ಸ್ಟಾರ್ ಆಲ್​ರೌಂಡರ್​ ಹಾರ್ದಿಕ್ ಪಾಂಡ್ಯ​​ ಮಂಕಾದ್ರಾ..?

ಸಮರ್ಥವಾಗಿ ಆಲ್​ರೌಂಡರ್ ಜವಾಬ್ದಾರಿ ನಿಭಾಯಿಸ್ತಿದ್ದಾರಾ.?

ವೆಸ್ಟ್ ಇಂಡೀಸ್ ಸರಣಿಯಲ್ಲಿ ಹಾರ್ದಿಕ್ ವೈಫಲ್ಯ

ಪ್ರಮೋಷನ್ ಮೆಲೆ ಪ್ರಮೋಷನ್ ಸಿಕ್ತು. ಬಡ್ತಿ ಮೇಲೆ ಬಡ್ತಿನೂ ಬಂತು. ಈತ ಕಮ್​ಬ್ಯಾಕ್ ಮಾಡಿದ ಮೇಲೆ ಟೀಮ್ ಇಂಡಿಯಾದ ಮೈನ್ ವೆಪನ್ ಆಗ್ತಾನೆ ಅಂತಾನೇ ಹೇಳಲಾಗಿತ್ತು. ಆದರೀಗ ಈತನ ಆಟ ನೋಡಿದ ಮೇಲೆ ನಿರೀಕ್ಷೆಗಳೆಲ್ಲಾ ಹುಸಿಯಾಗಿವೆ. ಫ್ಯಾನ್ಸ್​ ವಲಯದಲ್ಲಿದ್ದ ಆಸೆಗಳೂ ಕಮರ ತೊಡೆಗಿವೆ.

ಹಾರ್ದಿಕ್​ ಪಾಂಡ್ಯ. ಟೀಮ್​ ಇಂಡಿಯಾದ ONE OF THE FINEST ಆಲ್​ರೌಂಡರ್​​​. 3D ಪ್ಲೇಯರ್​​ ಅಂತಾನೇ ಖ್ಯಾತಿ ಪಡೆದಿರೋ ಪಾಂಡ್ಯ. ಬ್ಯಾಟಿಂಗ್​​, ಬೌಲಿಂಗ್​​​, ಫೀಲ್ಡಿಂಗ್​​​ನಲ್ಲಿ ಖತನಾರ್ಕ್ ಕಿಲಾಡಿ. ಮೆನ್​ ಇನ್​ ಬ್ಲೂ ಪಡೆಯ ಬಿಗ್​ ​ಗೇಮ್​​​ ಚೇಂಜರ್​ ಆ್ಯಂಡ್​ ಮ್ಯಾಚ್​ ವಿನ್ನರ್ ಪ್ಲೇಯರ್​. ಈತ ಟೀಮ್ ಇಂಡಿಯಾಗೆ ಕಮ್​ಮ್ಯಾಕ್ ಮಾಡಿದ್ದೇ ತಡ, ಬಿಸಿಸಿಐ ಸ್ಟಾರ್​ ಆಲ್​ರೌಂಡರ್ ಬಂದೇ ಬಿಟ್ಟ ಎಂಬ ಸಂಭ್ರಮದಲ್ಲಿ ತೇಲಾಡಿತ್ತು. ಅಷ್ಟೇ ಅಲ್ಲ.! ಪಾಂಡ್ಯಗೆ ಪ್ರಮೋಷನ್​ ಮೇಲೆ ಪ್ರಮೋಷನ್ನೂ ನೀಡಿತ್ತು. ಆದ್ರೆ, ಈ ಪ್ರಮೋಷನ್​ ಪಡೆದ ಪಾಂಡ್ಯ ಮಾತ್ರ. ಅರ್ಹತೆ ತಕ್ಕ ಆಟವಾಡೋದ್ರಲ್ಲಿ ಕಂಪ್ಲೀಟ್ ಫೇಲ್ ಆಗಿದ್ದಾರೆ.

2021ರ ಟಿ20 ವಿಶ್ವಕಪ್ ವೈಫಲ್ಯದ ಬಳಿಕ ಟೀಮ್ ಇಂಡಿಯಾದಿಂದ ಕಿಕ್​ಔಟ್ ಆಗಿದ್ದ ಪಾಂಡ್ಯ, ಅಷ್ಟೇ ಬೇಗ ಟೀಮ್ ಇಂಡಿಯಾಗೆ ಮರಳಿದ್ದರು. ನೋಡ ನೋಡುತ್ತಿದ್ದಂತೆ ಟಿ20 ನಾಯಕನಾಗಿ, ಏಕದಿನ ತಂಡದ ಉಪ ನಾಯಕನಾಗಿಯೂ ಪ್ರಮೋಷನ್​ ಗಿಟ್ಟಿಸಿದ್ದರು. ಇಷ್ಟೆಲ್ಲಾ ಪ್ರಮೋಷನ್ ಪಡೆದ ಪಾಂಡ್ಯರಿಂದ ಮೂಡಿ ಬರ್ತಿರೋದು ಮಾತ್ರ ಫ್ಲಾಫ್ ಶೋ.
ಕಮ್​​ಬ್ಯಾಕ್ ಬಳಿಕ ಪಾಂಡ್ಯರಲಿಲ್ಲ ಮೊದಲಿನ ಖದರ್​..!

2022 ಜುಲೈ. ಇಂಗ್ಲೆಂಡ್ ಪ್ರವಾಸದೊಂದಿಗೆ ಏಕದಿನ ಫಾರ್ಮೆಟ್​ಗೆ ಕಮ್​ಬ್ಯಾಕ್ ಮಾಡಿದ ​ಹಾರ್ದಿಕ್, ಭಾರೀ ನಿರೀಕ್ಷೆಯನ್ನೇ ಹುಟ್ಟುಹಾಕಿದ್ರು. ಆದ್ರೆ, ಆ ಸರಣಿ ಬಳಿಕ ಹಾರ್ದಿಕ್ ಪಾಂಡ್ಯ ಹೇಳಿಕೊಳ್ಳುವಂತ ಪರ್ಫಾಮೆನ್ಸ್ ನೀಡೆ ಇಲ್ಲ. ಇದಕ್ಕೆ ಬೆಸ್ಟ್​ ಎಕ್ಸಾಂಪಲ್​, ಸದ್ಯ ನಡೀತಿರೋ ವೆಸ್ಟ್ ಇಂಡೀಸ್ ಟೂರ್​.

ಸದ್ಯ ವೆಸ್ಟ್​ ಇಂಡೀಸ್ ವಿರುದ್ಧದ ಏಕದಿನ ಸರಣಿಯ ಎರಡೂ ಪಂದ್ಯಗಳಲ್ಲೂ ಬ್ಯಾಟಿಂಗ್​​ಗೆ ಇಳಿದಿರೋ ಪಾಂಡ್ಯ ಗಳಿಸಿದ್ದು ಸಿಂಗಲ್​ ಡಿಜಿಟ್​ ಸ್ಕೋರ್​. ಮೊದಲ ಏಕದಿನದಲ್ಲಿ 5 ಹಾಗೂ 2ನೇ ಏಕದಿನಲ್ಲಿ 7 ರನ್​ಗಳಿಸುವಷ್ಟರಲ್ಲಿ ಪಾಂಡ್ಯ ಸುಸ್ತಾಗಿದ್ದಾರೆ. ಪಾಂಡ್ಯ ಫ್ಲಾಪ್​​ ಶೋ ಕಥೆ ಇದು ಈ ಒಂದು ಸಿರೀಸ್​​ಗೆ ಮಾತ್ರ ಸೀಮಿತವಾಗಿಲ್ಲ. ಪ್ರಸಕ್ತ ವರ್ಷದಲ್ಲಿ ನೀಡಿರೋದು ನೀರಸ ಪರ್ಫಾಮೆನ್ಸ್​.!

2023ರಲ್ಲಿ ಪಾಂಡ್ಯ ಬ್ಯಾಟಿಂಗ್..!

ಪಂದ್ಯ 10
ರನ್ 210
ಸರಾಸರಿ 23.33
ಸ್ಟ್ರೈಕ್​​ರೇಟ್​ 88.98

2023ರಲ್ಲಿ 10 ಏಕದಿನ ಪಂದ್ಯಗಳನ್ನಾಡಿರುವ ಪಾಂಡ್ಯ, ಕೇವಲ 210 ರನ್ ಕಲೆ ಹಾಕಿದ್ದಾರೆ. 23.33ರ ಸರಾಸರಿಯಲ್ಲಿ ರನ್​ ಗಳಿಸಿರೋ ಹಾರ್ದಿಕ್​ರ ಸ್ಟ್ರೈಕ್​ರೇಟ್​ 88.98..!

ಮೂರು ಓವರ್ ಬೌಲಿಂಗ್​.. 5 ಓವರ್ ರೆಸ್ಟ್​..!

ಬ್ಯಾಟಿಂಗ್​ ಮಾತ್ರವಲ್ಲ, ಬೌಲಿಂಗ್​ನಲ್ಲೂ ಅದೇ ಕಥೆ. ಸದ್ಯ ವಿಂಡೀಸ್​ ಟೂರ್​ನಲ್ಲಿ ಲಾಂಗ್​ ಸ್ಪೆಲ್​ ಹಾಕುವಲ್ಲಿ ಪಾಂಡ್ಯ ಫೇಲ್​ ಆಗ್ತಿದ್ದಾರೆ. 3 ಓವರ್​​ ಬೌಲಿಂಗ್​ ಮಾಡಿದ್ರೆ, 5 ಓವರ್​ ರೆಸ್ಟ್​ ಮಾಡ್ತಾರೆ. ಪೇಸ್ ಅಟ್ಯಾಕರ್​ ಆಗಿ ಚೆಂಡು ತೆಗೆದುಕೊಳ್ಳುವ ಪಾಂಡ್ಯ, ಮೂರು ಓವರ್ ಎಸೆದ ಮೇಲೆ ನಡೆಯೋದು ಡಗೌಟ್ ಕಡೆಗೆ.! ಇನ್ನು, ಈ ವರ್ಷ ಆಡಿರೋ 10 ಪಂದ್ಯಗಳಿಂದ ಕೇವಲ 10 ವಿಕೆಟ್ ಉರುಳಿಸಿದ್ದಾರೆ.

ಇದು ಮುಂದುವರಿದರೆ ವಿಶ್ವಕಪ್ ಕನಸು​​ ಭಗ್ನ ಗ್ಯಾರಂಟಿ.!

ಕಮ್​ಬ್ಯಾಕ್ ಬಳಿಕ ಅಲ್ಲೊಂದು ಇಲ್ಲೊಂದು ಪಂದ್ಯ ಆಡಿರೋ ಪಾಂಡ್ಯ, ಪವರ್​ಫುಲ್ ಪರ್ಫಾಮೆನ್ಸ್​ ನೀಡಿದ್ದೆ ಇಲ್ಲ. 5 ಹಾಗೂ 6ನೇ ಕ್ರಮಾಂಕದಲ್ಲಿ ಮ್ಯಾಚ್ ವಿನ್ನರ್ ಆಗಿ ಮೂಡಿಬರಬೇಕಿದ್ದ ಪಾಂಡ್ಯ, ಟೀಮ್ ಇಂಡಿಯಾಗೆ ಕೈಕೊಟ್ಟಿದ್ದೇ ಹೆಚ್ಚು. ಸತತ ವೈಫಲ್ಯ ಅನುಭವಿಸ್ತಿರೋ ಹಾರ್ದಿಕ್, ಏಕದಿನ ವಿಶ್ವಕಪ್​ನಲ್ಲೂ ಪ್ಲಾಫ್​ ಆದ್ರೆ, 2021ರ ಟಿ20 ವಿಶ್ವಕಪ್​ನಲ್ಲಾದ ಗತಿಯೇ ಎದುರಾಗೋದು ಗ್ಯಾರಂಟಿ. ಹೀಗಾಗಿ ಹಾರ್ದಿಕ್ ಹಳೆಯ ಖದರ್​ಗೆ ಮರಳಬೇಕಾದ ಅನಿವಾರ್ಯತೆ ಇದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ