ಸೋಷಿಯಲ್​ ಮೀಡಿಯಾದಲ್ಲಿ ಫನ್ನಿಯಾಗಿ ಕಾಮೆಂಟ್​ ಮಾಡಿದ್ದ

ಆ ಕಾಮೆಂಟ್​ ಇವತ್ತು ಬನ್ನಿ ಎನ್ನುವ ನಾಯಿಯ ಬದುಕೇ ಬದಲಿಸಿದೆ

ಬನ್ನಿ ಈಗ ಮರ್ಸಿಡಿಸ್ ಬೆಂಜ್​ನಲ್ಲಿ ಸಖತ್ ಆಗಿ ರೌಂಡ್ ಹಾಕುತ್ತಿದ್ದಾನೆ

ಸೋಷಿಯಲ್​ ಮೀಡಿಯಾ ಜನರ ಮೇಲೆ ಸಾಕಷ್ಟು ಪ್ರಭಾವ ಬೀರುತ್ತಿದೆ. ಕೇವಲ ಫೋಟೋ, ವಿಡಿಯೋಗಳನ್ನು ಶೇರ್​ ಮಾಡುವುದಲ್ಲದೇ ಕೆಲವು ಸಖತ್ ಆಗಿರುವ ಐಡಿಯಾಗಳು ಕೆಲವೊಮ್ಮೆ ವೈರಲ್ ಆಗುತ್ತವೆ. ಇಂತಹದ್ದನ್ನೇ ಬಳಸಿಕೊಂಡ ಪ್ರಾಣಿ ರಕ್ಷಣಾ ಟೀಮ್​, ಮರ್ಸಿಡಿಸ್​ ಬೆಂಜ್​ ಕಂಪನಿಯ ಸಂಪರ್ಕ ಮಾಡಿದೆ. ಇಷ್ಟೆ ಅಲ್ಲದೇ, ಬೆಂಜ್‌ ಕಂಪನಿಯು  ಬೀದಿ ನಾಯಿಗೆ ಮತ್ತೊಂದು ಬದುಕು ಕಲ್ಪಿಸಿಕೊಟ್ಟಿದೆ.

ಏನೆಂದು ಕಾಮೆಂಟ್ ಮಾಡಿದ್ದನು..?

ದೀ ಅನಿಮಲ್​ ಪ್ಯಾಡ್ ಎನ್ನುವ ನಾಯಿ ರಕ್ಷಣಾ ಟೀಮ್​ ಬೀದಿ ನಾಯಿವೊಂದನ್ನು ರಕ್ಷಣೆ ಮಾಡಿ ಅದಕ್ಕೆ ಚಿಕಿತ್ಸೆ ನೀಡಿದ್ದಲ್ಲದೇ ಅದಕ್ಕೆ ಬನ್ನಿ ಎಂದು ನಾಮಕರಣ ಮಾಡಿದೆ. ಆದ್ರೆ ಅವರಿಗೆ ಬನ್ನಿಯ ಹಿಂದಿನ 2 ಕಾಲುಗಳು ಇಲ್ಲದ್ದಕ್ಕೆ ಏನು ಮಾಡಬೇಕು ಅನ್ನೋದು ಸವಾಲಾಗಿದೆ. ಹೀಗಾಗಿ ಆ ನಾಯಿಯ ವಿಡಿಯೋ ಮಾಡಿ ಇನ್​ಸ್ಟಾದಲ್ಲಿ ಶೇರ್ ಮಾಡಿದ್ದರು. ಈ ವಿಡಿಯೋಗೆ ವ್ಯಕ್ತಿಯೊಬ್ಬರು This dog deserves the mercedes Benz of wheelchairs! ಎಂದು ತಮಾಷೆಯಾಗಿ ಕಾಮೆಂಟ್ ಮಾಡಿದ್ದರು.

ಬನ್ನಿ ಬೆಂಜ್​ನಲ್ಲಿ ಸುತ್ತಾಟ..ಫುಲ್ ಖುಷ್..!

ಈ ಕಾಮೆಂಟ್​ ಅನ್ನು ಸಿರೀಯಸ್​ ಆಗಿ ತೆಗೆದುಕೊಂಡ ನಾಯಿ ರಕ್ಷಣಾ ಟೀಮ್​ ಕಾರಿನಲ್ಲಿ ಬನ್ನಿ ಜತೆಗೆ ಬೆಂಜ್ ಕಂಪನಿಗೆ ಹೋಗಿ ಸಿಬ್ಬಂದಿಯನ್ನ ಸಂಪರ್ಕ ಮಾಡಿ ಬನ್ನಿಯ ಬಗ್ಗೆ ಮಾಹಿತಿ ನೀಡಿದ್ದಾರೆ. ಇದನ್ನು ಗಣನೆಗೆ ತೆಗೆದುಕೊಂಡ ಬೆಂಜ್​ ಕಂಪನಿಯು ಆರಾಧ್ಯ ಪೂಚ್ ಬ್ರ್ಯಾಂಡ್‌ನಿಂದ ವಿಶೇಷ ಗಾಲಿ ಕುರ್ಚಿಯನ್ನು ಪಡೆದುಕೊಂಡಿದೆ. ಸಖತ್​ ಆಗಿರುವ ವ್ಹೀಲ್​ಚೇರ್​ ಖರೀದಿಸಿ ಬನ್ನಿಗೆ ಗಿಫ್ಟ್ ಮಾಡಿದ್ದಾರೆ. ಈ ವ್ಹೀಲ್​ಚೇರ್​ಗೆ ಬನ್ನಿ ಬೆಂಜ್​ ಎಂದು ಹೆಸರಿಡಲಾಗಿದೆ.

ಸದ್ಯ ಮರ್ಸಿಡಿಸ್​ ಬೆಂಜ್​ ಕಂಪನಿಯಿಂದ ಹೊಸ ವ್ಹೀಲ್​ ಚೇರ್​ ಅನ್ನು ಪಡೆದಿರುವ ಬನ್ನಿ ಫುಲ್​ ಖುಷಿ, ಖುಷಿಯಾಗಿ ಅದರಲ್ಲೇ ರೋಡ್​, ರೋಡ್​ ಅಲ್ಲಿ ಸುತ್ತಾಡುತ್ತಿದ್ದಾನೆ. ಎರಡು ಕಾಲು ಇಲ್ಲ ಎನ್ನುವ ಆಲೋಚನೆಯೇ ಇಲ್ಲದಂತಹ ಸಂತಸದಲ್ಲಿ ತೇಲುತ್ತಿದ್ದಾನೆ. ನೋಡಿ ತಮಾಷೆಯಾಗಿ ವಿಡಿಯೋಗೆ ಮಾಡಿರೋ ಒಂದು ಕಾಮೆಂಟ್​ ಒಂದು ಜೀವದ ಬದುಕೇ ಬದಲಿಸಿತು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ 

 

View this post on Instagram

 

A post shared by Henry and Finn (@keepingfinn)