೊತ್ತಿದ್ರೂ ಕೆಲವರು ಡೇಟಿಂಗ್​ ಆ್ಯಪ್​ ಮೂಲಕ ಪರಿಚಯ ಆಗೋ ಜನರ ಜತೆ ಸ್ನೇಹ ಬೆಳೆಸಿ ಲಕ್ಷಾಂತರ ರೂ. ಮೋಸ ಹೋದ ಘಟನೆಗಳು ನಡೆದಿವೆ. ಇಂಥದ್ದೇ ಘಟನೆಯೊಂದು ಈಗ ದೆಹಲಿಯಲ್ಲಿ ಬೆಳಕಿಗೆ ಬಂದಿದೆ.

ಹೌದು, ಇವರ ಹೆಸರು ಅರ್ಚಿತ್​ ಗುಪ್ತಾ. ವೃತ್ತಿಯಲ್ಲಿ ಜರ್ನಲಿಸ್ಟ್​​. ಡೇಟಿಂಗ್ ಆ್ಯಪ್ ಬಂಬಲ್ ಮೂಲಕ ಒಂದು ಮಹಿಳೆ ಪರಿಚಯ ಆಗಿದ್ದಳು. ಇವಳ ಸಹವಾಸ ಮಾಡಿ ಮೊದಲ ಭೇಟಿಯಲ್ಲೇ ಜರ್ನಲಿಸ್ಟ್​ ಬರೋಬ್ಬರಿ 15 ಸಾವಿರ ಮೋಸ ಹೋಗಿದ್ದಾನೆ.

ಕುಡಿದ ಒಂದು ರೆಡ್​ ಬುಲ್​ಗೆ ಬರೋಬ್ಬರಿ 15,886 ರೂ. ಬಿಲ್

ಈ ಸಂಬಂಧ ಟ್ವೀಟ್​ ಮಾಡಿರೋ ಅರ್ಚಿತ್​ ಗುಪ್ತಾ, ನನಗೆ ಬಂಬಲ್​ನಲ್ಲಿ ಮಹಿಳೆ ಒಬ್ಬಳು ಪರಿಚಯ ಆದಳು. ನನ್ನನ್ನು ಬಾರ್​​ಗೆ ಕರೆದುಕೊಂಡು ಹೋದಳು. ತನಗೆ ಬೇಕಾದ ಡ್ರಿಂಕ್ಸ್​​ ಆರ್ಡರ್​ ಮಾಡಿದಳು. ನಾನು ರೆಡ್​ ಬುಲ್​ ಆರ್ಡರ್​ ಮಾಡಿದೆ. ಮೂರು ಗ್ಲಾಸ್​ ವೈನ್​​, ಒಂದು ವೋಡ್ಕಾ ಶಾಟ್​​, ಚಿಕನ್​ ಟಿಕ್ಕಾ ಮತ್ತು ವಾಟರ್​ ಬಾಟಲ್​​ಗೆ ಬರೋಬ್ಬರಿ ₹ 15,886 ಬಿಲ್​ ಬಂತು. ನನಗೆ ಇದೊಂದು ಸ್ಕ್ಯಾಮ್​ ಎಂದು ಅರ್ಥ ಆಯ್ತು ಎಂದು ಬರೆದುಕೊಂಡಿದ್ದಾರೆ.

ನಾನು ಆ ಮಹಿಳೆಗೆ ಹಲವು ಬಾರಿ ಕಾಲ್​ ಮಾಡಿದೆ. ನನ್ನ ಕಾಲ್​ ಕಟ್​ ಮಾಡಿದಳು. ಹಾಗಾಗಿ ದೆಹಲಿ ಪೊಲೀಸ್ರು ಆಕೆ ವಿರುದ್ಧ ಕ್ರಮ ತೆಗೆದುಕೊಳ್ಳಬೇಕು ಎಂದು ಟ್ವೀಟ್​ ಮಾಡಿದ್ದಾರೆ ಗುಪ್ತಾ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ