ಶೋಯೆಬ್ ಅಖ್ತರ್ ಕಾಲ್ಕೆರೆದು ಸ್ಲೆಡ್ಜ್ ಮಾಡೋದ್ರಲ್ಲಿ ನಿಸ್ಸೀಮ

ಅಂದು ಅಖ್ತರ್​ಗೇ ಸ್ಲೆಡ್ಜ್ ಮಾಡಿದ್ರು ಧೋನಿ ಮತ್ತು ಇರ್ಫಾನ್ ಪಠಾಣ್

ಪಂದ್ಯವನ್ನು ಸೇವ್​ ಮಾಡಲು ಹೀಗೊಂದು ಐಡಿಯಾ ಮಾಡಿದ್ರು

ಶೋಯೆಬ್ ಅಖ್ತರ್​ ಬೆಂಕಿ ಚೆಂಡಿನಿಂದಲೇ ಅಲ್ಲ.! ಕಾಲ್ಕೆರೆದು ಸ್ಲೆಡ್ಜ್ ಮಾಡೋದ್ರಲ್ಲೂ ನಿಸ್ಸೀಮ. ಇಂತಹ ಶೋಯೆಬ್ ಅಖ್ತರ್​​​ಗೆ ಸ್ಲೆಡ್ಜ್ ಮಾಡಿ ಟೀಂ ಇಂಡಿಯಾ ಅಂದಿನ ಪಂದ್ಯವನ್ನ ಸೇವ್ ಮಾಡಿರುವ ಕಥೆ ಗೊತ್ತಾ? ಈ ಸ್ಟೋರಿ ಓದಿ.

ಇಂಡೋ-ಪಾಕ್​​ ಅಂದ್ರೆ, ಬದ್ಧವೈರಿಗಳ ಕದನ. ಯುದ್ಧದಂತೆ ಬಿಂಬಿತವಾಗಿರುವ ಈ ಹೈವೋಲ್ಟೇಜ್ ಮ್ಯಾಚ್ ಕಣ್ತುಂಬಿಕೊಳ್ಳಲು ಉಭಯ ದೇಶಗಳ ಫ್ಯಾನ್ಸ್​ ಜಾತಕ ಪಕ್ಷಿಗಳಂತೆ ಕಾಯ್ತಿರ್ತಾರೆ. ಮೈದಾನದಲ್ಲಿ ನಡೆಯೋ ಮಾತಿನ ಸಮರ, ಜಿದ್ದಾಜಿದ್ದಿ ಹೋರಾಟ, ಸ್ಲೆಡ್ಜಿಂಗ್. ಸ್ಟಾರ್​ವಾರ್​ ಪಂದ್ಯವನ್ನ ಮತ್ತಷ್ಟು ಮೆರಗು ನೀಡುತ್ತೆ. ಅದರಲ್ಲೂ ಆಟಗಾರರ ನಡೆಯೋ ಸ್ಲೆಡ್ಜಿಂಗ್​​​​​​​​​​​​​ ನೆಕ್ಸ್ಟ್ ಲೆವೆಲ್​. ಈ ಸ್ಲೆಡ್ಜಿಂಗ್ ಮಾಡೋದ್ರಲ್ಲಿ ಪಾಕ್​ನ ಮಾಜಿ ಆಟಗಾರ ಶೋಯೆಬ್ ಅಖ್ತರ್​​​​, ಸದಾ ಮುಂದಿರ್ತಾರೆ. ಸುಖಾ ಸುಮ್ಮನೆ ಕಾಲು ಕೆರೆದು ಜಗಳಕ್ಕೆ ನಿಲ್ಲುವ ಅಖ್ತರ್​, ಇದೇ ಅಸ್ತ್ರದೊಂದಿಗೆ ಎದುರಾಳಿಗಳ ವಿಕೆಟ್ ಕಬಳಿಸ್ತಾರೆ. ಆದ್ರೆ, ಇದೇ ಶೋಯೆಬ್ ಅಖ್ತರ್​ಗೆ ಸ್ಲೆಡ್ಜ್ ಮಾಡಿ ಟೀಮ್ ಇಂಡಿಯಾ ಟೆಸ್ಟ್​ ಪಂದ್ಯವನ್ನ ಡ್ರಾ ಮಾಡಿಸುವಲ್ಲಿ ಯಶಸ್ವಿಯಾಗಿದ್ರು.

2006ರಲ್ಲಿ ಟೀಮ್ ಇಂಡಿಯಾ, ಪಾಕ್ ಪ್ರವಾಸಕ್ಕೆ ತೆರಳಿತ್ತು. ಫೈಸಲಾಬಾದ್​ 2ನೇ ಟೆಸ್ಟ್​ನಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ್ದ ಪಾಕ್ 588 ರನ್ ಗಳಿಸಿತ್ತು. ಇದಕ್ಕೆ ಪ್ರತ್ಯುತ್ತರವಾಗಿ ಇನ್ನಿಂಗ್ಸ್​ ಆರಂಭಿಸಿದ್ದ ಟೀಮ್ ಇಂಡಿಯಾ, 281ಕ್ಕೆ 5 ಪ್ರಮುಖ ವಿಕೆಟ್ ಕಳೆದುಕೊಂಡಿತ್ತು. 6ನೇ ವಿಕೆಟ್​​ಗೆ ಜೊತೆಯಾದ ಧೋನಿ-ಇರ್ಫಾನ್ ಪಠಾಣ್​ಗೆ ಶೋಯೆಬ್​​​​​​​​​, ಘಾತುಕ ಬೌನ್ಸರ್​ಗಳಿಂದ ದಾಳಿ ನಡೆಸುತ್ತಿದ್ರು. ಈ ವೇಳೆ ಪ್ಲಾನ್ ಮಾಡಿದ್ದ ಇರ್ಫಾನ್, ಧೋನಿಗೆ ಸಲಹೆ ನೀಡಿದ್ರು. ನಾನು ಏನಾದ್ರೂ ಅಖ್ತರ್​​ಗೆ ಕಿಚಾಯಿಸುತ್ತೀನಿ. ನೀನು ನಗು ಎಂದು ಐಡಿಯಾ ನೀಡಿದ್ರು. ಇದಕ್ಕೆ ಒಕೆ ಎಂದ ಧೋನಿ, ಅಖ್ತರ್​ ಏಕಾಗ್ರತೆ ಭಂಗ ಮಾಡ್ತಿದ್ರು. ಔಟ್ ಮಾಡುತ್ತೇನೆ ಎಂದು ಸವಾಲ್ ಎಸೆದಿದ್ದ ಅಖ್ತರ್​, ನಾನಾ ಪ್ರಯತ್ನ ಪಟ್ಟರು. ಇವರಿಬ್ಬರ ವಿಕೆಟ್ ಉರುಳಿಸಲು ಸಾಧ್ಯವಾಗಲಿಲ್ಲ. ಕೊನೆಗೆ 210 ರನ್​​​ ಜೊತೆಯಾಟವಾಡಿದ ಈ ಜೋಡಿ ಟೀಮ್ ಇಂಡಿಯಾ ಮೇಲುಗೈ ಸಾಧಿಸುವಂತೆ ಮಾಡಿದ್ರು. ಈ ಅದ್ಭುತ ಇನ್ನಿಂಗ್ಸ್​ನಲ್ಲಿ ಧೋನಿ 148 ರನ್​ಗಳ ಗಳಿಸಿದ್ರೆ. ಇರ್ಫಾನ್ 90 ರನ್​​ಗಳ ಅಮೋಘ ಇನ್ನಿಂಗ್ಸ್​ ಆಡಿದ್ರು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ