ನೋಡುಗರ ಕಣ್ಮನ ಸೆಳೆಯುತ್ತಿದೆ ಈ ಅದ್ಭುತ ಡೈಮಂಡ್ ರಿಂಗ್​

ಮಶ್ರೂಮ್ ಡಿಸೈನ್​​ನಂತೆ ಹೋಲುವ ಈ ಡೈಮಂಡ್ ರಿಂಗ್​​ ಬೆಲೆ ಎಷ್ಟು?

ಅಪರೂಪದ ಡೈಮಂಡ್​ ರಿಂಗ್​ ನೋಡಿ ಸಿಲಿಕಾನ್​ ಸಿಟಿ ಮಂದಿ ಫುಲ್​​ ಫಿದಾ!

ಬೆಂಗಳೂರು: ಫಳಫಳ ಹೊಳೆಯುತ್ತಿರುವ ಫ್ಲವರ್​. ಬೆಳ್ಳಿ, ಬಂಗಾರ, ವಜ್ರ, ಆಭರಣ ಅಂದ್ರೆ ಸಾಕು ನಮ್ಮ ಹೆಣ್ಣು ಮಕ್ಕಳು ಫುಲ್ ಆಕ್ಟಿವ್ ಆಗುತ್ತಾರೆ. ಅದರಲ್ಲೂ ಫಳಫಳನೆ ಹೊಳೆಯುವ ವಜ್ರಾಭರಣ ಅಂದ್ರೆ ಸಾಕು  ಎಲ್ಲರೂ ಕಣ್ಣರಳಿಸಿ ನೋಡ್ತಾರೆ. ಹೀಗೆ ಇಲ್ಲೊಂದು ಡೈಮಂಡ್ ರಿಂಗ್ ಹೂವಿನೊಳಗೊಂದು ಫಳಫಳನೆ ಹೊಳೆಯುತ್ತಿದೆ. ಈ ರಿಂಗ್​ ಮಶ್ರೂಮ್ ಡಿಸೈನ್ ಹೋಲುತ್ತೆ. ಈ ವಜ್ರದ ರಿಂಗ್​ಗೆ ಒಂದಲ್ಲ ಎರಡಲ್ಲ ಬರೋಬ್ಬರಿ 24,679 ಡೈಮಂಡ್ ಸ್ಟೋನ್‌ ಬಳಸಿ ತಯಾರಿಸಲಾಗಿದೆ. ಆರು ತಿಂಗಳುಗಳ ಕಾಲ ಯಾವುದೇ ಕಂಪ್ಯೂಟರ್ ಸಹಾಯವಿಲ್ಲದೆ ನುರಿತ ವಜ್ರ ಕಲಾವಿದರಿಂದ ಇದು ರೂಪಗೊಂಡಿದೆ. ಈ ಕಾರಣಕ್ಕೆ ಡೈಮಂಡ್ ರಿಂಗ್ ವರ್ಲ್ಡ್ ಗಿನ್ನೀಸ್ ರೆಕಾರ್ಡ್ ಕೂಡ ಆಗಿದೆ.

ಇಂಥಹ ವಿಶೇಷ ಡೈಮಂಡ್‌ ರಿಂಗ್​ ಕಂಡು ಬಂದಿದ್ದು ಸಿಲಿಕಾನ್​​ ಸಿಟಿಯ ಲುಲು ಮಾಲ್​ನಲ್ಲಿ. ಸದ್ಯ ಈ ಡೈಮಂಡ್ ರಿಂಗ್​​ ಅನ್ನು ಸಾರ್ವಜನಿಕರ ಪ್ರದರ್ಶನಕ್ಕಿಡಲಾಗಿದೆ. ಲುಲು ಮಾಲ್‌ಗೆ ಬರುವವರು ಈ ಡೈಮೆಂಡ್ ರಿಂಗ್ ನೋಡಿ ಕಣ್ತುಂಬಿಕೊಳ್ಳಬಹುದು. ಇದು ಕೇವಲ ನೋಡಲು ಮಾತ್ರ ಲಭ್ಯ. ಮಾರಾಟಕ್ಕಿಲ್ಲ. ಇನ್ನು ಮೂರು ದಿನಗಳ ಕಾಲ ಈ ಡೈಮೆಂಡ್ ರಿಂಗ್ ಪ್ರದರ್ಶನಕ್ಕಿಡಲಾಗುತ್ತಿದೆ ಎಂದು ಅಂದಹಾಗೆ ಡೈಮೆಂಡ್ ಮ್ಯಾನೇಜರ್ ಹೇಳಿದ್ದಾರೆ. ಇಂತಹ ಅದ್ಭುತವಾಗಿರುವ ರಿಂಗ್​ ಬೆಲೆ ಬರೋಬ್ಬರಿ ಒಂದು ಕೋಟಿಗೂ ಹೆಚ್ಚು. ದೇಶಿ ನಿರ್ಮಿತವಾದ ಈ ರಿಂಗ್ ಪೆಟಲ್​ ಅನ್ನ ಕೂಡ ಪ್ರತ್ಯೇಕವಾಗಿ ತೆಗೆಯಲೂಬಹುದಂತೆ. ಇಲ್ಲಿಯವರೆಗೆ ದೇಶದ‌ ಕೆಲ ಪ್ರಮುಖ ನಗರಗಳಲ್ಲಿ ಈ ಡೈಮೆಂಡ್ ಪ್ರದರ್ಶನಕ್ಕೆ ಇಡಲಾಗಿದೆ. ಇದೇ ಮೊದಲ ಬಾರಿಗೆ ಬೆಂಗಳೂರಿನಲ್ಲಿ ಪ್ರದರ್ಶನಕ್ಕಿಡಲಾಗಿದ್ದು ನೋಡುಗರ ಕಣ್ಮನ ಸೆಳೆಯುತ್ತಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ