17ನೇ ದಿನದತ್ತ ಕಾಲಿಡುತ್ತಿದೆ ಇಸ್ರೇಲ್​​-ಪ್ಯಾಲೆಸ್ತೀನ್​ ಯುದ್ಧ

ಸಾವಿರಾರು ಜನರು ಅತ್ತರು, ಸತ್ತರು ನಿಲ್ಲುತ್ತಿಲ್ಲ ಯುದ್ಧ

ಪುಟ್ಟ ಕಂದಮ್ಮಗಳನ್ನು ಜೀವಿಸಲು ಬಿಡುತ್ತಿಲ್ಲ ಕಡು ಪಾಪಿಗಳು

ಇಸ್ರೇಲ್​ ಮತ್ತು ಹಮಾಸ್​ ಯುದ್ಧ ನಿಲ್ಲುವಂತೆ ಕಾಣುತ್ತಿಲ್ಲ. 5 ಸಾವಿರಕ್ಕೂ ಅಧಿಕ ಅಮಾಯಕರು ಸಾವನ್ನಪ್ಪಿದರು ರಾಕ್ಷಸ ಕೃತ್ಯಗಳು ಆಗೊಂದು, ಈಗೊಂದು ಬಯಲಿಗೆ ಬರುತ್ತಲೇ ಇವೆ. ಅದರಂತೆಯೇ ಹಮಾಸ್​ ಭಯೋತ್ಪಾದಕರ ಭೀಬತ್ಸ್ಯ ಕೃತ್ಯವೊಂದು ಮುನ್ನೆಲೆಗೆ ಬಂದಿದ್ದು, ಗರ್ಭಿಣಿ ಮಹಿಳೆಯೊಬ್ಬರ ಹೊಟ್ಟೆ ಸೀಳಿ ಮಗುವಿನ ಶಿರಚ್ಛೇದ ಮಾಡಿ ಕೊಂದಿದ್ದಾರೆ.

ಐಡಿಎಫ್​ ಈ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದು, ಎಕ್ಸ್​ ಮಾತ್ರ ತನ್ನ ಮಾರ್ಗಸೂಚಿಗಳ ಅನ್ವಯ ಫೋಟೋವನ್ನು ಹಂಚಿಕೊಳ್ಳುವುದಿಲ್ಲ ಎಂದು ಹೇಳಿದೆ.

ಇಸ್ರೇಲ್​ ಮತ್ತು ಪಾಲೆಸ್ತೀನ್​ ನಡುವಿನ ಯುದ್ಧ 17ನೇ ದಿನದತ್ತ ಕಾಲಿಡುತ್ತಿದೆ. ಅತ್ತ ಕಾಲು ಕೆರೆದು ಜಗಳಕ್ಕೆ ಇಳಿದ ಹಮಾಸ್​ ಉಗ್ರರ ಹುಟ್ಟಡಗಿಸಿದೆ ಇಸ್ರೇಲ್​. ಗಾಜಾಪಟ್ಟಿಯ ಮೇಲೆ ದಾಳಿ ಮಾಡಿ ಛಿದ್ರಛಿದ್ರ ಮಾಡಿದೆ. ಹೀಗಿದ್ದರು ಹಮಾಸ್​ ಉಗ್ರರು ತಮ್ಮ ಉಗ್ರತ್ವವನ್ನು ಮಾತ್ರ ನಿಲ್ಲಿಸಿಲ್ಲ.

ಇದನ್ನೂ ಓದಿ: ಮೊದಲ ಅಗ್ನಿವೀರ್ ಹುತಾತ್ಮ.. ಸೈನಿಕನ ಕುಟುಂಬಕ್ಕೆ ಸಿಗೋ ಪರಿಹಾರದ ಹಣ ಎಷ್ಟು?

pic.twitter.com/sluBf5FKC2

— Israel Defense Forces (@IDF) October 23, 2023

ಇಸ್ರೇಲ್​ ರಕ್ಷಣಾ ಪಡೆ ಹಮಾಸ್​ ಉಗ್ರರ ನೀಚ ಕೃತ್ಯದ ಬಗ್ಗೆ ವರದಿ ಮಾಡಿದ್ದು, ಗರ್ಭಿಣಿ ಇಸ್ರೇಲ್​ನ ಮಹಿಳೆಯ ಮೇಲೆ ಹಮಾಸ್​ ಉಗ್ರರು ಕೊಂದ ಬಗ್ಗೆ ತಿಳಿಸಿದೆ. ತುಂಬು ಗರ್ಭಿಣಿಯ ಹೊಟ್ಟೆ ಸೀಳಿ ಹೆಣ್ಣು ಮಗುವನ್ನು ಬರ್ಬರವಾಗಿ ಹತ್ಯೆ ಮಾಡಿದ್ದಾರೆ ಎಂದು ಹೇಳಿದೆ.

ಒಟ್ಟಿನಲ್ಲಿ ಇಸ್ರೇಲ್​ ಮತ್ತು ಹಮಾಸ್​ ಉಗ್ರರ ನಡುವಿನ ಯುದ್ಧ ಮಾತ್ರ ನಿಲ್ಲುತ್ತಿಲ್ಲ. ಈಗಾಗಲೇ ಸಾಕಷ್ಟು ಅಮಾಯಕರು, ಪುಟ್ಟ ಕಂದಮ್ಮಗಳು ಈ ಯುದ್ಧದಲ್ಲಿ ಸಾವನ್ನಪ್ಪಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ