ಇಂದು ಅಹಮದಾಬಾದ್​ ಸ್ಟೇಡಿಯಂನಲ್ಲಿ ನಡೆಯಲಿರುವ ಫೈನಲ್

ಡಾಕ್ಟರ್ ಬ್ರೋ ಜೊತೆ ಸೇರಿ ಸಾಂಗ್ ರಿಲೀಸ್ ಮಾಡಿದ್ರಾ ಚಂದನ್?

ವಿಶ್ವಕಪ್ ಭಾರತ ಗೆಲ್ಲಲಿ ಎಂದು ಅಭಿಮಾನಿಗಳಿಂದ ಶುಭಾಶಯ

ಇಂಡೋ-ಆಸಿಸ್​ ಹೈ-ವೋಲ್ಟೆಜ್​ ಕದನಕ್ಕೆ ಕೌಂಟ್​ಡೌನ್​ ಶುರುವಾಗಿದೆ. ವಿಶ್ವಕಪ್​ ಟೂರ್ನಿಯಲ್ಲಿ ಇಂದು ಅಹಮದಾಬಾದ್​ನಲ್ಲಿ ನಡೆಯಲಿರುವ ಫೈನಲ್​​ ಪಂದ್ಯವನ್ನು ವಿಶ್ವವೇ ನೋಡಲಿದೆ. ಈ ಬಿಗ್​ ಫೈಟ್​ನಲ್ಲಿ ಚಾಂಪಿಯನ್​ ಯಾರು ಅನ್ನೋ ಪ್ರಶ್ನೆಗೆ ಉತ್ತರ ಸಿಗುವುದರ ಜೊತೆ ಭರ್ಜರಿ ಎಂಟರ್​​ಟೈನ್​ಮೆಂಟ್ ಅಂತೂ ಮಿಸ್ ಆಗಲ್ಲ.

ಇದರ ಜೊತೆಗೆ ಟೀಮ್​ ಇಂಡಿಯಾಕ್ಕೆ ಶಕ್ತಿ ತುಂಬಲು ನಾಡಿನಾದ್ಯಾಂತ ಅಭಿಮಾನಿಗಳು ವಿಶೇಷ ರೀತಿಯಲ್ಲಿ ವಿಶ್ ಮಾಡುತ್ತಿದ್ದಾರೆ. ಸದ್ಯ ಕನ್ನಡ ಱಪರ್ ಚಂದನ್​ ಶೆಟ್ಟಿ, ರೋಹಿತ್ ಶರ್ಮಾ ಪಡೆ ಕಪ್ ಗೆಲ್ಲಲಿ ಎಂದು ಸಾಂಗ್ ಬರೆದು ಹಾಡಿದ್ದಾರೆ. ಕನ್ನಡದ ಱಪರ್ ಚಂದನ್​ ಶೆಟ್ಟಿ ಸಖತ್ ಆಗಿ ಸಾಂಗ್ ಡೆಡಿಕೇಟ್ ಮಾಡುವುದು ಎಲ್ಲರಿಗೂ ಗೊತ್ತಿರುವ ಸಂಗತಿ.

ಸದ್ಯ ಎಲ್ಲ ಕಡೆ ವರ್ಲ್ಡ್​ಕಪ್​ ಫೀವರ್ ಇರುವುದರಿಂದ ಟೀಮ್ ಇಂಡಿಯಾ ಗೆಲ್ಲಲಿ ಎಂದು ಹೊಸ ಸಾಂಗ್​ವೊಂದನ್ನು ರೆಡಿ ಮಾಡಿ ತಮ್ಮ ಧ್ವನಿಯಲ್ಲೇ ಹಾಡಿದ್ದಾರೆ. ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿರುವ ವಿಡಿಯೋದಲ್ಲಿ ಚಂದನ್​ ಶೆಟ್ಟಿ ಜೊತೆ ಕನ್ನಡದ ಫೇಮಸ್ ಯುಟ್ಯೂಬರ್ ಡಾಕ್ಟರ್ ಬ್ರೋ ಕಾಣಿಸಿಕೊಂಡು ನಿಮ್ಮ ಕಡೆಯಿಂದ ಭಾರತ ತಂಡಕ್ಕೆ ಸಾಂಗ್ ಏನಾದರೂ ಕೊಡುಗೆಯಾಗಿ ಇದೆಯಾ ದೇವ್ರು ಎಂದು ಕೇಳುತ್ತಾರೆ.

ಟೀಮ್ ಇಂಡಿಯಾ ಗೆದ್ದು ಬರಲಿ ಅಂತ ಚಂದನ್ ಶೆಟ್ಟಿ ಒಂದು ಅನಾಹುತ್ ಸಾಂಗ್ ರೆಡಿ ಮಾಡಿದ್ದಾರೆ ❤

ನೋಡಿರಿ 📺 | ICC Men's Cricket World Cup | FINAL | #INDvAUS | ನಾಳೆ ಮಧ್ಯಾಹ್ನ 12 ಕ್ಕೆ ನಿಮ್ಮ #StarSportsKannada ಮತ್ತು Disney+Hotstar ನಲ್ಲಿ@DrBroKannada @chandanspshetty #CWCFinalonStarSports pic.twitter.com/x5Z5wvPors

— Star Sports Kannada (@StarSportsKan) November 18, 2023

ಇದಕ್ಕೆ ಚಂದನ್ ಶೆಟ್ಟಿ ಆವರು, ‘ಗಲ್ಲಿ ಗಲ್ಲಿ ಸಂದಿ ಗಲ್ಲಿ, ಊರು ಕೇರಿ ಬಜಾರ್​​ಲ್ಲಿ, ಹಳ್ಳಿಯಿಂದ ದಿಲ್ಲಿ ಹೇಳ್ತಿರೋದೊಂದೇ.. ಎದುರಾಳಿ ಯಾರ್ ಆಗಿರಲಿ, ವರ್ಲ್ಡ್​​ಕಪ್ ನಮ್ದೇ’.. ಎಂದು ಸಖತ್ ಆಗಿರೋ ಱಪ್ ಸಾಂಗ್ ಹಾಡಿದ್ದಾರೆ. ಭಾರತ ವಿಶ್ವಕಪ್ ಗೆಲ್ಲಲಿ ಎಂದು ಚಂದನ್ ಶೆಟ್ಟಿ ಹಾಡಿರುವ ಸಾಂಗ್ ಸೋಷಿಯಲ್ ಮೀಡಿಯಾದಲ್ಲಿ ಫುಲ್ ವೈರಲ್ ಆಗುತ್ತಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ