ಅಗ್ರೆಸ್ಸಿವ್ ಅಪ್ರೋಚ್​​​ ಮೂಲಕ ಹಳೇ ಆಟಕ್ಕೆ ಸಖತ್ ಕಿಕ್​ ಕೊಟ್ಟ ಆಂಗ್ಲರು​

ಟೆಸ್ಟ್​ನಲ್ಲಿ ಭಾರೀ ಬ್ಯಾಟಿಂಗ್​, ಒಂದೇ ದಿನಕ್ಕೆ ಮೊದಲ ಇನ್ನಿಂಗ್ಸ್​ ಡಿಕ್ಲೇರ್​..!

ಹೊಸ ಕೋಚ್​, ಇಂಗ್ಲೆಂಡ್​ ತಂಡದ ಆಟಗಾರರಲ್ಲಿ ಆಕ್ರಮಣಕಾರಿ ಸ್ವಭಾವ

ಟೆಸ್ಟ್​ ಕ್ರಿಕೆಟ್ ಅಂದ್ರೆ ಅಸಡ್ಡೆ. ಟೆಸ್ಟ್​ ಕ್ರಿಕೆಟ್​​ ಅಂದ್ರೆ ಬೋರಿಂಗ್​ ಅಂತ ಹೇಳೋರೆ ಹೆಚ್ಚು. ಆದ್ರೀಗ ಇದೇ ಬೋರಿಂಗ್​ ಗೇಮ್​​ನಲ್ಲಿ ಕ್ರಿಕೆಟ್ ಜನಕರು ಹೊಸ ಕಿಚ್ಚು ಹಚ್ಚಿದ್ದಾರೆ. ಟೆಸ್ಟ್​ ಚಹರೆ ಬದಲಿಸಿ ಹೊಸ ಮನ್ವಂತರಕ್ಕೆ ನಾಂದಿ ಹಾಡಿದ್ದಾರೆ. ಅಷ್ಟಕ್ಕೂ ಇಂಗ್ಲೆಂಡ್​​​ ತಂಡ ಮಾಡಿದ್ದಾದ್ರು ಏನು?.

ಟೆಸ್ಟ್​​​ ಕ್ರಿಕೆಟ್ ಶತಮಾನಗಳ ಹಳೇಯ ಆಟ. 1892 ರಲ್ಲಿ ಜನ್ಮತಾಳಿದ ಟೆಸ್ಟ್ ಹಿಂದಿದ್ದ ಕ್ರೇಜ್​​​ ಅನ್ನ ಈಗ ಉಳಿಸಿಕೊಂಡಿಲ್ಲ. ವರ್ಷಗಳು ಉರುಳಿದಂತೆ ಸೊರಗುತ್ತಿದೆ. ನೋಡುಗರ ಆಸಕ್ತಿಯು ಕಮ್ಮಿ ಆಗ್ತಿದೆ. ಇಂತಹ ಟಫ್​ ಟೈಮ್​​ನಲ್ಲಿ ಆಂಗ್ಲರು ಟೆಸ್ಟ್​ ಕ್ರಿಕೆಟ್​​ಗೆ ಕಿಚ್ಚು ಹಚ್ಚಿದ್ದಾರೆ.

ಆಕ್ರಮಣಕಾರಿ ಆಟ, ಹೊಸ ಮನ್ವಂತರಕ್ಕೆ ನಾಂದಿ..?
ಬದಲಾವಣೆ ಜಗದ ನಿಯಮ. ಅಂತೆಯೇ ಕ್ರಿಕೆಟ್ ಆಟವನ್ನ ಹುಟ್ಟುಹಾಕಿದ ಆಂಗ್ಲರೇ ಈಗ ಟೆಸ್ಟ್​ ಕ್ರಿಕೆಟ್​​​​​​​ ಅನ್ನ ಬದಲಿಸಲು ಹೊರಟಿದ್ದಾರೆ. ಇಲ್ಲಿ ತನಕ ಟೆಸ್ಟ್ ಅಂದ್ರೆ ಬೋರಿಂಗ್ ಗೇಮ್​​​, ಟೆಸ್ಟ್​ ಅಂದ್ರೆ ತಾಳ್ಮೆಯ ಗೇಮ್​ ಅನ್ನೋ ಮಾತಿತ್ತು. ಆದ್ರೀಗ ಆಂಗ್ಲರು ಅಗ್ರೆಸ್ಸಿವ್ ಅಪ್ರೋಚ್​​​ ಮೂಲಕ ಶತಮಾನದ ಹಳೇ ಆಟಕ್ಕೆ ಸಖತ್ ಕಿಕ್​​ ನೀಡ್ತಿದ್ದಾರೆ. ಸದ್ಯ ನಡೆಯುತ್ತಿರುವ ಇಂಗ್ಲೆಂಡ್​​-ಆಸ್ಟ್ರೇಲಿಯಾ ನಡುವಿನ ಆ್ಯಷಸ್​​ ಟೆಸ್ಟ್​​​ ಸಿರೀಸ್ ಅಂತಹ ಬದಲಾವಣೆಯ ಮನ್ವಂತರಕ್ಕೆ ನಾಂದಿ ಹಾಡಿತಾ ಅನ್ನೋ ಪ್ರಶ್ನೆಯನ್ನ ಹುಟ್ಟು ಹಾಕಿದೆ.

ಝ್ಯಾಕ್​​ ಕ್ರಾಲಿ ಮೊದಲ ಎಸೆತವೇ ಫೋರ್
ಆಂಗ್ಲರು ಟೆಸ್ಟ್​​ ಕ್ರಿಕೆಟ್​​ನ ಚಹರೆ ಬದಲಿಸ್ತಿದ್ದಾರೆ ಅನ್ನೋದಕ್ಕೆ ಇದುವೇ ಸಾಕ್ಷಿ. ಪ್ಯಾಡ್ ಕಟ್ಟಿ ಅಂಗಳಕ್ಕಿದ ಝ್ಯಾಕ್ ಕ್ರಾಲಿ, ಪ್ಯಾಟ್ ಕಮಿನ್ಸ್ ಹಾಕಿದ ಮೊದಲ ಎಸೆತವನ್ನ ಬೌಂಡರಿಗಟ್ಟಿ ಎಲ್ಲರನ್ನ ನಿಬ್ಬೆರಗಾಗಿಸಿದ್ರು. ನಿಜಕ್ಕೂ ಇಲ್ಲಿ ಕ್ರಾಲಿ ಡೇರಿಂಗ್ ಮೆಚ್ಚಲೇಬೇಕು.

ಎಲ್ಲ ಬ್ಯಾಟ್ಸ್​​ಮನ್​ಗಳಿಂದ ಅಗ್ರೆಸ್ಸಿವ್​ ಅಪ್ರೋಚ್​​​​
ದಂಡಂ ದಶಗುಣಂ. ಇದು ಇಂಗ್ಲೆಂಡ್​​​​ ಬ್ಯಾಟ್ಸ್​​ಮನ್​ಗಳ ಆಟದ ಪಾಲಿಸಿ. ಎಲ್ಲರೂ ಆಕ್ರಮಣಕಾರಿ ಆಟವಾಡಿದ್ರು. ಯಾವೊಬ್ಬನು ಕೂಡ ಎದೆಗುಂದಲಿಲ್ಲ. ದಂಡಂ ದಶಗುಣಂ ರೀತಿಯಲ್ಲಿ ಬ್ಯಾಟ್ ಬೀಸಿದ್ರು. ಝ್ಯಾಕ್​ ಕ್ರಾಲಿ 73 ಎಸೆಗಳಲ್ಲಿ 61, ಜೋ ರೂಟ್​​​​ 152 ಎಸೆತಗಳಲ್ಲಿ 118, ಹ್ಯಾರಿ ಬ್ರೂಕ್​​ 37 ಎಸೆತಗಳಿಂದ 32 ಹಾಗೂ ಜಾನಿ ಬೇರ್​ಸ್ಟೋವ್​​ 78 ಎಸೆತಗಳಿಂದ 78 ರನ್​ ರನ್​ ಚಚ್ಚಿ ಆಸಿಸ್​​ ಬೌಲರ್​ಗಳ ಬೆವರಿಳಿಸಿದ್ರು.

ಟೆಸ್ಟ್​ ಸ್ಪೆಶಲಿಸ್ಟ್​ ರೂಟ್​ ರಿಂದ ಸ್ವಿಚ್​​​​​ ಹಿಟ್​​ ಸಿಕ್ಸ್​​​
ಜೋ ರೂಟ್​ ಹೇಳಿಕೇಳಿ ಫ್ಯೂರ್​ ಟೆಸ್ಟ್​ ಬ್ಯಾಟ್ಸ್​ಮನ್​​​. ವಿಶ್ಚದ ಫ್ಯಾಬ್​​​​ -ಫೋರ್​​ ಬ್ಯಾಟ್ಸ್​ಮನ್​​ಗಳಲ್ಲಿ ಒಬ್ಬರು. ಕಲಾತ್ಮಕ ಆಟಕ್ಕೆ ಹೆಸರುವಾಸಿಯಾದ ರೂಟ್​​​ ಅಗ್ರೆಸ್ಸಿವ್​​ ಬ್ಯಾಟ್ಸ್​ಮನ್ ಆಗಿ ಬದಲಾಗಿದ್ದಾರೆ. ಸ್ಕಾಟ್​​ ಬೊಲ್ಯಾಂಡ್​​​ ಹಾಗೂ ಕಮಿನ್ಸ್​​ ಬೌಲಿಂಗ್​​ನಲ್ಲಿ ಸ್ವಿಚ್​​​​​​​ ಹಿಚ್​ ಸಿಕ್ಸರ್​​​​ ಸಿಡಿಸಿ ನೋಡುಗರು ಬಾಯಿ ಮೇಲೆ ಬೆರಳಿಟ್ಟುಕೊಳ್ಳುವಂತೆ ಮಾಡಿದ್ರು.

ಒಂದೇ ದಿನ ಮೊದಲ ಇನ್ನಿಂಗ್ಸ್​ ಡಿಕ್ಲೇರ್​..!
ಕ್ರಿಕೆಟ್ ಇತಿಹಾಸದಲ್ಲೇ ತಂಡವೊಂದು ಮೊದಲ ದಿನವೇ ಇನ್ನಿಂಗ್ಸ್ ಡಿಕ್ಲೇರ್ ಮಾಡಿಕೊಂಡ ಉದಾಹರಣೆ ಇಲ್ಲ. ಆದರೆ ಇಂಗ್ಲೆಂಡ್ ಅಂತಹ ದುಸ್ಸಾಹಸಕ್ಕೆ ಕೈ ಹಾಕ್ತು. ಹೌದು, ಕೇವಲ 78 ಓವರ್​​​ ಆಡಿದ ಇಂಗ್ಲೆಂಡ್​​ 8 ವಿಕೆಟ್​ಗೆ 393 ರನ್ ಬಾರಿಸಿ ಮೊದಲ ದಿನವೇ ಇನ್ನಿಂಗ್ಸ್ ಡಿಕ್ಲೇರ್ ಘೋಷಿಸಿ ಅಚ್ಚರಿ ಮೂಡಿಸಿತು.

ಡ್ರಾಗಾಗಿ ಆಡಲ್ಲ, ಗೆಲುವಿಗಾಗಿ ರಿಸ್ಕ್​​..?
ಬದಲಾದ ಇಂಗ್ಲೆಂಡ್​ ತಂಡ ಪಂದ್ಯಗೆಲ್ಲಲೇಕೆಂಬ ಹಠದಿಂದ ಕಣಕ್ಕಿಳಿಯುತ್ತಿದೆ. ಡ್ರಾ ಅನ್ನೋ ಪದವನ್ನೇ ಆಂಗ್ಲರು ಮರೆತಿದ್ದಾರೆ. ಏನಿದ್ರೂ ಗೆಲುವಿನ ಮಂತ್ರ ಜಪ. ಅದಕ್ಕಾಗಿ ಎಂತಹ ರಿಸ್ಕ್ ಬೇಕಾದ್ರು ತೆಗೆದುಕೊಳ್ತಿದೆ. ಅದಕ್ಕೆ ಆಸ್ಟ್ರೇಲಿಯಾ ಎದುರು ಮೊದಲ ದಿನವೇ ಇನ್ನಿಂಗ್ಸ್ ಡಿಕ್ಲೇರ್ ಮಾಡಿಕೊಂಡಿದ್ದು ಬೆಸ್ಟ್ ಎಕ್ಸಾಂಪಲ್​​.

ಮೆಕಲಮ್​​​ ಕೋಚ್​ ಆದ್ಮೇಲೆ ಇಂಗ್ಲೆಂಡ್​​ ತಂಡ ಫುಲ್ ಚೇಂಜ್
ಕಳೆದ ವರ್ಷ ಬ್ರೆಂಡನ್ ಮೆಕಲಮ್​​​ ಇಂಗ್ಲೆಂಡ್​​ ತಂಡ ಟೆಸ್ಟ್​ ಹೆಡ್​ಕೋಚ್ ಆಗಿ ನೇಮಕಗೊಂಡಿದ್ದೇ ಗೊಂಡಿದ್ದು ತಂಡ ಸಂಪೂರ್ಣ ಬದಲಾಗಿದೆ. ಆಟಗಾರರಲ್ಲಿ ಆಕ್ರಮಣಕಾರಿ ಸ್ವಭಾವ ತುಂಬಿದ್ದಾರೆ. ಭೀತಿ ದೂರವಾಗಿಸಿ, ನಿರ್ಭೀತಿ ಮನೋಭಾವ ಮೂಡಿಸಿದ್ದಾರೆ. ಹಾಗಾಗಿನೇ ಇಡೀ ಟೀಮ್​​ಗೆ ಟೀಮೆ ಆಕ್ರಮಣಕಾರಿ ಆಟದ ವೈಖರಿ ಮೂಲಕ ಟೆಸ್ಟ್ ಕ್ರಿಕೆಟ್​ನ ಚಹರೆ ಬದಲಿಸಲು ಹೊರಟಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ