ಡ್ರೋನ್​ ಪ್ರತಾಪ್​ ಅಳುವ ಶಬ್ದ ಕೇಳಿ ಓಡಿ ಬಂದ ದೀದಿಯರು

ಮನೆಯಿಂದ ಬಂದ ಪತ್ರಕ್ಕಾಗಿ ಸ್ಪರ್ಧಿಗಳ ಮಧ್ಯೆ ಹೋರಾಟ

ಅಪ್ಪ-ಅಮ್ಮನನ್ನು ನೆನದು ಕಣ್ಣೀರು ಹಾಕಿದ ಡ್ರೋನ್​ ಪ್ರತಾಪ್​​

ಬಿಗ್​ಬಾಸ್​ ಸೀಸನ್​ 10ರ ಸ್ಪರ್ಧಿ ಡ್ರೋನ್​​ ಪ್ರತಾಪ್ ಕುಟುಂಬಸ್ಥರನ್ನು ನೆನಪಿಸಿಕೊಂಡು​​ ಕಣ್ಣೀರಿಟ್ಟಿದ್ದಾರೆ. ಹೌದು 3 ವರ್ಷದಿಂದ ಕುಟುಂಬಸ್ಥರಿಂದ ದೂರ ಉಳಿದುಕೊಂಡ ನರಕಯಾತನೆ ಅನುಭವಿಸುತ್ತಿದ್ದ ಡ್ರೋನ್​ ಪ್ರತಾಪ್​ ಅವರು ಅಳುವ ಮೂಲಕ ಆ ದುಃಖವನ್ನು ಹೊರ ಹಾಕಿದ್ದಾರೆ. ಇಂತಹ ಸಂದರ್ಭವೊಂದು ಒದಗಿ ಬಂದಿದ್ದು ಬಿಗ್​ಬಾಸ್​ ಕೊಟ್ಟ ಟಾಸ್ಕ್​​ನಿಂದ.

ಹೌದು, ಇಷ್ಟು ದಿನ ಮನೆಯವರಿಂದ ದೂರ ಇರೋ ಸ್ಪರ್ಧಿಗಳಿಗೆ ಬಿಗ್​ಬಾಸ್​ ಸುವರ್ಣ ಅವಕಾಶ ಕಲ್ಪಿಸಿಕೊಟ್ಟಿದ್ದಾರೆ. ಕುಟುಂಬದಿಂದ ದೂರ ಇರುವ ಬಿಗ್​ಬಾಸ್​​ ಸ್ಪರ್ಧಿಗಳು ಮನೆಯವರ ಬಗ್ಗೆ ತಿಳಿದುಕೊಳ್ಳೋಕೆ ಬಿಗ್​ಬಾಸ್​ ಟಾಸ್ಕ್​​ವೊಂದನ್ನು​ ನೀಡಿದ್ದಾರೆ. ಮೂವರು ಸ್ಪರ್ಧಿಗಳಿಗೆ ಪತ್ರ ಪಡೆಯೋ ಅವಕಾಶ ಇದ್ದು, ಆ ಮೂವರನ್ನ ಮನೆಯವರು ಚರ್ಚಿಸಿ ಸೂಚಿಸಬೇಕು. ಈ ಅವಕಾಶವನ್ನು ಪಡೆಯೋದು ಅಷ್ಟು ಸುಲಭವಲ್ಲ. 6 ಆಟವನ್ನು ಕಂಪ್ಲೀಟ್​ ಮಾಡಿದ ಮೂವರಿಗೆ ಈ ಅವಕಾಶ ಸಿಗಲಿದೆ. ಬಿಗ್​ಬಾಸ್​​ ಮನೆಯಲ್ಲಿರೋ ಸ್ಪರ್ಧಿಗಳು ಹರಸಾಹಸ ಪಟ್ಟಿದ್ದಾರೆ.

ಇದೇ ಟಾಸ್ಕ್​​ ವಿಚಾರವಾಗಿ ಮನೆಯಿಂದ ನಮ್ಮ ತಂದೆ ತಾಯಿ ನನಗೆ ಪತ್ರ ಬರೆದಿದ್ದಾರೋ ಇಲ್ಲವೋ ಎಂದು ತಿಳಿದುಕೊಳ್ಳಬೇಕು. ದಯಮಾಡಿ ಆ ಅವಕಾಶವನ್ನು ನನಗೆ ಕಲ್ಪಿಸಿಕೊಡಿ ಎಂದು ಬಿಗ್​​ಬಾಸ್​ ಸ್ಪರ್ಧಿಗಳಲ್ಲಿ ಮನವಿ ಮಾಡಿಕೊಂಡಿದ್ದಾರೆ. ನನ್ನ ತಂದೆ ತಾಯಿ ನನ್ನನ್ನು ಕ್ಷಮಿಸಿದ್ದಾರೆ. ಕ್ಷಮಿಸಿ ನನಗೆ ಪತ್ರವನ್ನು ಬರೆದಿದ್ದಾರಾ ಎಂಬ ಪ್ರಶ್ನೆಗಳು ನನ್ನ ತಲೆಯಲ್ಲಿ ಓಡಾಡುತ್ತಿದೆ. ಹೀಗಾಗಿ ನನಗೆ ಪತ್ರ ಬೇಕೇ ಬೇಕು ಎಂದು ಕೇಳಿಕೊಂಡಿದ್ದಾರೆ. ಹೀಗೆ ಬೆಡ್​​ ರೂಮ್​​ನಲ್ಲಿ ಕುಳಿತುಕೊಂಡಾಗ ಅಪ್ಪ ಹಾಗೂ ಅಮ್ಮನನ್ನು ನೆನಪಿಸಿಕೊಂಡು ಕಣ್ಣೀರು ಹಾಕಿದ್ದಾರೆ. ಆಗ ಅವರ ಅಳುವ ಶಬ್ದವನ್ನು ಕೇಳಿಕೊಳ್ಳುತ್ತಿದ್ದಂತೆ ಸಂಗೀತಾ, ನಮ್ರತಾ, ಇಶಾನಿ ಮತ್ತು ನೀತು ಬಂದು ಅವರನ್ನು ಸಮಾಧಾನ ಮಾಡಿ ಅವರ ಮುಖದಲ್ಲಿ ಖುಷಿ ತರಿಸಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ