ಕಿಂಗ್​ ಕೊಹ್ಲಿಯನ್ನು ಹಾಡಿಹೊಗಳಿದ ಗೌತಮ್​ ಗಂಭೀರ್​​

ಕೊಹ್ಲಿಗಿಂತಲೂ ಬೆಸ್ಟ್​ ಫಿನಿಶರ್​ ಯಾರು ಇಲ್ಲ ಅಂದ್ರು..!

ನ್ಯೂಜಿಲೆಂಡ್​ ವಿರುದ್ಧ ಭಾರತವನ್ನು ಗೆಲ್ಲಿಸಿದ್ದ ಕೊಹ್ಲಿ

ಇತ್ತೀಚೆಗೆ ಧರ್ಮಶಾಲಾ ಇಂಟರ್​ ನ್ಯಾಷನಲ್​​ ಕ್ರಿಕೆಟ್​ ಸ್ಟೇಡಿಯಮ್​​ನಲ್ಲಿ ನಡೆದ ನ್ಯೂಜಿಲೆಂಡ್​​ ವಿರುದ್ಧದ ಐಸಿಸಿ ಏಕದಿನ ವಿಶ್ವಕಪ್​​ ಪಂದ್ಯದಲ್ಲಿ ಟೀಂ ಇಂಡಿಯಾ ಗೆದ್ದು ಬೀಗಿದೆ. ಈ ಮೂಲಕ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನ ಪಡೆದುಕೊಂಡಿದೆ. ಇದಕ್ಕೆ ಕಾರಣ ಕೊಹ್ಲಿ ಮ್ಯಾಚ್​​ ವಿನ್ನಿಂಗ್​​​ ಪರ್ಫಾಮೆನ್ಸ್​​.

ಇನ್ನು, ಮ್ಯಾಚ್​ ವಿನ್ನಿಂಗ್​ ಪ್ರದರ್ಶನ ಕೊಟ್ಟ ಕೊಹ್ಲಿಯನ್ನು ಭಾರತದ ಮಾಜಿ ಕ್ರಿಕೆಟಿಗ ಗೌತಮ್ ಗಂಭೀರ್ ಕೊಂಡಾಡಿದ್ದಾರೆ. ಜತೆಗೆ ಕೊಹ್ಲಿಗಿಂತ ಉತ್ತಮ ಫಿನಿಶರ್ ಇರಲು ಸಾಧ್ಯವಿಲ್ಲ ಎಂದಿದ್ದಾರೆ.

ಈ ಸಂಬಂಧ ಮಾತಾಡಿದ ಗೌತಮ್​ ಗಂಭೀರ್​​, ಕೊಹ್ಲಿ 104 ಎಸೆತಗಳಲ್ಲಿ 8 ಬೌಂಡರಿ, 2 ಸಿಕ್ಸರ್ ಮೂಲಕ 95 ರನ್ ಸಿಡಿಸಿದ್ದಾರೆ. ಇನ್ನೂ 2 ಓವರ್‌ಗಳು ಬಾಕಿ ಇರುವಂತೆ 4 ವಿಕೆಟ್‌ಗಳ ಗೆಲುವು ದಾಖಲಿಸಲು ಸಹಾಯ ಮಾಡಿದ್ದಾರೆ. ಫಿನಿಶರ್ ಟ್ಯಾಗ್ ಲೈನ್​​ 5-7 ಕ್ರಮಾಂಕದ ಬ್ಯಾಟರ್ಸ್​ಗೆ ಮಾತ್ರ ಏಕೆ ನೀಡಿದ್ರು ಎಂದು ಗೊತ್ತಾಗಲಿಲ್ಲ ಎಂದು ಹೇಳಿದರು.

ಟಾಪ್​ ಆರ್ಡರ್​ ಬ್ಯಾಟ್ಸ್​ಮನ್​ ಕೂಡ ಫಿನಿಶರ್​ ಆಗಬಹುದು ಎಂಬುದಕ್ಕೆ ಕೊಹ್ಲಿ ಸಾಕ್ಷಿ. ಪ್ಲೇಯಿಂಗ್​​ ಎಲೆವೆನ್​​ನಲ್ಲಿ ಇರೋ ಯಾರು ಬೇಕಾದ್ರೂ ತಂಡದ ಫಿನಿಶರ್​​ ರೋಲ್​ ನಿಭಾಯಿಸಬಹುದು. ಕೊಹ್ಲಿಗಿಂತ ಯಾರು ಬೆಸ್ಟ್​ ಫಿನಿಶರ್​ ಇರೋಕೆ ಸಾಧ್ಯವಿಲ್ಲ, ಇದಕ್ಕೆ ಬೆಸ್ಟ್​ ಎಕ್ಸಾಂಪಲ್​​ ಈ ಮ್ಯಾಚ್​ ಎಂದರು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ