ಅಧಿಕಾರಿ ಚಂದ್ರಶೇಖರ್​ಗೆ ಕುಮಾರಸ್ವಾಮಿ ಏನೆಂದು ಹೇಳಿದರು?

ಕುಮಾರಸ್ವಾಮಿ ಅವಧಿಯಲ್ಲೂ ಚಂದ್ರಶೇಖರ್​ ಕೆಲಸ ಮಾಡಿದ್ರು

ಕಾಂಗ್ರೆಸ್​ ಸಚಿವರ ವಿರುದ್ಧವೂ ಹೆಚ್​.ಡಿ ಕುಮಾರಸ್ವಾಮಿ ವಾಗ್ದಾಳಿ

ಕೇಂದ್ರ ಸಚಿವ ಮತ್ತು ಐಪಿಎಸ್​ ಅಧಿಕಾರಿ ನಡುವೆ ನಿಲ್ಲದ ಸಮರ. ಚಂದ್ರಶೇಖರ್​ ಪತ್ರಕ್ಕೆ ಟ್ವಿಟರ್​ನಲ್ಲಿ ಕುಮಾರಸ್ವಾಮಿ ತಿರುಗೇಟು. ಲೋಕಾಯುಕ್ತ ಎಸ್ಐಟಿ ಎಡಿಜಿಪಿ ಹುದ್ದೆಯಲ್ಲಿರುವ ಕಳಂಕಿತ, ಕ್ರಿಮಿನಲ್ ಪ್ರವೃತ್ತಿಯ ಅಧಿಕಾರಿ ಎಂದು ಕಿಡಿ. ಇನ್ನು ಕಾಂಗ್ರೆಸ್​ ಸಚಿವರಿಗೆ ತಿರುಗೇಟು ನೀಡಿದ್ದಾರೆ. ಅಮಾನತು ಮಾಡದಿದ್ದರೆ ಜೆಡಿಎಸ್ ನಾಯಕರು ಬೀದಿಗಿಳಿದು ಹೋರಾಟ ಮಾಡ್ತೀವಿ ಎಂದು ಮಾಜಿ ಶಾಸಕ ಸುರೇಶ್​ಗೌಡ ಸರ್ಕಾರಕ್ಕೆ ಎಚ್ಚರಿಕೆ ನೀಡಿದ್ದಾರೆ.

ಇದನ್ನೂ ಓದಿ: ಭೀಕರ ಪ್ರವಾಹ, ಭೂಕುಸಿತ.. ಧಾರಾಕಾರ ಮಳೆಯಿಂದ 24 ಗಂಟೆಯಲ್ಲೇ 112ಕ್ಕೂ ಅಧಿಕ ಸಾವು!

ಕೇಂದ್ರ ಸಚಿವ VS ಐಪಿಎಸ್​.. ಮುಗಿಯದ ಮಾತಿನ ಸಮರ

ಹಳೆ ಬಾಟಲಿಗೆ ಹೊಸ ಮದ್ಯ ಹಾಕಿದಂತೆ. ಹಳೆ ಕೇಸ್​ನಲ್ಲಿ ಕೇಂದ್ರ ಸಚಿವ ಹೆಚ್​.ಡಿ.ಕುಮಾರಸ್ವಾಮಿ ಅವರನ್ನು ಲಾಕ್​ ಮಾಡಲು ಲೋಕಾಯುಕ್ತ ವಿಚಾರಣೆ ಅಸ್ತ್ರ ಕೈಗೊಂಡಿದೆ. ಪ್ರಾಸಿಕ್ಯೂಷನ್​ಗೆ ಅನುಮತಿ ಕೋರಿದ್ದ ಲೋಕಾ ಎಡಿಜಿಪಿ ವಿರುದ್ಧ ದಳಪತಿ ರಾಂಗ್​ ಆಗಿದ್ದು, ವಾಕ್ಸಮರಕ್ಕೆ ಇಳಿದಿದ್ದಾರೆ. ಮೊನ್ನೆ ಲೋಕಾಯುಕ್ತ ವಿಚಾರಣೆ ಎದುರಿಸಿ ಬಂದ ಹೆಚ್.​ಡಿ ಕುಮಾರಸ್ವಾಮಿ, ಎಡಿಜಿಪಿ ಚಂದ್ರಶೇಖರ್​ ವಿರುದ್ಧ ಸಾಲು ಸಾಲು ಆರೋಪಗಳನ್ನು ಮಾಡಿದ್ದರು. ಇದಕ್ಕೆ ಕೆಲ ಸಚಿವರು ಚಂದ್ರಶೇಖರ್​, ಕುಮಾರಸ್ವಾಮಿಯ ಅವಧಿಯಲ್ಲೂ ಇಲ್ಲೇ ಅಧಿಕಾರಿ ಆಗಿದ್ದರು ಎಂದು ಕಾಲೆಳೆದಿದ್ದರು. ಸಚಿವರ ಮಾತಿಗೆ ತಿರುಗೇಟು ನೀಡಿರುವ ದಳಪತಿ, ಒಂದೇ ಟ್ವೀಟ್​ನಲ್ಲಿ ಇಬ್ಬರಿಗೂ ಟಾಂಗ್​ ನೀಡಿದ್ದಾರೆ.

ಲೋಕಾಯುಕ್ತ ಇಲಾಖೆಯ ಅಧಿಕಾರಿ, ಸಿಬ್ಬಂದಿಗೆ ಪತ್ರ ಬರೆಯುವ ಮೂಲಕ ಎಡಿಜಿಪಿ ಚಂದ್ರಶೇಖರ್​, ಹೆಚ್​ಡಿಕೆಯನ್ನು ಹಂದಿಗೆ ಹೋಲಿಸಿ, ಅವರೊಬ್ಬ ಆರೋಪಿ ಎಂದಿದ್ರು. ಇದೀಗ ಹೆಚ್​ಡಿಕೆ ಕೂಡ. ಸಚಿವರಿಗೆ ಟ್ವಿಟರ್​ನಲ್ಲಿ ಕುಟುಕು ರೀತಿಯಲ್ಲೇ ಐಪಿಎಸ್​ ಅಧಿಕಾರಿ ಚಂದ್ರಶೇಖರ್​ಗೂ ಠಕ್ಕರ್​ ನೀಡಿದ್ದಾರೆ.

ಕುಮಾರಸ್ವಾಮಿ ಟ್ವಿಟರ್​​ ಪೋಸ್ಟ್​​​ನಲ್ಲಿ ಏನಿದೆ..?

ಅಪ್ರಬುದ್ಧ ಅವಿವೇಕಿಗಳಿಗೆ ಏನು ಹೇಳುವುದು. ಲೋಕಾಯುಕ್ತ ಎಸ್ಐಟಿ ಎಡಿಜಿಪಿ ಹುದ್ದೆಯಲ್ಲಿರುವ ಕಳಂಕಿತ, ಕ್ರಿಮಿನಲ್ ಪ್ರವೃತ್ತಿಯ ಅಧಿಕಾರಿ ಹೆಚ್​ಡಿಕೆ ಅಧಿಕಾರಾವಧಿಯಲ್ಲಿ ಕೆಲಸ ಮಾಡಿರಲಿಲ್ಲವೇ? ಎನ್ನುವುದು ಈ ಸರ್ಕಾರದಲ್ಲಿರುವ ಕೆಲವರ ಪ್ರಶ್ನೆ. ನನ್ನ ಸರ್ಕಾರದಲ್ಲಿಯು ಈ ಅಧಿಕಾರಿ ಕೆಲಸ ಮಾಡಿದ್ದರು, ನಿಜ. ನಾನು ಇಲ್ಲವೆನ್ನುವುದಿಲ್ಲ. ಆದರೆ, ಊರು ಮೇಯೋಕೆ, ಸಿಕ್ಕಸಿಕ್ಕ ಕೊಚ್ಚೆಯಲ್ಲಿ ಉರುಳಾಡೋಕೆ. ಹೆದರಿಸಿ ಬೆದರಿಸಿ ಸುಲಿಗೆ ಮಾಡೋಕೆ ನಾನು ಬಿಟ್ಟಿರಲಿಲ್ಲ. ಹದ್ದುಬಸ್ತಿನಲ್ಲಿ ಇಟ್ಟು ಕೆಲಸ ಮಾಡಿಸಿದ್ದೆ. ನಿಮಗೆ ಅಂತಹ ಎದೆಗಾರಿಕೆ ಇದೆಯಾ @INCKarnataka ಸಚಿವರೇ?. ಕಳಂಕಿತ ಅಧಿಕಾರಿಗಳಿಂದ ರಕ್ಷಣೆ ಪಡೆದುಕೊಳ್ಳುವ ನಿಮ್ಮ ನಿಕೃಷ್ಟ ಸ್ಥಿತಿ ನನಗೆ ಬಂದಿಲ್ಲ, ಬರುವುದೂ ಇಲ್ಲ.

ಚಂದ್ರಶೇಖರ್​ರನ್ನು​ ಅಮಾನತು ಮಾಡದಿದ್ದರೆ ಹೋರಾಟ

ಕೇಂದ್ರ ಸಚಿವ ಹೆಚ್​ಡಿಕೆಯನ್ನು ಹಂದಿಗೆ ಹೋಲಿಕೆ ಮಾಡಿದ್ದಕ್ಕೆ ಜೆಡಿಎಸ್​ ನಾಯಕರು, ಸಿಡಿದೆದ್ದಿದ್ದಾರೆ. ಆತ ಕುಮಾರಸ್ವಾಮಿ ಬಗ್ಗೆ ಬಳಸಿರುವ ಪದಗಳು ಖಂಡನೀಯ, ಆತನಿಗೆ ಏನಾದ್ರೂ ನೋವಾಗಿದ್ರೆ ಕೋರ್ಟ್ ಗೆ ಹೋಗಬಹುದಿತ್ತು. ಆದರೆ ಎರಡು ಬಾರಿ ಸಿಎಂ ಆದವರಿಗೆ ಈ ರೀತಿಯ ಪದಬಳಕೆ ಮಾಡಿರೋದು ಖಂಡನೀಯ. ರಾಜ್ಯ ಸರ್ಕಾರ ಇಂತಹ ಅಧಿಕಾರಿಗಳಿಗೆ ಕಡಿವಾಣ ಹಾಕುವ ಕೆಲಸ ಮಾಡದಿದ್ರೆ ಹೋರಾಟ ಮಾಡ್ತೀವಿ ಎಂದು ಮಾಜಿ ಶಾಸಕ ಸುರೇಶ್​ಗೌಡ ಎಚ್ಚರಿಕೆ ನೀಡಿದ್ದಾರೆ.

ಇದನ್ನೂ ಓದಿ: KRCL Recruitment; ವಿವಿಧ ಸರ್ಕಾರಿ ಹುದ್ದೆಗಳು.. ಸಂದರ್ಶನ ಮಾತ್ರ, ಪರೀಕ್ಷೆ ಇಲ್ಲ!

ಕೇಂದ್ರ ಸಚಿವ ಕುಮಾರಸ್ವಾಮಿ ವಿರುದ್ಧ ಬಳಸಿದಂತೆ ಪದಗಳು ಬಹಳ ಖಂಡನೀಯ. ಆತನಿಗೆ ಏನಾದರೂ ನೋವಾಗಿದ್ದರೇ ಕೋರ್ಟ್​ಗೆ, ಪ್ರಾಧಿಕಾರಕ್ಕೆ ಹೋಗಬಹುದಿತ್ತು. ಇದೆಲ್ಲ ಬಿಟ್ಟು ಕೇಂದ್ರ ಸಚಿವರಿಗೆ ಅಲ್ಲದೇ 2 ಬಾರಿ ಸಿಎಂ ಆದವರನ್ನ ಯಾವುದೋ ಒಂದು ಪ್ರಾಣಿಗೆ ಹೋಲಿಸಿ ಮಾತನಾಡುವುದು ಬಹಳ ತಪ್ಪು. ಕೇಂದ್ರ ಸರ್ಕಾರ ಇದನ್ನು ಗಂಭೀರವಾಗಿ ತೆಗೆದುಕೊಳ್ಳಬೇಕು. ರಾಜ್ಯ ಸರ್ಕಾರ ಇಂತವರಿಗೆ ಕಡಿವಾಣ ಹಾಕುತ್ತಿಲ್ಲ. ಈ ರೀತಿ ಅವಹೇಳನಕಾರಿ ಹೇಳಿಕೆ ವಿರುದ್ಧ ನಮ್ಮ ಪಕ್ಷ ಹೋರಾಟ ಮಾಡುತ್ತದೆ.

ಸುರೇಶ್​ಗೌಡ, ಮಾಜಿ ಶಾಸಕ

ಮುಡಾ ಮೂಲಕ ಹೊತ್ತಿಕೊಂಡ ಈ ಕಿಡಿ ಈಗ ಮತ್ತೊಂದು ರೂಪವನ್ನೇ ಪಡೆದಿದೆ. ಹೆಚ್‌ಡಿಕೆ ಈ ಕದನವನ್ನ ಮತ್ತೊಂದು ಲೆವೆಲ್‌ಗೆ ಕೊಂಡೊಯ್ದಿದ್ದಾರೆ. ಈ ಜಟಾಪಟಿ ಮುಂದಿನ ದಿನಗಳಲ್ಲಿ ಮತ್ಯಾವ ಹಂತಕ್ಕೆ ಹೋಗುತ್ತೋ ನೋಡ್ಬೇಕು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ