ಅನಾಥರಿಗೆ ಅನ್ನ ಹಾಕಿ ವಾಪಸ್​ ಹೋಗುತ್ತಿದ್ದಾಗ ಅಪಘಾತ

ನಿರಾಶ್ರಿತರ ಸೇವಾಶ್ರಮದಲ್ಲಿದ್ದವರ ಯೋಗ ಕ್ಷೇಮ ವಿಚಾರಿಸಿದ ನಟ

ನಾನು ನಟನ ಭೇಟಿಯಾದಾಗ ಅವರಿಗೆ ಪ್ರಜ್ಞೆ ಇರಲಿಲ್ಲ ಆದರೆ..!

ಕನ್ನಡ ಕಿರುತೆರೆ ನಟ ಕಿರಣ್ ರಾಜ್​ ಪ್ರಯಾಣಿಸುತ್ತಿದ್ದ ಕಾರು ನಿನ್ನೆ ರಾತ್ರಿ ಅಪಘಾತಕ್ಕೀಡಾಗಿದೆ. ಇದಕ್ಕೂ ಮುನ್ನ ಅನಾಥರಿಗೆ ಅನ್ನ ಹಾಕಿ ವಾಪಸ್​ ಹೋಗುತ್ತಿದ್ದಾಗ ಮುದ್ದೇನಾಪಾಳ್ಯದಲ್ಲಿ ಅಪಘಾತ ಸಂಭವಿಸಿದೆ. ಶ್ರೀ ಸಿದ್ದೇಶ್ವರ ನಿರಾಶ್ರಿತರ ಸೇವಾಶ್ರಮಕ್ಕೆ ನಿನ್ನೆ ಭೇಟಿ ಕೊಟ್ಟಿದ್ದರು.

ಇದನ್ನೂ ಓದಿ: BREAKING: ಕನ್ನಡತಿ ಸೀರಿಯಲ್​ ನಟ ಕಿರಣ್​ ರಾಜ್​ಗೆ ಅಪಘಾತ

ಈ ವೇಳೆ ಭೇಟಿ ಕೊಟ್ಟು, ಊಟ ಬಡಿಸಿ, ಚೇರ್ ವ್ಯವಸ್ಥೆ ಮಾಡಿಸುತ್ತೇನೆ ಅಂತ ಭರವಸೆ ನೀಡಿದ್ದರು. ಜೊತೆಗೆ ನಿರಾಶ್ರಿತರ ಸೇವಾಶ್ರಮದಲ್ಲಿ ಇದ್ದವರ ಯೋಗ ಕ್ಷೇಮ ವಿಚಾರಿಸಿದ್ದರಂತೆ. ನಾಳೆ ರಿಲೀಸ್ ಆಗುತ್ತಿದ್ದ ಸಿನಿಮಾದ ಬಗ್ಗೆಯೂ ಮಾತಾಡಿದ್ದರು. ಇದೇ ವಿಚಾರದ ಬಗ್ಗೆ ನ್ಯೂಸ್​ ಫಸ್ಟ್​ನೊಂದಿಗೆ ಮಾತನಾಡಿದ ರಾನಿ ಸಿನಿಮಾ ನಿರ್ದೇಶಕ ಗುರುತೇಜ್ ಶೆಟ್ಟಿ, ನಾಳೆ ಸಿನಿಮಾ ರಿಲೀಸ್​ ಆಗುವ ಸಲುವಾಗಿ ಸಿಕ್ಕಾಪಟ್ಟೆ ಬ್ಯುಸಿಯಾಗಿದ್ವಿ. ಈ ವೇಳೆ ಶ್ರೀ ಸಿದ್ದೇಶ್ವರ ನಿರಾಶ್ರಿತರ ಸೇವಾಶ್ರಮಕ್ಕೆ ಊಟ ಕೊಡಲು ಹೋಗಿದ್ದರು. ಇದೇ ವೇಳೆ ದಾರಿ ಮಧ್ಯೆ ಮುಂಗುಸಿ ಬಂದಿದೆ. ಹೀಗಾಗಿ ನಿಯಂತ್ರಣ ತಪ್ಪಿ ಮರಕ್ಕೆ ಡಿಕ್ಕಿ ಹೊಡೆದಿದೆ.

ಇದೇ ವೇಳೆ ಕಿರಣ್​ ರಾಜ್​ ಅವರು ಹಿಂದೆ ಕುಳಿತುಕೊಂಡು ವಿಡಿಯೋ ಎಡಿಟಿಂಗ್ ಮಾಡ್ತಿದ್ದರು. ಅಪಘಾತದವಾಗುತ್ತಿದ್ದಂತೆ ಅವರಿಗೆ ಜೋರಾಗಿ ಪೆಟ್ಟು ಬಿದ್ದಿದೆ. ಸದ್ಯ ಅವರು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದುಕೊಳ್ಳುತ್ತಿದ್ದಾರೆ. ನಾನು ನೋಡಿದಾಗ ಅವರಿಗೆ ಪ್ರಜ್ಞೆ ಇರಲಿಲ್ಲ. ಅಭಿಮಾನಿಗಳು ಆತಂಕ ಪಡಬೇಡಿ ಅಂತ ಹೇಳಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ