ಇನ್ನು ನಿಲ್ಲದ ಹಮಾಸ್-ಇಸ್ರೇಲ್​ ನಡುವಿನ ಯುದ್ಧದ ಭೀತಿ

ಯುದ್ಧದಿಂದ ದಿನಲೂ ಸಾವನ್ನಪ್ಪುತ್ತಿದ್ದಾರೆ ಸಾಮಾನ್ಯ ಜನರು

ಏರ್​ಸ್ಟ್ರೈಕ್​​ಗೆ ಪ್ರತೀಕಾರ ಇದು ಎಂದು ಒತ್ತೆಯಾಳುಗಳ ಕೊಲೆ

ಇಸ್ರೇಲ್​ ಮತ್ತು ಹಮಾಸ್​ ಯುದ್ಧ ನಿಲ್ಲುವಂತೆ ಕಾಣುತ್ತಿಲ್ಲ. 7 ಸಾವಿರಕ್ಕೂ ಅಧಿಕ ಅಮಾಯಕರು ಸಾವನ್ನಪ್ಪಿದರು 2 ದೇಶಗಳ ನಡುವಿನ ವೈರತ್ವ ಇನ್ನಷ್ಟು ಹೆಚ್ಚುತ್ತಲಿದೆ. ಅದರಂತೆ ಹಮಾಸ್​ ಭಯೋತ್ಪಾದಕರ ಭೀಬತ್ಸ್ಯ ಕೃತ್ಯವೊಂದು ಮುನ್ನೆಲೆಗೆ ಬಂದಿದ್ದು, ಸುಮಾರು 50 ಇಸ್ರೇಲ್​ನ ಒತ್ತೆಯಾಳುಗಳನ್ನು ಅಮಾನುಷವಾಗಿ ಕೊಲೆ ಮಾಡಲಾಗಿದೆ ಎಂದು ಹೇಳಿದ್ದಾರೆ ಎಂದು ತಿಳಿದು ಬಂದಿದೆ.

ನಿರಂತರವಾಗಿ ಗಾಜಾಸ್ಟ್ರಿಪ್​ ಮೇಲೆ ಇಸ್ರೇಲ್​ ಏರ್​ಸ್ಟ್ರೈಕ್​​ ಮಾಡುತ್ತಿರುವ ಕಾರಣ ನಾವು 50 ಒತ್ತೆಯಾಳು ಇಸ್ರೇಲಿಗರನ್ನು ಕೊಲೆ ಮಾಡಿದ್ದೇವೆ ಎಂದು ಹಮಾಸ್ ಭಯೋತ್ಪಾದಕರು ಹೇಳಿದ್ದಾರೆ ಎನ್ನಲಾಗಿದೆ. ಹಮಾಸ್ ಭಯೋತ್ಪಾದಕರ ನಿಯಂತ್ರದಲ್ಲಿರುವ ಯುದ್ಧದ ಟ್ಯಾಂಕರ್, ಸ್ಫೋಟಕ ವಸ್ತುಗಳು, ದಳಗಳು ಇರುವ ಗಾಜಾದ ಪ್ರದೇಶದ ಮೇಲೆ ಇಸ್ರೇಲ್​ ಬಾಂಬ್ ಹಾಕಿ ನಾಶ ಮಾಡಿದೆ. ಇದಕ್ಕೆ ಪ್ರತೀಕಾರವಾಗಿ ಹಮಾಸ್ ಉಗ್ರರು 50 ಇಸ್ರೇಲಿಗರನ್ನು ಬಲಿ ಪಡೆದಿದ್ದಾರೆ ಎಂದು ಎನ್ನಲಾಗಿದೆ.

ಇಲ್ಲಿವರೆಗೆ ಇಸ್ರೇಲ್​ನ ಏರ್​ಸ್ಟ್ರೈಕ್​ನಿಂದ ಗಾಜಾದಲ್ಲಿ ಸುಮಾರು 7,028 ಜನ ಸಾವನ್ನಪ್ಪಿದ್ದಾರೆ ಎಂದು ಹಮಾಸ್​ನ ಆರೋಗ್ಯ ಇಲಾಖೆ ಅಧಿಕಾರಿಗಳು ಹೇಳಿದ್ದಾರೆ. ಇನ್ನು ಹಮಾಸ್ ಇಸ್ರೇಲ್​ಗೆ ನುಗ್ಗಿ ದಾಳಿ ಮಾಡಲು ಪ್ರಾರಂಭದಿಂದ ಇಲ್ಲಿವರೆಗೆ 1,400 ಇಸ್ರೇಲಿಗರು ಮೃತಪಟ್ಟಿದ್ದಾರೆ ಎಂದು ಹೇಳಲಾಗ್ತಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ