ತಂದೆ, ಮಗಳು ವಿದ್ಯುತ್ ಸ್ಪರ್ಶದಿಂದ ಸಾವು

ಹೊಲಕ್ಕೆ ನೀರು ಬಿಡಲು ಹೋದಾಗ ದುರ್ಘಟನೆ

ರಾಮಕೃಷ್ಣಾ ರೆಡ್ಡಿ (65), ನಿರ್ಮಲಾ (45) ಮೃತರು

ತುಮಕೂರು: ವಿದ್ಯುತ್ ಸ್ಪರ್ಶದಿಂದ ತಂದೆ, ಮಗಳು ಸಾವನ್ನಪ್ಪಿರೋ ದುರ್ಘಟನೆ ತುಮಕೂರಿನಲ್ಲಿ ನಡೆದಿದೆ. ಪಾವಗಡ ತಾಲೂಕಿನ ಬಸವನಹಳ್ಳಿ ಗ್ರಾಮದ ರೈತ ರಾಮಕೃಷ್ಣಾ ರೆಡ್ಡಿ (65), ಮಗಳು ನಿರ್ಮಲಾ (45) ಎಂಬುವರು ಮೃತ ದುರ್ದೈವಿಗಳು.

ರಾಮಕೃಷ್ಣಾ ರೆಡ್ಡಿ ತನ್ನ ಹೊಲಕ್ಕೆ ನೀರು ಬಿಡಲು ಹೋಗಿದ್ದ. ಈ ವೇಳೆ ವಿದ್ಯುತ್ ಸ್ಪರ್ಶದಿಂದ ರಾಮಕೃಷ್ಣಾ ರೆಡ್ಡಿ ಮೃತರಾಗಿದ್ದಾರೆ. ಎಷ್ಟೊತ್ತಾದರೂ ವಾಪಸ್​ ಬಂದಿಲ್ಲ ಎಂದು ಮಗಳು ತಂದೆಯನ್ನು ಹುಡುಕಿಕೊಂಡು ಹೊಲಕ್ಕೆ ಹೋಗಿದ್ದಾರೆ.

ಇನ್ನು, ತಂದೆಯನ್ನು ಹುಡುಕಿಕೊಂಡು ಹೋದ ಮಗಳು ವಿದ್ಯುತ್ ಸ್ಪರ್ಶದಿಂದ ಸಾವಿಗೀಡಾಗಿದ್ದಾರೆ. ಸದ್ಯ ಗ್ರಾಮಸ್ಥರು ತಂದೆ, ಮಗಳ ಮೃತ ದೇಹವನ್ನು ಮನೆಗೆ ಸಾಗಿಸಿದ್ದಾರೆ. ಕುಟುಂಬಸ್ಥರ ಆಕ್ರಂದನ ಮುಗಿಲು ಮುಟ್ಟಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ