2010ರ ಏಷ್ಯಾಕಪ್​ ಟೂರ್ನಿಯಲ್ಲಿ ನಡೆದ ಸ್ಲೆಡ್ಜಿಂಗ್​ ವಾರ್​

ಶೋಯೆಬ್​ ಅಖ್ತರ್​ ಹಾಗೂ ಹರ್ಭಜನ್​ ಸಿಂಗ್​ ನಡುವಿನ ಟಾಕ್​​ ವಾರ್​

ಹರ್ಭಜನ್​ ಸಿಂಗ್ ಜೊತೆಗೆ ಆಫ್​ ದಿ ಫೀಲ್ಡ್​ನಲ್ಲೂ ನಡೆದಿತ್ತು ಜಗಳ

ಶೋಯೆಬ್​ ಅಖ್ತರ್​ ಹಾಗೂ ಹರ್ಭಜನ್​ ಸಿಂಗ್​ ನಡುವೆ 2010ರ ಏಷ್ಯಾಕಪ್​ ಟೂರ್ನಿಯಲ್ಲಿ ನಡೆದ ಸ್ಲೆಡ್ಜಿಂಗ್​ ವಾರ್​ ನಿಮಗೂ ಗೊತ್ತು. ಆದ್ರೆ, ಆನ್​ಫೀಲ್ಡ್​ನ ವಾರ್​​ ಬಳಿಕ ಆಫ್​ ದ ಫೀಲ್ಡ್​ನಲ್ಲಿ ಏನ್​ ನಡೀತು ಅಂತಾ ಗೊತ್ತಾ.? ಆ ಇಂಟರೆಸ್ಟಿಂಗ್​ ಕಹಾನಿಯೇ ಇಲ್ಲಿದೆ.

ಭಾರತ – ಪಾಕಿಸ್ತಾನ ನಡುವಿನ ಪಂದ್ಯ ಅಂದ್ರೆ ಇಡೀ ವಿಶ್ವವೇ ಕಾದು ಕುಳಿತಿರುತ್ತೆ. ರನ್​ ಸುರಿಮಳೆ, ಬೌಂಡಿರಿ-ಸಿಕ್ಸರ್​ ಬೊರ್ಗೆರತ, ವಿಕೆಟ್​​ ಬೇಟೆಯ ಜೊತೆಗೆ ಸ್ಲೆಡ್ಜಿಂಗ್​ ವಾರ್​ ಈ ಪಂದ್ಯದ ಕ್ಕಿಕ್ಕನ್ನ ನೆಕ್ಸ್ಟ್​​ ಲೆವೆಲ್​ಗೆ ಕೊಂಡೊಯ್ಯುತ್ತೆ. ಇತಿಹಾಸವನ್ನ ಕೆದಕಿದ್ರೆ, ಹಲವು ಸ್ಲೆಡ್ಜಿಂಗ್​ ವಾರ್​ಗಳು ನೆನಪಿಗೆ ಬರುತ್ತೆ. ಅದ್ರಲ್ಲಿ ಒಂದು ಹರ್ಭಜನ್​ ಸಿಂಗ್​ VS ಶೋಯೆಬ್​ ಅಖ್ತರ್​ ಫೈಟ್​..!

ಇಬ್ಬರ ನಡುವೆ ಮಾತಿನ ಯುದ್ಧ

2010 ಏಷ್ಯಾಕಪ್​ ಮುಖಾಮುಖಿಯಲ್ಲಿ 268 ರನ್​ಗಳ ಟಾರ್ಗೆಟ್​ ಚೇಸ್​ ಮಾಡ್ತಿದ್ದ ಟೀಮ್​ ಇಂಡಿಯಾ ಸಂಕಷ್ಟಕ್ಕೆ ಸಿಲುಕಿತ್ತು. 8ನೇ ಕ್ರಮಾಂಕದಲ್ಲಿ ಹರ್ಭಜನ್​ ಸಿಂಗ್ ಕಣಕ್ಕಿಳಿದಾಗ ಭಾರತದ ಗೆಲುವಿಗೆ 5 ಓವರ್​ಗಳಲ್ಲಿ 49 ರನ್​ ಬೇಕಿದ್ವು. ಕ್ರಿಸ್​ಗೆ ಬಂದ ಬೆನ್ನಲ್ಲೇ ಅಖ್ತರ್​ ಬೌಲಿಂಗ್​ನಲ್ಲಿ​ ಹರ್ಭಜನ್​ ಸಿಕ್ಸರ್​ ಸಿಡಿಸಿದ್ರು. ಇದ್ರಿಂದ ಸಿಟ್ಟಾದ ಅಖ್ತರ್​, ಆ ಬಳಿಕ ಬೌನ್ಸರ್​​ ಹಾಕಿ, ಗುರಾಯಿಸ್ತಾ ಕಾಲು ಕೆರೆದುಕೊಂಡು ಜಗಳಕ್ಕೆ ಬಂದಿದ್ರು. ಇದು ಹರ್ಭಜನ್​ರನ್ನ ಕೆರಳಿಸಿತ್ತು. ಆದ್ರೂ ತಾಳ್ಮೆಯಿಂದ ಬ್ಯಾಟಿಂಗ್​ ಮಾಡಿದ ಭಜ್ಜಿ, ಕೊನೆಯ ಓವರ್​ನ 5ನೇ ಎಸೆತದಲ್ಲಿ, ಸಿಕ್ಸರ್​ ಸಿಡಿಸಿ ರಣ ರೋಚಕ ಗೆಲುವಿಗೆ ಕಾರಣರಾದ್ರು. ಇಷ್ಟೇ ಅಲ್ಲ, ಗೆದ್ದ ಬಳಿಕ ಅಖ್ತರ್​ರೆಡೆಗೆ ಗುರಾಯಿಸಿ ಸಂಭ್ರಮಿಸಿದ್ರು. ಇದರಿಂದಾಗಿ ಇಬ್ಬರ ನಡುವೆ ಮಾತಿನ ಯುದ್ಧವೂ ನಡೆಯಿತು. ಅಲ್ಲಿಗೆ ಎಲ್ಲಾ ಮುಗಿಯಲಿಲ್ಲ.

ಹರ್ಭಜನ್ ಎಸ್ಕೆಪ್

ಆನ್​ಫೀಲ್ಡ್​ನಲ್ಲಾದ ಮುಖಭಂಗವನ್ನ ಮನಸ್ಸಿನಲ್ಲಿಟ್ಟುಕೊಂಡಿದ್ದ ಅಖ್ತರ್​, ಪಂದ್ಯ ಮುಗಿದ ಬಳಿಕ ಹರ್ಭಜನ್​ಗೆ ಹೊಡೆಯಲು ಹೋಟೆಲ್​ ರೂಮ್​ಗೆ ಹುಡುಕಿಕೊಂಡು ಹೋಗಿದ್ರಂತೆ. ಯಾವಾಗಲೂ ನಮ್ಮ ಜೊತೆ ತಿಂತಾನೆ. ನಮ್ಮ ಜೊತೆಗೆ ಇರ್ತಾನೆ. ಆದ್ರೆ, ಆನ್​ಫೀಲ್ಡ್​ನಲ್ಲಿ ನಮ್ಮೊಂದಿಗೆ ಮಿಸ್​ಬಿಹೆವ್​ ಮಾಡ್ತಾನೆ ಅಂತಾ ಅಖ್ತರ್​ ಕೋಪಗೊಂಡಿದ್ದರಂತೆ. ಆದರೆ, ಅಖ್ತರ್​ ಬರ್ತಾರೆ ಅನ್ನೋದನ್ನ ಮೊದಲೇ ತಿಳಿದಿದ್ದ ಹರ್ಭಜನ್​ ಅದಾಗಲೇ ರೂಮ್​ನಿಂದ ಕಾಲ್ಕಿತ್ತು ಎಸ್ಕೆಪ್​ ಆಗಿದ್ರಂತೆ! ಈ ಕಥೆಯನ್ನ ಸ್ವತಃ ಅಖ್ತರ್​​ ರಿವೀಲ್​ ಮಾಡಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ