ಡ್ರೋನ್​ ಪ್ರತಾಪ್​ನನ್ನು ನೋಡಿ ಉಳಿದ​​ ಸ್ಪರ್ಧಿಗಳ ಕಣ್ಣಲ್ಲಿ ನೀರು

ಮನೆಯಿಂದ ಬಂದ ಪತ್ರಕ್ಕಾಗಿ ಸ್ಪರ್ಧಿಗಳ ಮಧ್ಯೆ ಹೋರಾಟ

ಅಪ್ಪ-ಅಮ್ಮನನ್ನು ನೆನೆದು ಕಣ್ಣೀರು ಹಾಕಿದ ಡ್ರೋನ್​ ಪ್ರತಾಪ್​​

ಬಿಗ್​ಬಾಸ್​ ಸೀಸನ್​ 10ರ ಸ್ಪರ್ಧಿ ಡ್ರೋನ್​​ ಪ್ರತಾಪ್ ಅವರು ತಮ್ಮ ಅಪ್ಪನ ಧ್ವನಿ ಕೇಳುತ್ತಿದ್ದಂತೆ ಮಗುವಿನಂತೆ ಬಿಕ್ಕಿ, ಬಿಕ್ಕಿ ಅತ್ತಿದ್ದಾರೆ. ಬಿಗ್​​ಬಾಸ್​​ ಮನೆಗೆ ಎಂಟ್ರಿ ಕೊಟ್ಟ ಸ್ಪರ್ಧಿಗಳು ತಮ್ಮ ತಮ್ಮ ಕುಟುಂಬಸ್ಥರನ್ನು ನೆನೆಪಿಸಿಕೊಂಡು​​ ಕಣ್ಣೀರಿಟ್ಟಿದ್ದಾರೆ. ಡ್ರೋನ್​​ ಪ್ರತಾಪ್​​​ ಕೂಡ 3 ವರ್ಷದಿಂದ ಕುಟುಂಬಸ್ಥರಿಂದ ದೂರ ಉಳಿದುಕೊಂಡ ನರಕಯಾತನೆ ಅನುಭವಿಸುತ್ತಿದ್ದರು.

ಇಷ್ಟು ದಿನ ಮನೆಯವರಿಂದ ದೂರ ಇರೋ ಸ್ಪರ್ಧಿಗಳಿಗೆ ಬಿಗ್​ಬಾಸ್​ ಸುವರ್ಣ ಅವಕಾಶ ಕಲ್ಪಿಸಿಕೊಟ್ಟಿದ್ದರು. ಕುಟುಂಬದಿಂದ ದೂರ ಇರುವ ಬಿಗ್​ಬಾಸ್​​ ಸ್ಪರ್ಧಿಗಳು ಮನೆಯವರ ಬಗ್ಗೆ ತಿಳಿದುಕೊಳ್ಳೋಕೆ ಬಿಗ್​ಬಾಸ್​ ಟಾಸ್ಕ್​​ವೊಂದನ್ನು​ ನೀಡಿದ್ದರು. ಬಿಗ್​ಬಾಸ್​ ಕೊಟ್ಟ ಟಾಸ್ಕ್​​​ ಅನ್ನು ಪೂರ್ಣ ಮಾಡಿದರೆ ಮಾತ್ರ ಕುಟುಂಬಸ್ಥರಿಂದ ಬಂದ ಪತ್ರ ಪಡೆಯೋ ಅವಕಾಶ ಇತ್ತು. ಆದರೆ ಮನೆ ಸದಸ್ಯರ ಎಡವಟ್ಟಿನಿಂದ ಕಾರ್ತಿಕ್​​​, ಡ್ರೋನ್​​ ಪ್ರತಾಪ್​​ ಹಾಗೂ ಭಾಗ್ಯಶ್ರೀ ಅವರಿಗೆ ಪತ್ರ ಬಂದಿರಲ್ಲಿಲ್ಲ. ಹೀಗಾಗಿ ಈ ಮೂವರು ಬೇಸರಿಂದ ಕಾಲ ಕಳೆಯುತ್ತಿದ್ದರು.

 

View this post on Instagram

 

A post shared by Colors Kannada Official (@colorskannadaofficial)

ಇನ್ನೂ, ಕಲರ್ಸ್​ ಕನ್ನಡ ಇನ್​​ಸ್ಟಾಗ್ರಾಮ್​ ಖಾತೆಯಲ್ಲಿ ಪ್ರೋಮೋವೊಂದು ರಿಲೀಸ್​​ ಆಗಿದೆ. ರಿಲೀಸ್​ ಆದ ಪ್ರೋಮೋದಲ್ಲಿ ಕಿಚ್ಚ ಸುದೀಪ್​ ಅವರು ಪ್ರತಾಪ್​​ ಅವರಿಗೆ ನಿಮ್ಮ ತಂದೆಯಿಂದ ಲೆಟರ್​ ಎನ್ನನ್ನು ಎಕ್ಸ್​ಪೆಕ್ಟ್​ ಮಾಡುತ್ತಿದ್ದೀರಿ ಎಂದು ಕೇಳುತ್ತಾರೆ. ಹೀಗೆ ಕಿಚ್ಚ ಸುದೀಪ್​ ಕೇಳುತ್ತಿದ್ದಂತೆ ಆಗೊಂದು ವಾಯ್ಸ್​ ನೋಟ್​ ಬರುತ್ತದೆ. ಇದನ್ನು ಕೇಳಿಸಿಕೊಂಡ ಕೂಡಲೇ ಅಪ್ಪ… ಅಪ್ಪ ತಪ್ಪಾಯ್ತಪ್ಪ ಎಂದು ಡ್ರೋನ್​​ ಪ್ರತಾಪ್​ ಬಿಕ್ಕಿ ಬಿಕ್ಕಿ ಅತ್ತಿದ್ದಾರೆ. ಇದನ್ನು ನೋಡಿದ ಮನೆ ಮಂದಿಯೂ ಕಣ್ಣೀರು ಹಾಕಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್​​ ಆಗುತ್ತಿದೆ. ಈ ವಿಡಿಯೋ ನೋಡಿದ ನೆಟ್ಟಿಗರು ಇಂತಹ ಪಾಡು ಯಾರಿಗೂ ಬರಬಾರದು ಎಂದು ಕಾಮೆಂಟ್​​ ಹಾಕುತ್ತಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ