ಶಶಾಂಕ್​ ಸಿಂಗ್​ ಅರ್ಧಶತಕದಾಟಕ್ಕೆ ಪಂಜಾಬ್​ ಫುಲ್​ ಖುಷ್​

ಗುಜರಾತ್​ ವಿರುದ್ಧ ಮೂರು ವಿಕೆಟ್​ಗಳ ಜಯ ಪಡೆದ ಪಂಜಾಬ್​

ಶುಭ್ಮನ್​ ಗಿಲ್​ ಸವಾಲನ್ನು ಉಡೀಸ್​ ಮಾಡಿದ ಶಶಾಂಕ್​ ಸಿಂಗ್​

ಗುಜರಾತ್​ ನೀಡಿದ 199 ರನ್​ಗಳ ಟಾರ್ಗೆಟ್​ ಅನ್ನು ಪಂಜಾಬ್​ ತಂಡ ಉಡೀಸ್​ ಮಾಡಿದೆ. ಬ್ಯಾಟ್ಸ್​ಮನ್​ ಶಶಾಂಕ್​ ಸಿಂಗ್​ ಇಂದು ತಂಡವನ್ನು ಗೆಲುವಿನ ಗೆರೆ ದಾಟಿಸಿಬಿಟ್ಟಿದ್ದಾರೆ. ಆ ಮೂಲಕ ಅಭಿಮಾನಿಗಳ ಕಣ್ಣಿಗೆ ಪಂಜಾಬ್​ ಹೀರೋ ಎಂದೆನಿಸಿಕೊಂಡಿದ್ದಾರೆ.

ಶುಭ್ಮನ್​ ನಾಯಕತ್ವದ ಗುಜರಾತ್​ ತಂಡ ನೀಡಿದ 199 ರನ್​ಗಳ ಬೆನ್ನು ಹತ್ತಿದ ಪಂಜಾಬ್​ ತಂಡ ಆರಂಭದಲ್ಲಿ ಎಡವಿತು. ನಾಯಕ ಶಿಖರ್​​ ಧವನ್​ 2ನೇ ಎಸೆತಕ್ಕೆ ಔಟ್​ ಆಗುವ ಮೂಲಕ ತಂಡಕ್ಕೆ ನಿರಾಸೆ ಮೂಡಿಸಿದರು. ನಾಯಕನ ಜೊತೆಯಾಟಗಾರ ಜಾನಿ ಬೈರ್​ಸ್ಟೋವ್​ ಮೇಲೆ ನಂಬಿಕೆ ಇತ್ತಾದರು 13 ಎಸೆತಕ್ಕೆ 22 ರನ್​ ಬಾರಿಸಿ ವಿಕೆಟ್​ ಒಪ್ಪಿಸಿದರು.

ನಂತರ ಬಂದ ಪ್ರಭುಸಿಮ್​ರಾನ್​ ಸಿಂಗ್​ 24 ಎಸೆತಕ್ಕೆ 5 ಬೌಂಡರಿ 1 ಸಿಕ್ಸ್​ ಸಿಡಿಸುವ ಮೂಲಕ 35 ರನ್​ಗೆ ಔಟ್​ ಆದರು. ನೂರ್​ ಅಹ್ಮದ್​ ಎಸೆತಕ್ಕೆ ಕ್ಯಾಚ್​ ನೀಡಿ ಪೆವಿಲಿಯನತ್ತ ನಡೆದರು. ಬಳಿಕ ಬಂದ ಸ್ಯಾಮ್​ ಕರ್ರಾನ್​ 5 ರನ್​, ಸಿಖಂದರ್​ 15 ರನ್​ ಬಾರಿಸಿ ಔಟ್​ ಆಗಿದರು.

ಇನ್ನು ಶಶಾಂತ್​ ಸಿಂಗ್​ ತಂಡವನ್ನು ಗೆಲುವಿನ ಲಯಕ್ಕೆ ಕೊಂಡೊಯ್ಯಲು ಪ್ರಮುಖ ಕಾರಣರಾದರು. ಅರ್ಧ ಶತಕ ಬಾರಿಸುವ ಮೂಲಕ ಗಮನ ಸೆಳೆದರು. ಶಶಾಂತ್​ 29 ಎಸೆತಕ್ಕೆ 6 ಫೋರ್​ 4 ಸಿಕ್ಸ್​ ಸಿಡಿಸುವ ಮೂಲಕ 61 ರನ್​ ಬಾರಿಸಿದರು. ಜಿತೇಶ್​ ಶರ್ಮಾ 8 ಎಸೆತಕ್ಕೆ 2 ಸಿಕ್ಸ್ ಬಾರಿಸುವ ಮೂಲಕ 16 ರನ್​ ನೀಡಿ ಔಟಾದರು.

ಅಶುತೋಶ್​ ಶರ್ಮಾ 17 ಎಸೆತಕ್ಕೆ 31 ರನ್​ ಬಾರಿಸಿ ಪೆವಿಲಿಯನತ್ತ ಸಾಗಿದರು. ನಂತರ ಬಂದ ಹರ್ಪ್ರೀತ್​ 2 ಎಸೆತಕ್ಕೆ ಒಂದು ರನ್​ ಬಾರಿಸುವ ಮೂಲಕ ಶಶಾಂತ್​ ಸಿಂಗ್​ ಜೊತೆಗೆ ಗೆಲುವಿನ ಕೇಕೆ ಹಾಕಿದರು.

ಇನ್ನು ಗುಜರಾತ್​ ಬೌಲಿಗರಾದ ನೂರ್​ ಅಹ್ಮದ್​ 2 ವಿಕೆಟ್​ ಕಿತ್ತರೆ, ಅಜ್ಮತುಲ್ಲ ಒಮರ್ಜೈ, ಉಮೇಶ್​​ ಯಾದವ್​, ಮೋಹಿತ್​​ ಶರ್ಮಾ 1 ವಿಕೆಟ್​ ​ ಪಡೆದಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ