ಮಹಿಳಾ ತಂಡದ ನಾಯಕಿ ವಿರುದ್ಧ BCCI ಕ್ರಮ ಕೈಗೊಳ್ಳಲಿ

ಔಟ್​ ಆಗ್ತಿದ್ದಂತೆ ವಿಕೆಟ್​ಗಳಿಗೆ ಹೊಡೆದಿದ್ದ ಭಾರತದ ನಾಯಕಿ

ಕ್ರೀಸ್​ ಬಿಟ್ಟು ಹೋಗುವಾಗ ಅಂಪೈರ್​ ನಿರ್ಧಾರಕ್ಕೆ ಆಕ್ರೋಶ

ಬಾಂಗ್ಲಾದೇಶ ಎದುರಿನ ಪಂದ್ಯದಲ್ಲಿ ಅಶಿಸ್ತು ತೋರಿದ ಟೀಮ್ ಇಂಡಿಯಾ ನಾಯಕಿ ಹರ್ಮನ್​ಪ್ರೀತ್ ಕೌರ್​​​​​ ವಿರುದ್ಧ ಬಿಸಿಸಿಐ ಶೀಘ್ರವೇ ಶಿಸ್ತುಕ್ರಮ ತೆಗೆದುಕೊಳ್ಳಬೇಕೆಂದು ಮಾಜಿ ಕ್ರಿಕೆಟಿಗ ಮದನ್​ ಲಾಲ್ ಹೇಳಿದ್ದಾರೆ.

ಬಾಂಗ್ಲಾದೇಶ ವಿರುದ್ಧ ಕೌರ್​ ತೋರಿದ ವರ್ತನೆ ನಿಜಕ್ಕೂ ಖಂಡನೀಯ. ಆಕೆ ಕ್ರೀಡೆಗಿಂತ ದೊಡ್ಡವಳಲ್ಲ. ಹರ್ಮನ್​​ಪ್ರೀತ್​ ಕೌರ್ ದುರ್ವತನೆಯಿಂದ ಭಾರತೀಯ ಕ್ರಿಕೆಟ್​​ಗೆ ದೊಡ್ಡ ಹೆಸರು ಬಂದಿದೆ. ಬಿಸಿಸಿಐ ಕೂಡಲೇ ಟೀಮ್ ಇಂಡಿಯಾ ನಾಯಕಿ ವಿರುದ್ಧ ಶಿಸ್ತುಕ್ರಮ ತೆಗೆದುಕೊಳ್ಳಬೇಕೆಂದು 1983 ವಿಶ್ವಕಪ್​ ವಿಜೇತ ತಂಡದ ಆಟಗಾರ ಮದನ್ ಲಾಲ್​​ ಆಗ್ರಹಿಸಿದ್ದಾರೆ.

ಐಸಿಸಿ ಕೌರರ ವಿರುದ್ಧ ಈಗಾಗಲೇ ಕ್ರಮ ಕೈಗೊಂಡಿದ್ದು, ಪಂದ್ಯದ ಶುಲ್ಕದಲ್ಲಿ ಶೇ.75 ರಷ್ಟು ದಂಡ ವಿಧಿಸಿದೆ ಹಾಗೂ ಮೂರು ಡೀಮೆರಿಟ್ ಅಂಕಗಳನ್ನು ನೀಡಿದೆ. ನಾಯಕಿ ಹರ್ಮನ್​ಪ್ರೀತ್ ಕೌರ್ ಪಂದ್ಯದ ವೇಳೆ ಔಟ್ ಆಗಿದ್ದ ವೇಳೆ ತನ್ನ ಬ್ಯಾಟ್​ನಿಂದ ವಿಕೆಟ್​ಗಳಿಗೆ ಜೋರಾಗಿ ಹೊಡೆದಿದ್ದರು. ಅಲ್ಲದೇ ಅಂಪೈರ್​ ನಿರ್ಧಾರದ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದರು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ

Harmanpreet Kaur was not happy with the decision 👀#HarmanpreetKaur #IndWvsBangW #INDvWI pic.twitter.com/ZyoQ3R3Thb

— Ajay Ahire (@Ajayahire_cric) July 22, 2023