ಹಾರ್ಟ್ ಚೆಕಪ್​​ ಮಾಡಿಕೊಳ್ಳವವರ ಸಂಖ್ಯೆ ಏಕಾಏಕಿ ಏರಿಕೆ

ದಿನದಿಂದ ದಿನಕ್ಕೆ ಏರಿಕೆಯಾಗುತ್ತಿದೆ ಹೊರ ರೋಗಿಗಳ ಸಂಖ್ಯೆ

ಸ್ಪಂದನಾ ಹಾರ್ಟ್​ ಅಟ್ಯಾಕ್ ನಂತರ ಆಸ್ಪತ್ರೆಯತ್ತ ಜನ..!

ಬೆಂಗಳೂರು: ಚಿನ್ನಾರಿಮುತ್ತನ ಹೃದಯವಂತೆಗೆ ಹೃದಯಾಘಾತವಾಗಿ ವಾರ ಕಳೆದಿದೆ. ಬ್ಯಾಂಕಾಕ್​​ಗೆ ಪ್ರಯಾಣ ಬೆಳೆಸಿದ್ದ ಸ್ಪಂದನಾ, ಅಲ್ಲಿಯೇ ಹೃದಯಾಘಾತವಾಗಿ ಮೃತಪಟ್ಟಿದ್ದರು. ಚಿರಂಜೀವಿ ಸರ್ಜಾ, ಪುನೀತ್​ ರಾಜ್​ ಕುಮಾರ್, ಈಗ ಸ್ಪಂದನಾ. ಕಣ್ಣು ಮುಚ್ಚಿದ ಸ್ಪಂದನಾ ಹಲವರ ಕಣ್ಣನ್ನು ತೆರೆಸುವ ಕೆಲಸ ಮಾಡಿ ಬಿಟ್ಟಿದ್ದಾರೆ. ಸ್ಪಂದನಾ ಹಾರ್ಟ್​ ಅಟ್ಯಾಕ್​ ಇದೀಗ ಯುವ ಜನರ ಹಾರ್ಟ್​ ಬೀಟ್​ ಹೆಚ್ಚು ಮಾಡಿದೆ.

ಸ್ಪಂದನಾ ಹಾರ್ಟ್​ ಅಟ್ಯಾಕ್ ನಂತರ ಇದೀಗ ಹೃದ್ರೋಗ ಆಸ್ಪತ್ರೆಯತ್ತ ಬರುವ ಜನರ ಸಂಖ್ಯೆ ಏಕಏಕಿ​ ಏರಿಕೆಯಾಗಿದೆ. ಹಿಂದಿನ ಸರಾಸರಿಗಿಂತಲೂ ಮೂರು 30% ಅಧಿಕ ಜನರು ಬಂದು ಚೆಕಪ್​ ಮಾಡಿಸ್ಕೊತ್ತಿದ್ದಾರೆ.​​ ಬೆಂಗಳೂರಿನ ಜಯನಗದಲ್ಲಿರುವ ಜಯದೇವ ಆಸ್ಪತ್ರೆಯತ್ತ ಹೆಚ್ಚಿನ ಸಂಖ್ಯೆಯಲ್ಲಿ ಬಂದು ಜನರು ಹಾರ್ಟ್​ ಚೆಕಪ್​ ಮಾಡಿಸುತ್ತಿದ್ದಾರೆ. ಸ್ಪಂದನಾರ ಹಾರ್ಟ್​ ಅಟ್ಯಾಕ್​ಗಿಂತ ಮೊದ್ಲು ದಿನಕ್ಕೆ 1000-1200 ಜನರು ಬಂದು ಹಾರ್ಟ್​​ ಚೆಕಪ್​ ಮಾಡುತ್ತಿದ್ದಾರೆ.

ಆದರೆ ಇದೀಗ ಆಸ್ಪತ್ರೆಗೆ ಬರುತ್ತಿರುವ ಹೊರ ರೋಗಿಗಳ ಸಂಖ್ಯೆ 30% ಏರಿಕೆಯಾಗಿದೆ. ಅಂದರೆ ದಿನಕ್ಕೆ ಚೆಕಪ್​ಗೆ ಬರುವ ಹೊರ ರೋಗಿಗಳ ಸಂಖ್ಯೆ 2 ಸಾವಿರಕ್ಕೆ ಏರಿಕೆಯಾಗಿದೆ. ಅದರಲ್ಲೂ 25-32 ವರ್ಷದ ವಯೋಮಾನದವರೇ ಹೆಚ್ಚಿನ ಜನರು ಚೆಕಪ್​​​​ ಮಾಡಿಸ್ತಿದ್ದಾರೆ. ಒಟ್ಟಿನಲ್ಲಿ ಸ್ಪಂದನಾ ಘಟನೆಯ ಬಳಿಕ ಹಲವರು ಎಚ್ಚೆತ್ತುಕೊಂಡಿದ್ದಾರೆ. ಜನರು ಸ್ವಯಂ ಪ್ರೇರಿತವಾಗಿ ಮುಂದೆ ಬಂದು ಚೆಕಪ್ ಮಾಡಿಸ್ತಿದ್ದಾರೆ. ಜನರು ಆತಂಕ ಪಡುವ ಬದಲು, ಆಸ್ಪತ್ರೆಗೆ ಬಂದು ಚೆಕಪ್​ ಮಾಡಿಸ್ತಿರೋದು ಒಳ್ಳೆಯ ಬೆಳವಣಿಗೆ ಅನ್ನೋದು ಹೃದ್ರೋಗ ತಜ್ಞರ ಅಭಿಪ್ರಾಯ ಕೂಡ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ