ನಿತ್ಯ ನಮಗೆ ಗೊತ್ತಿಲ್ಲದೇ ಈ ಹಣ್ಣುಗಳಿಂದ ಅಡುಗೆ ಮಾಡ್ತಾ ಇದ್ದೀವಿ!

ನಾವು ತರಕಾರಿಯೆಂದು ಅಡುಗೆಗೆ ಹಣ್ಣುಗಳನ್ನು ಬಳಸುತ್ತಿದ್ದೇವೆ ಗೊತ್ತಾ?

ಇವುಗಳಲ್ಲಿ ತರಕಾರಿ ಯಾವುದು, ಹಣ್ಣುಗಳು ಯಾವುವು ಅನ್ನೋದೇ ಅಚ್ಚರಿ

ಅಡುಗೆ ಮನೆಯಲ್ಲಿ ಅಮ್ಮ ಕೆಲಸ ಮಾಡಬೇಕಾದರೆ ತರಕಾರಿಗಳಿಂದ ಸಾಂಬಾರ್ ಮಾಡುತ್ತಿರುತ್ತಾರೆ. ಅಮ್ಮ ಸಾಂಬಾರ್​ ಮಾಡುವಾಗ ಹಣ್ಣುಗಳನ್ನು ಹಾಕಿ ಅಡುಗೆ ಮಾಡುತ್ತಿದ್ದಾರೆ. ಹೌದು ಇದು ನಮಗೆ ಗೊತ್ತಿರದಂತೆ ದಿನ ನಿತ್ಯ ನಡೆಯುತ್ತಲೇ ಇದೆ. ಹಣ್ಣು ಯಾವುದು, ತರಕಾರಿ ಯಾವುದು ಎಂಬ ವ್ಯತ್ಯಾಸವನ್ನು ನಾವು ತಿಳಿಯದೇ ಹೋಗುತ್ತಿದ್ದೇವೆ. ಕೆಲವನ್ನು ಹಣ್ಣು ಎಂದು ವಿಭಾಗಿಸಿದರೂ ಅವುಗಳನ್ನು ಅಡುಗೆಯಲ್ಲಿ ತರಕಾರಿ ಎಂಬಂತೆ ಕಾಮನ್​ ಆಗಿ ಬಳಕೆ ಮಾಡುತ್ತಿದ್ದೇವೆ. ಸದ್ಯ ಅವು ಯಾವುವು ಎಂದು ನೋಡೋದಾದ್ರೆ..

ಸೌತೆಕಾಯಿ

ಸೌತೆಕಾಯಿಯನ್ನು ನಾವು ತರಕಾರಿ ಎಂದು ನಾವು ಭಾವಿಸಿದರೂ ಇದು ವಾಸ್ತವವಾಗಿ ಹಣ್ಣು ಎಂದು ಪರಿಗಣಿಸಲ್ಪಟ್ಟಿದೆ. ಇದರಲ್ಲಿ ಹೆಚ್ಚಿನ ಮಟ್ಟದಲ್ಲಿ ನೀರಿನ ಅಂಶ ಮತ್ತು ಗರಿಗರಿಯಾದ ವಿನ್ಯಾಸ ಹೊಂದಿದೆ. ಸೌತೆಕಾಯಿಗಳನ್ನು ಸಲಾಡ್‌ಗಳ ರೀತಿ ಬಳಸುತ್ತಾರೆ. ಅಲ್ಲದೇ ಬೇಸಿಗೆಯಲ್ಲಿ ಆರೋಗ್ಯಕ್ಕೆ ಹೆಚ್ಚು ಸೂಕ್ತವಾಗಿದೆ.

ಟೊಮ್ಯಾಟೋ

ಇದು ಮೊನ್ನೆ ಮೊನ್ನೆ ಮಾರ್ಕೆಟ್​ನಲ್ಲಿ ಸಖತ್ ರೇಟ್​ ಕುದುರಿಸಿಕೊಂಡಿತ್ತು. ಈಗಲೂ ಕೆಲವೊಂದು ಕಡೆ ಕೆ.ಜಿಗೆ ಶತಕದಂಚಿನಲ್ಲಿದೆ. ಟೊಮ್ಯಾಟೋ ಕೂಡ ತರಕಾರಿಯಲ್ಲ. ಇದು ಹಣ್ಣಿನ ವರ್ಗಕ್ಕೆ ಸೇರುತ್ತದೆ. ಹೂವಿನ ಅಂಡಾಶಯದಲ್ಲಿ ಬೆಳೆಯುವ ಇದು ಬೀಜಗಳನ್ನು ಒಳ ಭಾಗದಲ್ಲಿಟ್ಟುಕೊಂಡಿರುತ್ತದೆ. ಅಡುಗೆಯಲ್ಲಿ ಹೆಚ್ಚಾಗಿ ಬಳಸುವ ಹಣ್ಣು ಟೊಮ್ಯಾಟೋ ಆಗಿದೆ ಎನ್ನಬಹುದು.

ಬದನೆ ಕಾಯಿ

ಬದನೆ ಕಾಯಿ ಸುವಾಸನೆ ಹೀರಿಕೊಳ್ಳುವ ಸಾಮರ್ಥ್ಯ ಹೊಂದಿದೆ. ಆಶ್ಚರ್ಯಕರ ವಿಷಯ ಎಂದರೆ ಬದನೆ ಕೂಡ ಒಂದು ಹಣ್ಣು ಆಗಿದೆ.

ಕ್ಯಾಪ್ಸಿಕಂ (Bell Pepper)

ಕ್ಯಾಪ್ಸಿಕಂ ದಪ್ಪ ಮೆಣಸಿನಕಾಯಿ ಎಂತಲೂ ಕರೆಯುತ್ತಾರೆ. ಇದು ಕೆಂಪು, ಹಸಿರು ಅಥವಾ ಹಳದಿ ಬಣ್ಣದಲ್ಲಿ ಕಾಣಬಹುದು. ಇದನ್ನು ಅಡುಗೆಯಲ್ಲೂ ಬಳಸಿದರೂ ಇದು ಹಣ್ಣಿನ ಕುಟುಂಬಕ್ಕೆ ಸೇರುತ್ತದೆ.

ಬೆಂಡೆಕಾಯಿ (Lady’s Finger)

ನೀವು ಆಶ್ಚರ್ಯ ಪಡಲೇಬೇಡಿ. ಏಕೆಂದರೆ ಬೆಂಡೆಕಾಯಿಯನ್ನು ನಾವು ತರಕಾರಿ ಎಂದುಕೊಂಡರು ಇದು ಕೂಡ ಹಣ್ಣು ಆಗಿದೆ. ನಮಗೆ ತಿಳಿಯದೇ ಅಡುಗೆಯಲ್ಲಿ ಬಳಕೆ ಮಾಡುತ್ತಿದ್ದೇವೆ.

ಅವಕಾಡೊ ಹಣ್ಣು (ಬಟರ್ ಫ್ರೂಟ್)

ಎಲ್ಲರಿಗೂ ಬಟರ್ ಫ್ರೂಟ್ ಅಥವಾ ಬೆಣ್ಣೆ ಹಣ್ಣು ಹೆಸರಿನಲ್ಲಿ ಇದು ಚಿರಪರಿಚಿತ. ರುಚಿಕರವಾದ, ಆವಕಾಡೊಗಳು ಹಣ್ಣುಗಳ ಜಾತಿಗೆ ಸೇರುತ್ತದೆ.

ಹಸಿರು ಬಟಾಣಿ

ಬಟಾಣಿ ಹೂವಿನಿಂದ ಅಭಿವೃದ್ಧಿ ಹೊಂದುತ್ತವೆ. ಇದು ಹಸಿರು ಬಣ್ಣದಿಂದ ಇರುವುದರಿಂದ ನಮ್ಮನ್ನು ಮೋಸಗೊಳಿಸುತ್ತದೆ. ಇದು ಹಣ್ಣು ಆಗಿದೆ.

ಕುಂಬಳಕಾಯಿ

ಅಗಾಧ ಗಾತ್ರ ಹೊಂದಿರುವ ಕುಂಬಳಕಾಯಿ ವಾಸ್ತವವಾಗಿ ಒಂದು ಹಣ್ಣು. ಇದು ಇತರ ಹಣ್ಣುಗಳಂತೆ ಬೀಜಗಳಿಂದ ತುಂಬಿರುತ್ತದೆ. ಇದು ಸ್ವಲ್ಪಮಟ್ಟದ ಸಿಹಿ ರುಚಿಯನ್ನು ಹೊಂದಿರುತ್ತದೆ. ಇದಲ್ಲದೇ ಕುಂಬಳಕಾಯಿಗಳು ಸಿಹಿ ಮತ್ತು ಖಾರದ ಭಕ್ಷ್ಯಗಳಲ್ಲಿ ಬಳಸುತ್ತಾರೆ.

ಆಲಿವ್‌ಗಳು

ಮೆಡಿಟರೇನಿಯನ್ ಪಾಕಪದ್ಧತಿಯಲ್ಲಿ ಆಲಿವ್‌ಗಳು ಪ್ರಧಾನ. ಇವುಗಳನ್ನು ಪಿಜ್ಜಾ ಮತ್ತು ಸಲಾಡ್‌ಗಳಲ್ಲಿ ಹೆಚ್ಚಾಗಿ ಕಾಣುತ್ತೇವೆ. ಆಲಿವ್ ಮರದ ಹಣ್ಣುಗಳಾಗಿವೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ