2023ರ ವಿಶ್ವಕಪ್‌ನಲ್ಲಿ ರಾಜ - ಯುವರಾಜನ ದರ್ಬಾರ್​

ಐದೈದು ಶತಕ ಸಿಡಿಸಿ ಕೊಹ್ಲಿ - ಶುಭ್​ಮನ್​ ಮಿಂಚು

ಗುರು-ಶಿಷ್ಯರು ಜೊತೆಯಾಗಿ ನಿಂತ್ರೆ ಬ್ರೇಕ್​ ಹಾಕೋದು ಕಷ್ಟ

ವಿರಾಟ್​ ಕೊಹ್ಲಿ – ಶುಭ್​ಮನ್​ ಗಿಲ್​. ವಿಶ್ವದ ಖತರ್ನಾಕ್​​ ಬೌಲರ್ಸ್​​ ಎನಿಸಿಕೊಂಡರೂ​​ ಕೂಡ ಇವರಿಬ್ಬರ ಮುಂದೆ ಸೈಲೆಂಟ್​ ಆಗಿದ್ದಾರೆ. ಈ ವರ್ಷದಲ್ಲಿ ಕಿಂಗ್​ & ಪ್ರಿನ್ಸ್​ ಆರ್ಭಟ ಹಂಗಿದೆ. ಸೆಂಚುರಿ ಸ್ಟಾರ್​​ಗಳಾಗಿ ಮೆರೆದಾಡ್ತಿರೋ ಇವ್ರು, ರನ್​​ಭೂಮಿಯಲ್ಲಿ ಅಕ್ಷರಶಃ ದರ್ಬಾರ್​ ನಡೆಸ್ತಿದ್ದಾರೆ. ಕ್ರಿಕೆಟ್​​ ದೇವರು ಸಚಿನ್​ ತೆಂಡುಲ್ಕರ್​ ಬ್ಯಾಟ್​ ಸೈಡಿಗಿಟ್ಟು ವರ್ಷಗಳೇ ಉರುಳಿವೆ. ಆದ್ರೂ, ವಿಶ್ವ ಕ್ರಿಕೆಟ್​ ಲೋಕದಲ್ಲಿ ನಡಿತಿರೋದು ಭಾರತೀಯರ ದರ್ಬಾರ್​. 24 ವರ್ಷಗಳ ಕಾಲ ಅನಭಿಷಿಕ್ತ ದೊರೆಯಾಗಿ ಸಚಿನ್​ ತೆಂಡುಲ್ಕರ್​ ಕ್ರಿಕೆಟ್​ ಲೋಕವನ್ನ ಆಳಿದ್ರು. ಆ ಬಳಿಕ ಸಿಂಹಾಸನಕ್ಕೇರಿದ್ದು ಕಿಂಗ್​ ಕೊಹ್ಲಿ.. ಈಗಲೂ ಕಿಂಗ್​ ಕೊಹ್ಲಿಯ ಆಳ್ವಿಕೆಯೇ ನಡೀತಾ ಇರೋದು. ಆದ್ರೆ, ಕೊಹ್ಲಿ ಜೊತೆಗೆ ಪ್ರಿನ್ಸ್​​ ಶುಭ್​ಮನ್​ ದರ್ಬಾರ್​​ ಶುರುವಿಟ್ಟುಕೊಂಡಿದ್ದಾರೆ.

2023ರಲ್ಲಿ ರಾಜ – ಯುವರಾಜನ ದರ್ಬಾರ್​.!
ಕಿಂಗ್​ – ಪ್ರಿನ್ಸ್​ ಭರ್ಜರಿ ಆಟ, ಎದುರಾಳಿಗಳಿಗೆ ನಡುಕ.!

ಯಾರೇನೇ ಹೇಳಿ.. 2023ನೇ ಕ್ಯಾಲೆಂಡರ್​​ ವರ್ಷದಲ್ಲಿ ಟೀಮ್​ ಇಂಡಿಯನ್ಸ್​ ಡ್ರೀಮ್​ ಫಾರ್ಮ್​​ನಲ್ಲಿದ್ದಾರೆ. ಬೌಲಿಂಗ್​, ಬ್ಯಾಟಿಂಗ್​ ಎಲ್ಲದರಲ್ಲೂ ನಮ್ದೇ ಆರ್ಭಟ. ಅದ್ರಲ್ಲೂ, ಏಕದಿನದಲ್ಲಿ ವಿರಾಟ್​ ಕೊಹ್ಲಿ, ಶುಭ್​ಮನ್​ ಗಿಲ್​ ಅಂತೂ ನೆಕ್ಸ್ಟ್​ ಲೆವೆಲ್​ ಪರ್ಫಾಮೆನ್ಸ್​ ನೀಡ್ತಿದ್ದಾರೆ. ಕಿಂಗ್​ & ಪ್ರಿನ್ಸ್​ ದರ್ಬಾರ್​ ಮುಂದೆ ಎದುರಾಳಿಗಳೆಲ್ಲಾ ಸೈಲೆಂಟ್​ ಆಗಿದ್ದಾರೆ.

21 ಇನ್ನಿಂಗ್ಸ್​
5 ಸೆಂಚುರಿ
ಕೊಹ್ಲಿ ರಣಕೇಕೆ

2023ರಲ್ಲಿ ವಿರಾಟ್​ ಕೊಹ್ಲಿಯನ್ನ ಕಟ್ಟಿ ಹಾಕೋರೆ ಇಲ್ಲದಂತಾಗಿದೆ. ವಿಶ್ವಕಪ್​ನಂತ ಬಿಗ್​ಸ್ಟೇಜ್​ನಲ್ಲೂ ಘರ್ಜಿಸ್ತಾ ಇರೋ ಕೊಹ್ಲಿ, ಪ್ರತಿ ಪಂದ್ಯದಲ್ಲೂ ಹಸಿದ ಹುಲಿಯಂತೆ ರನ್​ಗಳಿಸ್ತಿದ್ದಾರೆ. ಸೆಂಚುರಿಯನ್ನ ನೀರು ಕುಡಿದಷ್ಟೇ ಸುಲಭಕ್ಕೆ ಕಂಪ್ಲೀಟ್​ ಮಾಡ್ತಿರೋ ಕಿಂಗ್​, ಈ ವರ್ಷದಲ್ಲಿ ಬರೋಬ್ಬರಿ 5 ಏಕದಿನ ಶತಕ ದಾಖಲಿಸಿದ್ದಾರೆ. ಅದೂ ಜಸ್ಟ್​ 21 ಇನ್ನಿಂಗ್ಸ್​ಗಳಲ್ಲಿ..

26 ಇನ್ನಿಂಗ್ಸ್​
5 ಸೆಂಚುರಿ
ಶುಭ್​ಮನ್​ ಶೈನಿಂಗ್​

ಯಂಗ್​​ಗನ್​ ಶುಭ್​ಮನ್​ ಗಿಲ್​, ಕೊಹ್ಲಿಗಿಂತ ನಾನೇನು ಕಡಿಮೆಯಿಲ್ಲ ಎಂಬಂತೆ ಬ್ಯಾಟ್​ ಬೀಸಿದ್ದಾರೆ. ಈ ವರ್ಷದಲ್ಲಿ ಆಡಿದ 26 ಇನ್ನಿಂಗ್ಸ್​​ಗಳಲ್ಲೇ ಶುಭ್​​ಮನ್​ ಶೈನ್​ ಆಗಿದ್ದಾರೆ. 5 ಏಕದಿನ ಸೆಂಚುರಿಗಳನ್ನ ಚಚ್ಚಿ, ಪ್ರಿನ್ಸ್​ ಪಟ್ಟವನ್ನ ಕಬ್ಜ ಮಾಡಿದ್ದಾರೆ. ಶುಭ್​ಮನ್​ ಆಟಕ್ಕೆ ಎಲ್ಲರೂ ಉಘೇ ಉಘೇ ಅಂತಿದ್ದಾರೆ.

ರನ್​ಗಳಿಕೆಯಲ್ಲಿ ಗುರು-ಶಿಷ್ಯರದ್ದೇ ಆರ್ಭಟ.!

ಸೆಂಚುರಿ ಲೆಕ್ಕಾಚಾರ ಮಾತ್ರವಲ್ಲ.. ಈ ಕ್ಯಾಲೆಂಡರ್​ ವರ್ಷದಲ್ಲಿ ಹೆಚ್ಚು ರನ್​ಗಳಿಸಿದವರ ಪಟ್ಟಿಯಲ್ಲಿ ಕೊಹ್ಲಿ – ಗಿಲ್​ದೇ ಹವಾ. ಶುಭ್​ಮನ್​ ಗಿಲ್​ 26 ಇನ್ನಿಂಗ್ಸ್​​​ಗಳಲ್ಲಿ 63ರ ಸರಾಸರಿಯಲ್ಲಿ 1449 ರನ್​ಗಳಿಸಿ ಮೊದಲ ಸ್ಥಾನದಲ್ಲಿದ್ದಾರೆ. ವಿರಾಟ್​ ಕೊಹ್ಲಿ ಆಡಿದ 21 ಇನ್ನಿಂಗ್ಸ್​ಗಳಲ್ಲೇ 72.18ರ ಸರಾಸರಿಯಲ್ಲಿ 1155 ರನ್​ ಗಳಿಸಿ 2ನೇ ಸ್ಥಾನದಲ್ಲಿದ್ದಾರೆ.

ಜೊತೆಯಾಗಿ ನಿಂತರೆ ಬ್ರೇಕ್​ ಹಾಕೋದು ಕಷ್ಟ.. ಕಷ್ಟ.!

ವಿರಾಟ್ ಕೊಹ್ಲಿ – ಶುಭ್​ಮನ್​ ಗಿಲ್ ಅಖಾಡದಲ್ಲಿ ತೊಡೆ ತಟ್ಟಿ ನಿಂತರೆ ಬ್ರೇಕ್​ ಹಾಕೋದು ನಿಜಕ್ಕೂ ಸವಾಲಿನ ಕೆಲಸ. ಇಬ್ಬರೂ ಕ್ರೀಸ್​ನಲ್ಲಿ ಜೊತೆಯಾದ್ರೆ, ಪಾರ್ಟನರ್​ಶಿಪ್​ ಬ್ರೇಕ್​ ಮಾಡೋದು ಅಷ್ಟು ಸುಲಭದ ಕೆಲಸವಲ್ಲ. ಈ ವರ್ಷದಲ್ಲಿ ಆಡಿದ 13 ಪಂದ್ಯದಿಂದ ಈ ಜೋಡಿ 517 ರನ್​ಗಳ ಜೊತೆಯಾಟವಾಡಿದೆ. ವಿಶ್ವಕಪ್​ ಮಹಾ ಸಮರದಲ್ಲೂ ಕಿಂಗ್​ & ಪ್ರಿನ್ಸ್​ ಸಾಲಿಡ್​ ಪ್ರದರ್ಶನವನ್ನ ನೀಡ್ತಿದ್ದಾರೆ. ಜವಾಬ್ದಾರಿಯನ್ನ ಅರಿತು ಬ್ಯಾಟಿಂಗ್​ ನಡೆಸ್ತಿರೋ ಈ ಜೋಡಿ ಉಳಿದ ಪಂದ್ಯಗಳಲ್ಲೂ ಘರ್ಜಿಸಲಿ. ವಿಶ್ವಕಪ್​ ನಮ್ಮದಾಗಲಿ ಅನ್ನೋದೆ ಎಲ್ಲರ ಆಶಯ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ