ಎರಡೇ ವಾರಕ್ಕೆ ತಮ್ಮ ಆಟವನ್ನು ಮುಗಿಸಿದ ಸ್ಪರ್ಧಿ ಇವರು!

ಬಿಗ್​ಬಾಸ್​ ಸೀಸನ್ 10ಕ್ಕೆ ಗ್ರ್ಯಾಂಡ್​ ಆಗಿ ಎಂಟ್ರಿ ಕೊಟ್ಟಿದ್ದರು

ಬಿಗ್​ಬಾಸ್​ ಮನೆಯಿಂದ ಪತ್ರಕರ್ತ ಗೌರೀಶ್‌ ಅಕ್ಕಿ ಹೊರಗೆ

ಬಿಗ್​ಬಾಸ್​ ಸೀಸನ್ 10 ಶುರುವಾಗಿ ಎರಡು ವಾರ ಕಳೆದಿದೆ. ಎರಡನೇ ವಾರದಲ್ಲಿ ಬಿಗ್​ಬಾಸ್​ ಮನೆಯಿಂದ ಯಾವ ಸ್ಪರ್ಧಿ ಹೊರಗಡೆ ಹೋಗುತ್ತಾರೆ ಎಂಬ ಚರ್ಚೆ ಶುರುವಾಗಿತ್ತು. ಇದೀಗ ಈ ಚರ್ಚೆಗೆ ಬ್ರೇಕ್​ ಬಿದ್ದಿದೆ. ಇಂದು ಪತ್ರಕರ್ತ ಗೌರೀಶ್‌ ಅಕ್ಕಿ ಬಿಗ್ ಬಾಸ್ ಮನೆಯಿಂದ ಹೊರ ಬಂದಿದ್ದಾರೆ.

ಇದನ್ನು ಓದಿ: Bigg Boss Kannada 2023: ದೊಡ್ಮನೆಯಿಂದ ಹೊರ ಹೋದ ಮೊದಲ ವ್ಯಕ್ತಿ ಇವರು! ನಿಜಕ್ಕೂ ಬೇಸರದ ಸುದ್ದಿ

ಇನ್ನೂ ಬಿಗ್​ಬಾಸ್​ನಲ್ಲಿ ಉಳಿದ 15 ಸ್ಪರ್ಧಿಗಳು ಎರಡು ವಾರ ಪೂರೈಸಿ ಮೂರನೇ ವಾರಕ್ಕೆ ಕಾಲಿಡುತ್ತಿದ್ದಾರೆ. ಮೊದಲ ವಾರ ಬಿಗ್​ಬಾಸ್ ಮನೆಯಿಂದ ಮೈಸೂರಿನ ಸ್ನೇಕ್ ಶ್ಯಾಮ್ ಅವರು ಹೊರಬಿದ್ದಿದ್ದರು. ಈಗ ಎರಡನೇ ವಾರ ಗೌರೀಶ್‌ ಅಕ್ಕಿ ಬಿಗ್​ಬಾಸ್​ ಮನೆಯಿಂದ ಔಟ್ ಆಗಿದ್ದಾರೆ. ಇತ್ತ ಸಾಮಾಜಿಕ ಜಾಲತಾಣದಲ್ಲಿ ಬಿಗ್​ಬಾಸ್​ ಶುರುವಾದ ಎರಡನೇ ವಾರಕ್ಕೆ ನಟಿ ಭಾಗ್ಯಶ್ರೀ ಅವರು ಆಚೆ ಬರುತ್ತಾರೆ ಎಂಬ ಸುದ್ದಿ ಹರಿದಾಡುತ್ತಿತ್ತು. ವೇದಿಕೆ ಮೇಲೆ ಕಿಚ್ಚ ಸುದೀಪ್​ ಅವರು ಬಿಗ್​ಬಾಸ್​ ಮನೆಯಿಂದ ಆಚೆ ಬರುವ ಸ್ಪರ್ಧಿಯ ಹೆಸರನ್ನು ಹೇಳಿ ಆ ಗೊಂದಲಕ್ಕೆ ತೆರೆ ಎಳೆದಿದ್ದಾರೆ.

ಬಿಗ್​ಬಾಸ್​ ಮನೆಯಿಂದ ಹೊರ ಬಂದ ಬಳಿಕ ಕಿಚ್ಚ ಸುದೀಪ್​​ ಬಳಿ ಮನಬಿಚ್ಚಿ ಮಾತಾಡಿದ್ದಾರೆ. ಇನ್ನು, ಬಿಗ್​ಬಾಸ್​​ ಸೀಸನ್​​​​ 10 ಟಾಪ್​​ 3 ಸ್ಪರ್ಧಿಗಳು ಯಾರು ಇರುತ್ತಾರೆ ಎಂದು ಹೇಳಿದ್ದಾರೆ. ಸ್ನೇಹಿತ್​​, ನಮ್ರತಾ ಹಾಗೂ ವಿನಯ್​ ಈ ಮೂವರು ಟಾಪ್​​ 3ಯಲ್ಲಿ ಇರುತ್ತಾರೆ ಎಂದು ಹೇಳಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ