ಈ ಕಾರಿನಲ್ಲಿ ಸ್ಟೇರಿಂಗ್ ಇಲ್ಲ, ಡ್ಯಾಶ್​ಬೋರ್ಡ್​ ಇಲ್ವೇ ಇಲ್ಲ

ಡ್ರೈವರ್​ ಇಲ್ಲದೆ ಚಲಿಸುತ್ತೆ ಈ ಸ್ವಯಂ ಚಾಲಿತ ಝೆಡ್​ಪಾಡ್​

ಬೆಂಗಳೂರು ಬೀದಿಯಲ್ಲಿ ಸಂಚರಿಸಿದ ಚಾಲಕ ರಹಿತ ವಾಹನ

ಚಾಲಕ ರಹಿತ ಕಾರಿನ ಬಗ್ಗೆ ಗೊತ್ತಿದ್ಯಾ?. ಇಂಥಾ ಕಾರು ಬೆಂಗಳೂರಿನ ರಸ್ತೆಯಲ್ಲಿ ಚಲಿಸಿದರೆ ಹೇಗಿರುತ್ತೆ?. ಇಲ್ಲೊಂದು ದೃಶ್ಯ ಸದ್ಯ ಚರ್ಚೆಯಲ್ಲಿದೆ.

ಪೆಟ್ರೋಲ್​, ಡಿಸೇಲ್​ ಕಾರಿನ ಬಗ್ಗೆ ಎಲ್ಲರಿಗೂ ಗೊತ್ತೇ ಇದೆ. ಆದರೀಗ ವಾಯುಮಾಲಿನ್ಯ ಮತ್ತು ಇಂಧನ ಉಳಿಕೆಗಾಗಿ ಎಲೆಕ್ಟ್ರಿಕ್​ ಕಾರು ಮಾರುಕಟ್ಟೆಗೆ ಬಂದಿದೆ. ಭಾರತ ಸರ್ಕಾರ ಕೂಡ ಭವಿಷ್ಯದ ಉಜ್ವಲತೆಗಾಗಿ ಎಲೆಕ್ಟ್ರಿಕ್​ ಕಾರನ್ನು ಖರೀದಿಸುವಂತೆ ಉತ್ತೇಜಿಸುತ್ತಿದ್ದಾರೆ. ಇದೇ ದೃಷ್ಟಿಕೋನವನ್ನಿಟ್ಟುಕೊಂಡು ಬಹುತೇಕರು ಎಲೆಕ್ಟ್ರಿಕ್​ ಕಾರು ಖರೀದಿಸುತ್ತಿದ್ದಾರೆ. ಆದರ ಜೊತೆ ಜೊತೆಗೆ ವಿದೇಶದಲ್ಲಿ ಚಾಲಕ ರಹಿತ ಕಾರುಗಳ ನಿರ್ಮಿಸುತ್ತಿದ್ದಾರೆ. ಅಷ್ಟೇ ಏಕೆ ಟೆಸ್ಲಾ ಸಿಇಒ ಎಲಾನ್​ ಮಸ್ಕ್​ ಚಾಲಕ ರಹಿತ ಕಾರಿನಲ್ಲೇ ಚಲಿಸೋದು. ಆದರೀಗ ಇಂತಹದ್ದೇ ಕಾರು ಬೆಂಗಳೂರಿನ ರಸ್ತೆಗಿಳಿದಿದೆ ಎಂಬ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.

ಅನಿರುದ್ಧ್​ ರವಿಶಂಕರ್​ ಎಂಬ ಟ್ವಿಟ್ಟಿಗ ಚಾಲಕ ರಹಿತ ಕಾರೊಂದರ ದೃಶ್ಯವನ್ನು ಹಂಚಿಕೊಂಡಿದ್ದು, ಬೆಂಗಳೂರಿನ ಬೀದಿಗಳಲ್ಲಿ ಎಂದು ಅಡಿಬರಹ ಕೊಟ್ಟಿದ್ದಾನೆ. ಇನ್ನು ದೃಶ್ಯದಲ್ಲಿ ಕಂಡಂತೆ ಇಬ್ಬರು ಯುವಕರು ಆ ಕಾರನ್ನೇ ದಿಟ್ಟಿಸಿ ನೋಡುವುದು ಕಾಣಬಹುದಾಗಿದೆ.

On the streets of Bengaluru. ⁦@peakbengaluru⁩ pic.twitter.com/VtahXpa6Mh

— anirudh ravishankar (@anrdh89) July 22, 2023

ಇದೇನಾ zPod​ ವಾಹನ

ಸದ್ಯ ಹರಿದಾಡುತ್ತಿರುವ ಮಾಹಿತಿ ಪ್ರಕಾರ, ಬೆಂಗಳೂರು ಮೂಲದ ಮೈನಸ್​ ಝೀರೋ ಎಂಬ ಸ್ಟಾರ್ಟಪ್​ ಸಂಸ್ಥೆ ಝೆಡ್​ಪಾಡ್​ ಹೆಸರಿನ ಸ್ವಯಂ ಚಾಲಿನ ವಾಹನ ತಯಾರಿಸಿದ್ದಾರೆ ಎನ್ನಲಾಗುತ್ತಿದೆ. ಕಳೆದ ಎರಡು ದಿನಗಳಲ್ಲಿ ಫ್ರೇಸರ್​​ ಟೌನ್​ ಬಳಿ  ಎರಡು ಬಾರಿ ಈ ವಾಹನ ಕಾಣಿಸಿಕೊಂಡಿದೆ ಎಂದು ಹೇಳಲಾಗುತ್ತಿದೆ. ಇದು ಭಾರತ ಮೊದಲ ಸ್ವಯಂ ಚಾಲಿತ ವಾಹನ ಎಂದು ಗುರುತಿಸಲಾಗಿದೆ.

 

View this post on Instagram

 

A post shared by Minus Zero (@minuszero)

ಝೆಡ್​ಪಾಡ್​​

ನಾಲ್ಕು ಸೀಟಿನ ವಾಹನ ಇದಾಗಿದ್ದು, ಡ್ಯಾಶ್​​ಬೋರ್ಡ್​ ಅಥವಾ ಸ್ಟೀರಿಂಗ್​ ಯಾವುದನ್ನು ಹೊಂದಿಲ್ಲ. ಬದಲಾಗಿ ಇದು ಕೃತಕ ಬುದ್ಧಿಮತ್ತೆ ಮೂಲಕ ನ್ಯಾವಿಗೇಟ್ ಮಾಡುತ್ತಾ ರಸ್ತೆಯಲ್ಲಿ ಚಲಿಸುತ್ತದೆ. ಜೊತೆಗೆ ಕ್ಯಾಮೆರಾದ ಸಹಾಯವನ್ನು ಪಡೆದಿದೆ. ​

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ