ಕ್ರಿಕೆಟ್ ಮೈದಾನದಲ್ಲಿ ನಿರೀಕ್ಷೆಗೂ ಮೀರಿದ ಘಟನೆ

ವಿಡಿಯೋ ನೋಡಲು ತುಂಬಾನೇ ಭಯಾನಕ

ಕೈಕೊಟ್ಟ ದುರಾದೃಷ್ಟ; ಕ್ರೀಸ್​​ನಲ್ಲಿದ್ದ ಬ್ಯಾಟ್ಸ್​ಮನ್ ಗಂಭೀರ

ಕ್ರಿಕೆಟ್ ಅನ್ನೋದು ಇವತ್ತಿನ ದಿನದಲ್ಲಿ ಯುವಕರಿಗೆ ದೊಡ್ಡ ಫ್ಯಾಷನ್ ಆಗಿದೆ. ಕ್ರಿಕೆಟ್ ಬದುಕಿನ ಭವಿಷ್ಯಕ್ಕಾಗಿ ಅದೆಷ್ಟೋ ಮಂದಿ ಕಾತುರದಿಂದ ತುಡಿಯುತ್ತಿದ್ದಾರೆ. ಅಮೆರಿಕ, ಸೌದಿ ಅರೆಬಿಯಾ, ಕೆನಡಾ ದೇಶದ ಕ್ರೀಡಾಪಟುಗಳು ಕ್ರಿಕೆಟ್​ ಬಗ್ಗೆ ಕನಸು ಕಾಣುತ್ತಿವೆ. ಸ್ಪರ್ಧೆಗಳು ಬಿಗಿಯಾಗಿರುವಾಗ, ಕೆಲವೊಮ್ಮೆ ಮೈದಾನಗಳಲ್ಲಿ ನಿರೀಕ್ಷೆಗಳಿಗೂ ಮೀರಿದ ಸಂಗತಿಗಳು ಗತಿಸಿ ಹೋಗುತ್ತವೆ.

ಅದರಂತೆ ಸೋಶಿಯಲ್ ಮೀಡಿಯಾದಲ್ಲಿ ಭಯಾನಕ ವಿಡಿಯೋ ಒಂದು ವೈರಲ್ ಆಗಿದೆ. ಆ ವಿಡಿಯೋದಲ್ಲಿ, ತಂಡವೊಂದರ ಇಬ್ಬರು ಆಟಗಾರರು ಬ್ಯಾಟ್ ಮಾಡುತ್ತಿರುತ್ತಾರೆ. ಎದುರಾಳಿ ತಂಡ ಬೌಲಿಂಗ್​ನಲ್ಲಿ ಬ್ಯುಸಿಯಾಗಿತ್ತು. ಈ ಸಂದರ್ಭದಲ್ಲಿ ಎದುರಾಳಿ ತಂಡದ ಬೌಲರ್ ಎದುರಿಸಿದ್ದ ಬ್ಯಾಟರ್​, ಬಾಲ್​​ಗೆ ಕನೆಕ್ಟ್ ಮಾಡಿ ರನ್ ಗಳಿಸುವ ಪ್ರಯತ್ನ ಮಾಡುತ್ತಾರೆ.

ದುರಾದೃಷ್ಟವಶಾತ್, ಬಾಲ್ ಫೀಲ್ಡರ್​ ಕೈಗೆ ಸಿಕ್ಕಿದ್ದರಿಂದ ಕ್ರೀಸ್​ನಲ್ಲಿದ್ದ ಬ್ಯಾಟರ್​ ಓಡಲು ಹಿಂದೇಟು ಹಾಕಿ ಅಲ್ಲಿಯೇ ನಿಂತಿರುತ್ತಾರೆ. ಆದರೆ ನಾನ್​​ಸ್ಟ್ರೈಕ್​​ನಲ್ಲಿದ್ದ ಬ್ಯಾಟ್ಸ್​​ಮನ್ ಓಡಿ ಬಂದಿದ್ದಾರೆ. ಪರಿಣಾಮ ನಾನ್​ಸ್ಟ್ರೈಕ್​​ನಲ್ಲಿದ್ದ ಬ್ಯಾಟ್ಸ್​​ಮನ್ ಔಟ್ ಆಗುತ್ತಾರೆ. ಇದರಿಂದ ಹತಾಶೆಗೊಂಡ ಬ್ಯಾಟರ್​ ಕೋಪಿಸಿಕೊಂಡು ಹೋಗುತ್ತಾರೆ. ಈ ಸಂದರ್ಭದಲ್ಲಿ ಮೈದಾನದಲ್ಲಿ ಬ್ಯಾಟ್ ಜೋರಾಗಿ ಎಸೆದು, ಸಿಟ್ಟನ್ನು ತೋರಿಸಿಕೊಳ್ಳಲು ಮುಂದಾಗಿದ್ದಾರೆ. ಆದರೆ, ಆ ಬ್ಯಾಟ್​ ಕೈಯಿಂದ ಜಾರಿ ತನ್ನ ಟೀಂ ಮೇಟ್ ಕುತ್ತಿಗೆಗೆ ಹೋಗಿ ಬಡಿದೆ. ಪರಿಣಾಮ ಕ್ರೀಸ್​ನಲ್ಲಿದ್ದ ಬ್ಯಾಟರ್​ ಮೈದಾನದಲ್ಲಿ ಕುಸಿದು ಬೀಳುತ್ತಾರೆ. ಮುಂದೆ ಏನಾಯ್ತು ಅನ್ನೋದ್ರ ಬಗ್ಗೆ ಯಾವುದೇ ಮಾಹಿತಿ ಇಲ್ಲ. ಆದರೆ ವಿಡಿಯೋ ಮಾತ್ರ ನೋಡಲು ತುಂಬಾ ಭಯವಾಗುತ್ತದೆ.

pic.twitter.com/tK8jtI92D5

— Movie And Cric (@MovieNCricEdits) August 25, 2023

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್