ಸರ್ಕಾರದ ಗ್ಯಾರೆಂಟಿ ಯೋಜನೆಗೆ ಸಾರ್ವಜನಿಕರ ಆಗ್ರಹ ಏನು?

ಬಿಪಿಎಲ್​ ಕಾರ್ಡ್​ ಮಾಡಿಸೋಕೆ ಓಡಾಡ್ತಿದ್ದಾರೆ ಕ್ಯಾನ್ಸರ್​ ಪೇಶೆಂಟ್!

ರೇಷನ್​ ಕಾರ್ಡ್​ ಸಿಗದೇ ತುಂಬಾ ಸಮಸ್ಯೆಯಾಗುತ್ತಿದೆ ಎಂದು ಅಳಲು

ಬೆಂಗಳೂರು: ಸರ್ಕಾರದ ಗ್ಯಾರೆಂಟಿ ಯೋಜನೆಯ ಎಫೆಕ್ಟ್ ಬಡ ಜನರು, ರೋಗಿಗಳು ಪರದಾಡುವ ಪರಿಸ್ಥಿತಿ ಎದುರಾಗಿಬಿಟ್ಟಿದೆ. ಕಾಂಗ್ರೆಸ್​ ಸರ್ಕಾರ ಅಧಿಕಾರಕ್ಕೆ ಬಂದಾಗಿಂದ ಪಡಿತರ ಚೀಟಿಗೆ ಅರ್ಜಿ ಸಲ್ಲಿಸೋಕೆ ಜನರು ಮುಗಿ ಬಿದ್ದಿದ್ದಾರೆ. ಆದ್ರೆ ಪೋರ್ಟಲ್​ ಮಾತ್ರ ಇನ್ನೂ ಓಪನ್​ ಆಗಿಲ್ಲ. ಇದರಿಂದ ರೋಗಿಯೊಬ್ಬರು ಪರದಾಡ್ತಿರೋ ಎಲ್ಲರ ಹೃದಯ ಕಲುಕಿದೆ.

ಜಫ್ರುಲ್ಲಾ ಖಾನ್ ಎಂಬುವವರು ಪಾದರಾಯನಪುರ ನಿವಾಸಿ. ಕ್ಯಾನ್ಸರ್​ನಿಂದ ಬಳಲುತ್ತಿರೋ ಇವರು ಸುಮಾರು 2 ತಿಂಗಳಿನಿಂದ ಬಿಪಿಎಲ್​ ಕಾರ್ಡ್​ ಮಾಡಿಸೋಕೆ ಓಡಾಡ್ತಿದ್ದಾರೆ. ಆದರೆ ಓಡಾಡಿ ಓಡಾಡಿ ಮತ್ತಷ್ಟು ಆರೋಗ್ಯ ಹಾಳಾಗಿದ್ದು ಬಿಟ್ಟರೆ ಇವರಿಗೆ ಕನಿಷ್ಟ ಅರ್ಜಿ ಸಲ್ಲಿಸೋಕೂ ಆಗಿಲ್ಲ. ಬಿಪಿಎಲ್​ ಕಾರ್ಡ್​ ಇಲ್ಲದೇ ಆಸ್ಪತ್ರೆಗೆ ಲಕ್ಷ ಲಕ್ಷ ಕಟ್ಟಿ ಪರದಾಡುತ್ತಿದ್ದ ಜಫ್ರುಲ್ಲಾ ಖಾನ್ ಜೊತೆಗೆ ನಿಂತ ಇಮ್ರಾನ್​ ಪಾಷಾ ತಾವೇ ಖುದ್ದು ಆಹಾರ ಇಲಾಖೆ ಡಿಡಿಗೆ ಆದಷ್ಟು ಬೇಗ ಇವರಿಗೆ ಬಿಪಿಎಲ್​ ಕಾರ್ಡ್​ ಮಾಡಿಸಿಕೊಡಿ ಅಂತ ಮನವಿ ಸಲ್ಲಿಸಿದ್ದಾರೆ.

ಆದರೆ 4ನೇ ಹಂತದಲ್ಲಿರುವ ಕ್ಯಾನ್ಸರ್​ಗೆ ಚಿಕಿತ್ಸೆ ತ್ವರಿತವಾಗಿ ಸಿಗಲಿಲ್ಲ ಅಂದ್ರೆ ಅವರಿಗೆ ಯಾವಾಗ ಏನಾದ್ರು ಆಗಬಹುದು. ಹೀಗೆ ಸಾಕಷ್ಟು ಜನರಿಗೆ ರೇಷನ್​ ಕಾರ್ಡ್​ ಸಿಗದೇ ತುಂಬಾ ಸಮಸ್ಯೆಗಳಾಗುತ್ತಿದೆ. ಹೀಗಾಗಿ ಆಹಾರ ಇಲಾಖೆ ಆದಷ್ಟು ಬೇಗ ಪೋರ್ಟಲ್​ ಓಪನ್​ ಮಾಡಬೇಕು ಅಂತ ಇಮ್ರಾನ್​ ಪಾಷಾ ಮನವಿ ಮಾಡಿದ್ದಾರೆ.

ಕಾಂಗ್ರೆಸ್​ ಗ್ಯಾರೆಂಟಿಗಳನ್ನ ಪಡೆಯೋ ಉದ್ದೇಶ ಕೆಲವರದ್ದು. ಚಿಕಿತ್ಸೆ ಸೇರಿದಂತೆ ಬೇರೆ ಬೇರೆ ಸರ್ಕಾರಿ ಯೋಜನೆಗಳನ್ನು ಪಡೆಯೋ ಉದ್ದೇಶ ಮತ್ತೆ ಕೆಲವರದ್ದು. ಅದೇನೇ ಇದ್ರೂ ಸುಮಾರು ತಿಂಗಳಿನಿಂದ ಬಂದ್​ ಆಗಿರೋ ಪೋರ್ಟಲ್​ನ ಓಪನ್​ ಮಾಡಬೇಕಿದೆ. ಬಿಪಿಎಲ್ ಕಾರ್ಡ್ ಮಾಡಿಸಿ ಕೊಳ್ಳಲಾಗದೇ ಪರದಾಡುತ್ತಿರುವವರಿಗೆ ಸಹಾಯವಾಗಬೇಕು ಅನ್ನೋದು ಸಾರ್ವಜನಿಕರ ಆಗ್ರಹ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ