ನಶೆಯಲ್ಲಿ ಕುಡಿದ ಬಾರಿಗೆ ಕನ್ನ ಹಾಕಿದ ಕುಡುಕರ ಗ್ಯಾಂಗ್

ಕ್ಲೋಸ್ ಆದ ಬಾರ್​ಗೆ ನುಗ್ಗಿ ಚಿಲ್ರೆ-ಗಿಲ್ರೆ ಎಗರಿಸಿದ ಖದೀಮರು

ಸಿಸಿಟಿವಿಯಲ್ಲಿ ಸೆರೆಯಾಗಿದೆ ಕುಡುಕ ಕಳ್ಳರ ಕೈಚಳಕ

ಇದು ಒಂದು ಪೆಗ್ಗಿನ ಕಥೆ. ಕಳೆದ ಜೂನ್​ 30ರಂದು ಆನೇಕಲ್ ತಾಲೂಕಿನ ಬನ್ನೇರುಘಟ್ಟ ನ್ಯಾಷನಲ್​ ಪಾರ್ಕ್ ರಸ್ತೆಯಲ್ಲಿರುವ ನಿಸರ್ಗ ವೈನ್ ಪ್ಯಾರಾಡೈಸ್​ಗೆ ಎಣ್ಣೆ ಹೊಡೆಯೋಕ್ ಕೆಲವರು​ ಬಂದಿದ್ರು. ತುಂಬಾನೇ ಶ್ರದ್ಧೆಯಿಂದ 30, 60, 90 ಅಂತಾ ತಮಗಿಷ್ಟವಾದ ಓಟಿ ಪ್ಯಾಕೆಟ್​ಗಳನ್ನ ತಗೊಂಡು ಹೋಗಿದ್ರು. ಇದಾದ ಮೇಲೆ ಇವ್ರು ಮಾಡಿರೋ ಕೆಲ್ಸ ದೇವರು ಸಹ ಮೆಚ್ಚಲ್ಲ ಬಿಡಿ.

ಬಾರ್​ಗೆ ನುಗ್ಗಿ ಎಣ್ಣೆ ತೊಗೊಂಡು ಹೋಗಿ ಪಾರ್ಟಿ ಮಾಡಿದ್ದ ಈ ನಾಲ್ಕು ಕುಡುಕ ಖದೀಮರು. ಬಾರ್ ಕ್ಲೋಸ್ ಆದ ಮೇಲೆ ಅದೇ ನಿಸರ್ಗ ಬಾರಿಗೆ, ಮಧ್ಯ ರಾತ್ರಿ 11.30ರ ಸುಮಾರಿಗೆ ಎಂಟ್ರಿ ಕೊಟ್ಟಿದ್ರು. ಬಳಿಕ ಹಾಲೋಬ್ಲಾಕ್ ಕಲ್ಲಿಂದ ಬಾರ್​ ಬೀಗ ಒಡೆದು ಹಾಕಿ ಬಾರ್​ ಒಳಗೆ ನುಸುಳಿದ್ರು. ಇದಾದ ಮೇಲೆ ಕ್ಯಾಶ್​ ಕೌಂಟರ್​ನಲ್ಲಿದ್ದ ಚಿಲ್ರೆ-ಗಿಲ್ರೆ ಎಲ್ಲಾ ಸೇರ್ಸಿ 28 ಸಾವಿರ ಹಣ, ಒಂದು ಮೊಬೈಲ್ ಕದ್ದಿದ್ದು ಅಲ್ದೇ ಬಾರ್​ನಲ್ಲಿದ್ದ ಮದ್ಯದ ಬಾಟಲಿಗಳನ್ನ ಹೊತ್ತೋಯ್ದಿದ್ದಾರೆ. ಸದ್ಯ ಕಳ್ಳರ ಕೈಚಳಕ ಸಿಸಿಟಿವಿ ಕ್ಯಾಮರಾದಲ್ಲಿ ಸೆರೆಯಾಗಿದೆ.

ಸದ್ಯ ಮದ್ಯ ಖರೀದಿ ಮಾಡೋ ನೆಪದಲ್ಲಿ ಬಂದು ಪ್ಲಾನ್ ಮಾಡಿ ಹೋಗಿದ್ದ ಈ ಖದೀಮ ಕುಡುಕರು, ರಾತ್ರಿಯಾಗ್ತಿದ್ದಂತೆ ಬಂದು ತಮ್ಮ ಕೈಚಳಕ ತೋರಿದ್ದಾರೆ. ಸದ್ಯ ಈ ಬಗ್ಗೆ ಬನ್ನೇರುಘಟ್ಟ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಸ್ಥಳಕ್ಕೆ ಭೇಟಿ ಕೊಟ್ಟು ಪರಿಶೀಲನೆ ನಡೆಸಿದ್ದಾರೆ.

ಆನೇಕಲ್ ತಾಲೂಕಿನ ಬನ್ನೇರುಘಟ್ಟ ನ್ಯಾಷನಲ್​ ಪಾರ್ಕ್ ರಸ್ತೆಯಲ್ಲಿರುವ ನಿಸರ್ಗ ವೈನ್ ಪ್ಯಾರಾಡೈಸ್​ಗೆ ಎಣ್ಣೆ ಹೊಡೆಯೋಕೆ ಬಂದಿದ್ದ ಕುಡುಕರು ಅದೇ ಬಾರಿಗೆ ಕನ್ನ ಹಾಕಿದ್ದಾರೆ. ಕ್ಯಾಶ್​ ಕೌಂಟರ್​ನಲ್ಲಿದ್ದ ಚಿಲ್ರೆ-ಗಿಲ್ರೆ ಎಲ್ಲಾ ಸೇರ್ಸಿ 28 ಸಾವಿರ ಹಣ, ಒಂದು ಮೊಬೈಲ್ ಮಾತ್ರವಲ್ಲದೆ ಎಣ್ಣೆ ಬಾಟಲಿ ಕದ್ದಿದ್ದಾರೆ.#Bangalore #Theft… pic.twitter.com/Aj4Dhuj0Hc

— NewsFirst Kannada (@NewsFirstKan) July 1, 2023

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ