ನಮಸ್ಕಾರ ದೇವ್ರು ಎನ್ನುತ್ತಲೇ ಸಾಕಷ್ಟು ಜನರ ಗಮನ ಸೆಳೆದ ಡಾ.ಬ್ರೋ

ಸೋಷಿಯಲ್​ ಮೀಡಿಯಾ ಬಳಕೆದಾರರಿಗೆ ಗಗನ್ ಶ್ರೀನಿವಾಸ್ ಚಿರಪರಿಚಿತ

ದೇಶ ವಿದೇಶ ಸುತ್ತುತ್ತಿದ್ದ ಡಾ.ಬ್ರೋ ತಿಂಗಳಿಗೆ ದುಡಿಯೋ ದುಡ್ಡು ಎಷ್ಟು?

ಡಾ. ಬ್ರೋ (Dr. Bro) ಯಾರಿಗೇ ತಾನೇ ಗೊತ್ತಿಲ್ಲ ಹೇಳಿ. ಸೋಷಿಯಲ್​ ಮೀಡಿಯಾ ಬಳಕೆದಾರರಿಗೆ ಡಾ. ಬ್ರೋ ಅಂದ್ರೆ ಗಗನ್ ಶ್ರೀನಿವಾಸ್ ಚಿರಪರಿಚಿತ. ನಮಸ್ಕಾರ ದೇವ್ರು ಎಂದು ದೇಶ ವಿದೇಶ ಸುತ್ತುತ್ತಿದ್ದ ಡಾಕ್ಟರ್ ಬ್ರೋ ಅವರು ಒಂದಲ್ಲಾ ಒಂದು ಸುದ್ದಿಯಲ್ಲಿ ಚಾಲ್ತಿಯಲ್ಲಿ ಇರುತ್ತಾರೆ.

ಇದನ್ನೂ ಓದಿ: ನಮಸ್ಕಾರ ದೇವ್ರು.. ಡಾಕ್ಟರ್​ ಬ್ರೋಗೆ ಇದೆಂಥಾ ವರ! ಇದೇ ನೋಡಿ ಅತಿ ಹೆಚ್ಚು ವೀಕ್ಷಣೆ ಕಂಡ ವಿಡಿಯೋ!

ದೇಶ ಸುತ್ತು ಕೋಶ ಓದು ಎಂಬ ಗಾದೆ ಮಾತಿನಂತೆ ಡಾಕ್ಟರ್ ಬ್ರೋ ಅವರು, ದೇಶ ವಿದೇಶಕ್ಕೆ ಹೋಗಿ ಅಲ್ಲಿನ ಅಲ್ಲಿ ವಾಸ್ತವ್ಯದ ಬಗ್ಗೆ ಜನರಿಗೆ ತಮ್ಮ ಯೂಟ್ಯೂಬ್​ ಚಾನೆಲ್ ಮೂಲಕ ತಿಳಿಸುತ್ತಾರೆ. ಪ್ರಸ್ತುತ ದುನಿಯಾದಲ್ಲಿ ಯೂಟ್ಯೂಬರ್‌ಗಳೇ ಸಖತ್ ಫೇಮಸ್ ಆಗುತ್ತಿದ್ದಾರೆ. ಕೆಲವರು ದೇಶ, ವಿದೇಶ ಸುತ್ತಿ ಖ್ಯಾತಿ ಪಡೆದ್ರೆ, ಕೆಲವರು ಮನೆಯಲ್ಲೇ ಅಡುಗೆ ವಿಡಿಯೋ ಮಾಡಿ ಪ್ರಖ್ಯಾತಿ ಪಡೆಯುತ್ತಿದ್ದಾರೆ.

ಯೂಟ್ಯೂಬ್​ನಲ್ಲಿ ತಮ್ಮದೇ ಆದ ಟ್ರೆಂಡ್ ಸೃಷ್ಟಿಸಿ ಜನರ ಬಳಿ ಗುರುತಿಸಿಕೊಂಡಿದ್ದಾರೆ. ಇಂತಹ ಸಾಲಿನಲ್ಲಿ ನಮಸ್ಕಾರ ದೇವ್ರು ಎಂದು ವಿಡಿಯೋ ಪ್ರಾರಂಭಿಸೋ ಡಾ.ಬ್ರೋ​ ಕೂಡ ಒಬ್ಬರು. ಸಾಕಷ್ಟು ಜನರು ಇಷ್ಟು ಚೆನ್ನಾಗಿ ದೇಶ ಸುತ್ತುವ ಡಾ. ಬ್ರೋ ಅಂದ್ರೆ ಗಗನ್ ಶ್ರೀನಿವಾಸ್ ಅವರು ಎಷ್ಟು ದುಡಿಯುತ್ತಾರೆ ಎಂದು ತಿಳಿದುಕೊಳ್ಳುವ ಕುತೂಹಲ ಇತ್ತು. ಇದೀಗ ಖುದ್ದು ಡಾ. ಬ್ರೋ ಅವರೇ ಆ ಕುತೂಹಲಕ್ಕೆ ತೆರೆ ಎಳೆದಿದ್ದಾರೆ. ಹೌದು, ಮೊಟ್ಟ ಮೊದಲ ಭಾರೀಗೆ ಯೂಟ್ಯೂಬ್​ನಲ್ಲಿ ಲೈವ್​ ಬಂದು ಈ ಬಗ್ಗೆ ಮಾಹಿತಿ ಕೊಟ್ಟಿದ್ದಾರೆ.

ಹೌದು, ಇದೇ ಮೊದಲ ಬಾರಿಗೆ ತಾನು ತಿಂಗಳಿಗೆ ಗಳಿಸುವುದು ಎಷ್ಟು ಅಂತ ಹೇಳಿದ್ದಾರೆ. ಒಂದೇ ಅಟೆಂಟ್ಮ್​ನಲ್ಲಿ ಪಾಸ್ ಬಿಕಾಂ ಪಾಸ್​ ಆಗಿರೋ ಗಗನ್​ ಶ್ರೀನಿವಾಸ್​ ಅವರು ದೇಶ ವಿದೇಶ ಸುತ್ತುತ್ತ ತಿಂಗಳಿಗೆ 2 ಸಾವಿರದ ನೂರು ಡಾಲರ್​ ಅಂದ್ರೆ ಒಟ್ಟು 1 ಲಕ್ಷದ 76 ಸಾವಿರ ಸಂಪಾದನೆ ಮಾಡ್ತಾರಂತೆ. ಈಗಾಗಲೇ 25 ದೇಶ ಸುತ್ತಿ ಜನತೆಗೆ ಅಲ್ಲಿನ ಸಂಪ್ರದಾಯದ ಬಗ್ಗೆ ತಿಳಿಸುತ್ತಾ ಇರೋ ಗಗನ್ ​ಒಟ್ಟು 195 ದೇಶಗಳಿಗೆ ಹೋಗಬೇಕು ಅಂದುಕೊಂಡಿದ್ದಾರಂತೆ. ಈ ಬಗ್ಗೆ ಸಾಕಷ್ಟು ವಿಚಾರದ ಬಗ್ಗೆ ಮಾಹಿತಿ ನೀಡಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ