ಇದು ಶುಭ್ಮನ್​ ಗಿಲ್​ನ ಸೀಕ್ರೆಟ್​ ಕಥೆ

ಗಿಲ್​ ಸಕ್ಸಸ್​ ಹಿಂದೆ ಆ ವ್ಯಕ್ತಿಯ ಅಪಾರ ಶ್ರಮವಿದೆ

ಪರ್ಫೆಕ್ಟ್​ ಟೈಮಿಂಗ್​ನೊಂದಿಗೆ ಬ್ಯಾಟಿಂಗ್ ಮಾಡೋ ಗಿಲ್​ ಕಥೆ ಇಲ್ಲಿದೆ

ಟೀಮ್​ ಇಂಡಿಯಾದ ಯುವ ಕ್ರಿಕೆಟಿಗ ಶುಭ್​ಮನ್​ ಗಿಲ್​, ಭವಿಷ್ಯದ ಸೂಪರ್​ ಸ್ಟಾರ್​ ಆಗಿ ಗುರುತಿಸಿಕೊಂಡಿದ್ದಾರೆ. ಗಿಲ್​ರ ಶಾಟ್​​ ಸೆಲೆಕ್ಷನ್​, ಟೈಮಿಂಗ್​ಗೆ​ ದಿಗ್ಗಜರೇ ಮಾರು ಹೋಗಿದ್ದಾರೆ. ಗಿಲ್​ ಇಷ್ಟು ಪರ್ಫೆಕ್ಟ್​ ಆಗಿ ಆಡೋದ್ರ ಹಿಂದೆ ಒಂದು ಸೀಕ್ರೆಟ್​ ಕಥೆಯಿದೆ. ಅದೇನು ಗೊತ್ತಾ ಈ ಸ್ಟೋರಿ ಮಿಸ್​ ಮಾಡದೆ ಓದಿ.

ಶುಭ್​ಮನ್​ ಗಿಲ್​ ಸದ್ಯ ಕ್ರಿಕೆಟ್​ ಲೋಕದ ಶೈನಿಂಗ್​ ಸ್ಟಾರ್​. ಸಿಕ್ಕೆಲ್ಲಾ ಅವಕಾಶಗಳಲ್ಲೂ ಮಿಂಚು ಹರಿಸ್ತಾ ಯಶಸ್ಸಿನ ಒಂದೊಂದೆ ಮೆಟ್ಟಿಲನ್ನ ಹತ್ತುತ್ತಿದ್ದಾರೆ. ಸಾಲಿಡ್​ ಪರ್ಫಾಮೆನ್ಸ್​ ಮೂಲಕ ದಿಗ್ಗಜರ ಮನವನ್ನೇ ಗೆದ್ದಿರುವ ಗಿಲ್​, ಭವಿಷ್ಯದ ಸೂಪರ್​ ಸ್ಟಾರ್​​ ಆಗಿ ಗುರುತಿಸಿಕೊಂಡಿದ್ದಾರೆ. ಗಿಲ್​ರ ಈ ಸಕ್ಸಸ್​ ಹಿಂದೆ ಅವರ ತಂದೆಯ ಅಪಾರ ಶ್ರಮವಿದೆ.

ಶುಭ್​ಮನ್​ ಗಿಲ್​ ತಂದೆ ಲಕ್ವಿಂದರ್​​ ಸಿಂಗ್​​ ಕ್ರಿಕೆಟರ್​ ಆಗಬೇಕು ಅನ್ನೋ ಕನಸು ಕಂಡಿದ್ರು. ಆದ್ರೆ, ಅವಕಾಶ ಸಿಗಲಿಲ್ಲ. ಆ ಬಳಿಕ ಮಗನನ್ನ ಕ್ರಿಕೆಟರ್​​ ಮಾಡಬೇಕು ಅನ್ನೋ ಕನಸು ಕಂಡ ಲಕ್ವಿಂದರ್​​, ಇದಕ್ಕಾಗಿ ಗಿಲ್​ ಚಿಕ್ಕ ವಯಸ್ಸಿನಲ್ಲಿದ್ದಾಲೇ ಪ್ಲಾನ್​ ರೂಪಿಸಿದ್ರು. ಎಲ್ಲವನ್ನೂ ಬಿಟ್ಟು ಮಗನನ್ನ ಕ್ರಿಕೆಟರ್​​ ಮಾಡಲೇಬೇಕು ಎಂದು ಪಣ ತೊಟ್ಟ ಗಿಲ್​​ ತಂದೆ, ಇದಕ್ಕಾಗಿ ಥ್ರೋ ಡೌನ್​ ಸ್ಪೆಷಲಿಸ್ಟ್​ ಒಬ್ಬರನ್ನ ನೇಮಿಸಿದ್ರಂತೆ. ಜೊತೆಗೆ ದಿನವೂ 500ರಿಂದ 700 ಥ್ರೋ ಡೌನ್​ ಎಸೆತಗಳನ್ನ ಎದುರಿಸುವಂತೆ ಗಿಲ್​ಗೆ ಕಟ್ಟು ನಿಟ್ಟಾಗಿ ತಿಳಿಸಿದ್ರಂತೆ. ಸ್ಟಂಪ್​ ಅನ್ನೆ ಬ್ಯಾಟ್ ರೀತಿಯಲ್ಲಿ ಬಳಸಿ ಎಸೆತಗಳನ್ನ ಮಿಡಲ್​ ಮಾಡುವಂತೆ ಹೇಳ್ತಿದ್ರಂತೆ. ಅಂದು ಗಿಲ್​ ಈ ಅಭ್ಯಾಸವನ್ನ ಮಾಡಿದ್ದೇ, ಇಂದು ಪರ್ಫೆಕ್ಟ್​ ಟೈಮಿಂಗ್​ನೊಂದಿಗೆ ಬ್ಯಾಟಿಂಗ್​ ಮಾಡೋದ್ರ ಹಿಂದಿನ ಸೀಕ್ರೆಟ್​ ಆಗಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ