ನಮ್ಮ ಮೆಟ್ರೋ ನಿಗಮದಿಂದ ಗ್ರಾಹಕರ ತೃಪ್ತಿ ಸಮೀಕ್ಷೆ!

ನಮ್ಮ ಮೆಟ್ರೋ ನೀಡುತ್ತಿರೋ ಸುವರ್ಣಾವಕಾಶ ಇದು

ಪ್ರಯಾಣಿಕರ ಅಭಿಪ್ರಾಯ ತಿಳಿದುಕೊಳ್ಳಲು ಮುಂದಾದ BMRCL

ಬೆಂಗಳೂರು: ಡಿಯರ್‌ ಪ್ಯಾಸೆಂಜರ್ಸ್‌.. ನಿಮ್ಮ ಮೆಟ್ರೋನ ಮತ್ತಷ್ಟು ಪ್ರಯಾಣಿಕ ಸ್ನೇಹಿ ಮಾಡಿಕೊಳ್ಳಲು ನಿಮಗಿದೆ ಗೋಲ್ಡನ್‌ ಆಪರ್ಚುನಿಟಿ.. ನಮ್ಮ ಪ್ರಶ್ನೆಗಳಿಗೆ ಉತ್ತರಿಸಿ.. ನಿಮ್ಮ ಮೆಟ್ರೋ ಸಂಚಾರ ಮತ್ತಷ್ಟು ಸುಗಮಗೊಳಿಸಿ.. ಹೀಗೊಂದು ಅನೌನ್ಸ್​​ ಮಾಡಲು ಬಿಎಂಆರ್​ಸಿಎಲ್ ಮುಂದಾಗಿದೆ.

ಯೆಸ್‌.. ಇದು ನಿಮ್ಮ ಮೆಟ್ರೋ ನಿಮಗೆ ಕೊಡ್ತಿರೋ ಸುವರ್ಣಾವಕಾಶ.. ಪ್ರತಿನಿತ್ಯ ಆಫೀಸು, ಕಾಲೇಜು ಅಂತ ಮೆಟ್ರೋ ಏರಿ ಹೊರಡುವ ನಿಮ್ಮ ಅಭಿಪ್ರಾಯ ತಿಳಿದುಕೊಳ್ಳೋಕೆ ಬಿಎಂಆರ್​ಸಿಎಲ್ ಮುಂದಾಗಿದೆ.. ಪ್ರಯಾಣಿಕರಿಗೆ ಟಾಸ್ಕ್​ ಕೊಟ್ಟು ಮೆಟ್ರೋ ಸೇವೆ ಬಗ್ಗೆ ಅವರಿಗೆಷ್ಟು ತೃಪ್ತಿ ಇದೆ ಅಂತ ತಿಳಿದುಕೊಳ್ಳೋಕೆ ಪ್ಲಾನ್​ ಮಾಡಿದೆ.

ಹೌದು, ಜನರಿಂದಲೇ ಬದಲಾವಣೆ ಬಯಸ್ತಿರೋ ಬಿಎಂಆರ್​​ಸಿಎಲ್​ 17 ಪ್ರಶ್ನೆಗಳನ್ನ ಹೊತ್ತು ತಂದಿದೆ. ಜನರು ಉತ್ತರ ಆಧರಿಸಿ ಬದಲಾವಣೆ ಮಾಡೋಕೆ ಚಿಂತನೆ ನಡೆಸಿದೆ. ಹೀಗಾಗಿ ಆನ್​ ಲೈನ್​ನಲ್ಲಿ ‘ಕಸ್ಟಮರ್​ ಸ್ಯಾಟಿಸ್​ಫ್ಯಾಕ್ಷನ್​​ ಸರ್ವೇ’ ಲಿಂಕ್​​ ಮೂಲಕ ‘ಗ್ರಾಹಕ ತೃಪ್ತಿ ಸಮೀಕ್ಷೆ’ ಶುರು ಮಾಡಿದೆ. ಜುಲೈ 15ರವರೆಗೆ ಈ ಸರ್ವೆ ನಡೆಯಲಿದ್ದು, ಮೆಟ್ರೋದ ಪ್ರಯಾಣ, ನಿಲ್ದಾಣದ ಭದ್ರತೆ, ಪ್ರಯಾಣಿಕರ ಸೌಲಭ್ಯ, ಸೇರಿ ಹಲವು ವಿಚಾರಗಳಲ್ಲಿ ಸಲಹೆ, ಅಭಿಪ್ರಾಯ ಪಡೆಯಲು ಈ ಸಮೀಕ್ಷೆ ನಡೆಸಲಾಗ್ತಿದೆ ಅಂತ ಬಿಎಂಆರ್​ಸಿಎಲ್​ ಅಧಿಕಾರಿಗಳು ತಿಳಿಸಿದ್ದಾರೆ.

ಗ್ರಾಹಕರು ಸಲಹೆ ನಿಡೋದು ಹೇಗೆ ?

ನಮ್ಮ ಮೆಟ್ರೋ ನಿಗಮದ ಗ್ರಾಹಕ ತೃಪ್ತಿ ಸಮೀಕ್ಷೆಯಲ್ಲಿ ಪಾಲ್ಗೊಳ್ಳಲು ಪ್ರಯಾಣಿಕರು ಮೊದಲಿಗೆ https://kannada.bmrc.co.in/#/ ವೆಬ್​​ಸೈಟ್​​ಗೆ ಭೇಟಿ ನೀಡಿ. ಬಳಿಕ ಅಧಿಕೃತ ವೆಬ್​​​ಸೈಟ್​​​ನಲ್ಲಿ ‘ಕಸ್ಟಮರ್ ಸ್ಯಾಟಿಸ್​​ಫ್ಯಾಕ್ಷನ್ ಸರ್ವೇ ಲಿಂಕ್​ ನೀಡಲಾಗಿದೆ. ಅದ್ರಂತೆ BMRCL ಟ್ವಿಟರ್ ಹ್ಯಾಂಡಲ್​​ನಲ್ಲೂ ಈ​ ಲಿಂಕ್​ ಇರಲಿದೆ. ಹೀಗಾಗಿ ಪ್ರಯಾಣಿಕರು ತಮ್ಮ ಇ-ಮೇಲ್​​ ಐಡಿ ಮೂಲಕ ಗೂಗಲ್​ ಫಾರ್ಮ್​​ಗೆ ಹೋಗಿ ಸಮೀಕ್ಷೆಯಲ್ಲಿ ಪಾಲ್ಗೊಳ್ಳಲು ಅವಕಾಶವಿದೆ. ಇದಿಷ್ಟೇ ಅಲ್ಲದೆ ಆನ್​ಲೈನ್​ ಸಮೀಕ್ಷೆಯಲ್ಲಿ ನೀಡಲಾಗಿರೋ 17 ಪ್ರಶ್ನೆಗಳಿಗೆ ಪ್ರಯಾಣಿಕರು ಉತ್ತರಿಸಿ, ಬಳಿಕ ಕೊಟ್ಟಿರೋ ಪ್ರಶ್ನೆಗಳಿಗೆ 5 ಸ್ಟಾರ್ ರೇಟಿಂಗ್ ಕೊಡಬಹುದಾಗಿದೆ.

ಮೊದಲ ಮೈಲ್​, ಕೊನೆಯ ನಿಲ್ದಾಣಗಳ ಸಂಪರ್ಕದ ವ್ಯವಸ್ಥೆ ಜನರು ಬಳಸುವ ಮೆಟ್ರೋ ಸಂಚಾರದ ಉದ್ದೇಶ, ಪುರುಷ, ಮಹಿಳೆಯರು ಯಾವ ಮಯೋಮಾನದವರು ಹೆಚ್ಚಾಗಿ ಸಂಚರಿಸುತ್ತಿದ್ದಾರೆ ಎಂಬ ಬಗೆಗಿನ ಪ್ರಶ್ನೆಗಳಿವೆ. ಹಾಗೆಯೇ ಈಗಿನ ಮೆಟ್ರೋ ವ್ಯವಸ್ಥೆ ಸೇವೆ, ಸಮಯ ಪಾಲನೆ, ನಿಲ್ದಾಣಗಳ ನಿರ್ವಹಣೆ, ಮೊದಲ ಮೈಲ್​ ಹಾಗೂ ಕೊನೆಯ ನಿಲ್ದಾಣಗಳ ಸಂಪರ್ಕದ ವ್ಯವಸ್ಥೆ ಹೇಗಿದೆ ಅನ್ನೋ ಬಗ್ಗೆ ಪ್ರತಿಕ್ರಿಯೆ ನೀಡಲು 5 ರೇಟಿಂಗ್​ ಕೊಡಬಹುದಾಗಿದೆ. ಈ ಹಿಂದೆಯೂ ಕೋವಿಡ್ ಸಂದರ್ಭದಲ್ಲಿ ಬಿಎಂಆರ್​ಸಿಎಲ್ ಗ್ರಾಹರ ತೃಪ್ತಿ ಬಗ್ಗೆ ಸಮೀಕ್ಷೆ ನಡೆಸಿದ್ದು, ಸಮರ್ಪಕ ಉತ್ತರ ಸಿಗದ ಕಾರಣ ಸದ್ಯ ಮತ್ತೊಮ್ಮೆ ಸಮೀಕ್ಷೆಗೆ ಮುಂದಾಗಿದೆ. ಆದ್ರೆ ಇದು ಎಷ್ಟರ ಮಟ್ಟಿಗೆ ಸಕ್ಸಸ್​​ ಆಗುತ್ತೆ ಕಾದು ನೋಡಬೇಕು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ