ಕೆರಿಬಿಯನ್​ ಪ್ರೀಮಿಯರ್​ ಲೀಗ್​ನ ರಕೀಮ್​ ರಣಾರ್ಭಟ ಬ್ಯಾಟಿಂಗ್

ಹಂಗಿಸಿದವರಿಗೆ ಬ್ಯಾಟ್​​ನಿಂದ ಖಡಕ್​​ ಆಗಿ ಉತ್ತರ ನೀಡಿದ ರಕೀಮ್

ಶತಕದ ಮೂಲಕ ಹೊರ ಬಿತ್ತು ರಕೀಮ್​ ಮನದಾಳದ ನೋವುಗಳು

ಕ್ರಿಕೆಟ್​ನಲ್ಲಿ ಬ್ಯಾಟ್ಸ್​ಮನ್​ಗಳ ಪಾಲಿಗೆ ಬ್ಯಾಟ್​​ ಅನ್ನೋದು ಅಸ್ತ್ರ. ಈ ಬ್ಯಾಟ್​ನಿಂದ ಬೌಂಡರಿ, ಸಿಕ್ಸರ್​ಗಳ ಸುರಿಮಳೆಯನ್ನೇ ಸುರಿಸ್ತಾರೆ. ತಂಡದ ಗೆಲುವಿಗೂ ಕಾರಣರಾಗ್ತಾರೆ. ಅದ್ರ ಜೊತೆಗೆ ಕೆಣಕಿ, ಟೀಕಿಸಿ, ಹಂಗಸಿದವರಿಗೆ.. ಮುಟ್ಟಿ ನೋಡಿಕೊಳ್ಳುವಂತೆ ಉತ್ತರ ಕೊಡ್ತಾರೆ.

ಅಂದು ಕ್ರಿಕೆಟ್​ ಮೈದಾನದಲ್ಲಿ ಹೊತ್ತಿ ಉರಿದಿದ್ದು, ಆಕ್ರೋಶದ ಜ್ವಾಲೆ. ಒಂದೊಂದು ಸಿಕ್ಸರ್​​ಗಳ ಹಿಂದಿದಿದ್ದು, ನಿಂದಿಸಿ-ಅವಮಾನಿಸಿದವರ ಮೇಲಿದ್ದ ಅಗಾಧವಾದ ಸಿಟ್ಟು. ಹಂಗಿಸಿ ಕಿಚಾಯಿಸಿದವರಿಗೆ ಉತ್ತರವಾಗಿ ಸಿಕ್ಕಿದ್ದು, ಶಾಂದಾರ್​​​ ಶತಕ. ಇದೆಲ್ಲದರ ರೂವಾರಿ ವಿಂಡೀಸ್​ ಆಲ್​​ರೌಂಡರ್​ ರಕೀಮ್​ ಕಾರ್ನವಾಲ್​.

ರಕೀಮ್​ ಕಾರ್ನವಾಲ್​ ಆಟಕ್ಕೆ ಉಘೇ.. ಉಘೇ..!

ನಿನ್ನೆಯಿಂದ ಸೋಷಿಯಲ್​ ಮೀಡಿಯಾ ಪ್ಲಾಟ್​​ಫಾರ್ಮ್​ನಲ್ಲಿ ವಿಂಡೀಸ್​ ಬ್ಯಾಟ್ಸ್​ಮನ್​ ರಕೀಮ್​ ಕಾರ್ನ್​​ವಾಲ್​ದ್ದೇ ಹವಾ. ಕೆರಿಬಿಯನ್​ ಪ್ರೀಮಿಯರ್​ ಲೀಗ್​ ಟೂರ್ನಿಯಲ್ಲಿ ಧೂಳಿಬ್ಬಿಸಿದ ರಕೀಮ್​ ಕಾರ್ನ್​​ವಾಲ್​, ಎಲ್ಲೆಡೆ ಬಿರುಗಾಳಿ ಎಬ್ಬಿಸಿದ್ದಾರೆ. ಕ್ರಿಕೆಟ್​ ಪಂಡಿತರು, ಮಾಜಿ ಕ್ರಿಕೆಟಿಗರು, ಫ್ಯಾನ್ಸ್​​ ಎಲ್ಲರೂ ಕಾರ್ನವಾಲ್​ ಆಟಕ್ಕೆ ಉಘೇ.. ಉಘೇ ಹೇಳ್ತಿದ್ದಾರೆ.

4 ಬೌಂಡರಿ, 12 ಸಿಕ್ಸರ್​​, ಅಬ್ಬಬ್ಬಾ.. ಏನ್​ ಆಟ.!

ಕೆರಿಬಿಯನ್​ ಪ್ರೀಮಿಯರ್​ ಲೀಗ್​ನ 18ನೇ ಪಂದ್ಯದಲ್ಲಿ ರಕೀಮ್​ ಕಾರ್ನವಾಲ್​ ಸಿಕ್ಸರ್​​ಗಳ​​ ಸುನಾಮಿಯನ್ನೇ ಸೃಷ್ಟಿಸಿದ್ರು. ಸೇಂಟ್​​ ಕಿಟ್ಸ್​ ವಿರುದ್ಧದ ಪಂದ್ಯದಲ್ಲಿ ಸಿಡಿಲಬ್ಬರ ಬ್ಯಾಟಿಂಗ್​ ನಡೆಸಿದ ಕಾರ್ನವಾಲ್​ ಚಚ್ಚಿದ್ದು ಬರೋಬ್ಬರಿ 12 ಸಿಕ್ಸರ್​​ಗಳನ್ನ. 221 ರನ್​ಗಳ ಟಾರ್ಗೆಟ್​ ಬೆನ್ನತ್ತಿದ ತಂಡದ ವಿಸ್ಫೋಟಕ ಆರಂಭ ಒದಗಿಸಿದ ಕಾರ್ನ್​ವಾಲ್​ ಜಸ್ಟ್​​ 45 ಎಸೆತಗಳಲ್ಲಿ ಸೆಂಚುರಿ ಸಿಡಿಸಿ ಘರ್ಜಿಸಿದ್ರು.

212.50ರ ಸ್ಟ್ರೈಕ್​​ರೇಟ್​ನಲ್ಲಿ ಬ್ಯಾಟ್​ ಬೀಸಿದ ಕಾರ್ನ್​ವಾಲ್​ ಫ್ಯಾನ್ಸ್​ ಫುಲ್​ ಟ್ರೀಟ್​ ನೀಡಿದ್ರು. ಇಷ್ಟೇ ಅಲ್ಲ, ಬಾರ್ಬೋಡೋಸ್​​ ರಾಯಲ್​​ ತಂಡದ ರಾಯಲ್​ ವಿಜಯದ ರೂವಾರಿಯಾದ್ರು.

ಸೆಂಚುರಿ ಇನ್ನಿಂಗ್ಸ್​ ಹಿಂದೆ ಧಗಧಗಿಸುತ್ತಿತ್ತು ಕಿಚ್ಚು.!

ಮೊನ್ನೆ ಬಾರ್ಬಡೋಸ್​ ಅಂಗಳದಲ್ಲಿ ಕಾರ್ನ್​ವಾಲ್​ ಬ್ಯಾಟ್​ನಿಂದ ಸಿಡಿದ ಒಂದೊಂದು ಸಿಕ್ಸರ್​ ಹಿಂದೆ ಆರದ ಕಿಚ್ಚಿತ್ತು. ಮನದಾಳದ ನೋವು, ಆಕ್ರೋಶ ಮೈದಾನದ ಮೂಲೆ ಮೂಲೆಗೂ ಬೌಂಡರಿ, ಸಿಕ್ಸರ್ ರೂಪದಲ್ಲಿ ಸಿಡಿದಿತ್ತು. ಕೆಲವೇ ದಿನಗಳ ಹಿಂದಾದ ಅವಮಾನ ಕಾರ್ನ್​ವಾಲ್​ ಮನದಾಳದಲ್ಲಿ ಜ್ವಾಲೆಯನ್ನ ಹೊತ್ತಿಸಿತ್ತು.

It was never in doubt, the Republic Bank Play of the Day is Rahkeem Cornwall's sensational century.#CPL23 #BRvSKNP #RepublicBank #CricketPlayedLouder #BiggestPartyInSport #Cornwall pic.twitter.com/ELvirLOtZk

— CPL T20 (@CPL) September 4, 2023

ಅದು ಟೂರ್ನಿಯ ಸೇಂಟ್​​ ಲೂಸಿಯಾ ಕಿಂಗ್ಸ್​ ವಿರುದ್ಧದ ಪಂದ್ಯ. ಆ ಪಂದ್ಯದಲ್ಲಿ ಬಾರ್ಬಡೋಸ್​ ರಾಯಲ್ಸ್​​ 202 ರನ್​ಗಳ ಬಿಗ್​ ಟಾರ್ಗೆಟ್​​ ಚೇಸ್​ ಮಾಡ್ಬೇಕಿತ್ತು. ಆದ್ರೆ, ಆರಂಭದಲ್ಲೇ ಕಾರ್ನ್​ವಾಲ್​ ರನೌಟ್​ ಆದ್ರು.

ಹೀಗೆ ರನೌಟ್​ ಆಗಿದ್ದೇ ಆಗಿದ್ದು, ಕಾರ್ನ್​​ವಾಲ್​ರ ದೇಹದ ತೂಕವನ್ನ ಗುರಿಯಾಗಿಸಿಕೊಂಡು ಟೀಕೆಗಳು ಸುರಿಮಳೆ ಸುರಿಯಿತು. ಕಾರ್ನ್​ವಾಲ್​ರನ್ನ ತೆಗುಳುವ ಭರದಲ್ಲಿ​ ದೇಹದ ತೂಕವನ್ನ ಎಳೆದು ತಂದು ಹಂಗಿಸಿದ್ರು. ಇದ್ರಿಂದ, ರಕೀಮ್​ ಕಾರ್ನ್​ವಾಲ್​ ಅನುಭವಿಸಿದ ಯಾತನೆ ಅಷ್ಟಿಷ್ಟಲ್ಲ.

2019ರಲ್ಲಿ ಟೆಸ್ಟ್​ ಕ್ರಿಕೆಟ್​​ಗೆ ಕಾರ್ನ್​ವಾಲ್​ ಡೆಬ್ಯೂ ಮಾಡಿದ ದಿನದಿಂದಲೂ ಈ ರೀತಿಯ ಅವಮಾನಗಳನ್ನ, ನಿಂದನೆಗಳನ್ನ ಅನುಭವಿಸಿದ್ದಾರೆ. ಇದೇ ಕಾರಣದಿಂದ ಹಲವು ಬಾರಿ ತಂಡದಲ್ಲಿ ಸ್ಥಾನ ವಂಚಿತರಾದ ಉದಾಹರಣೆ ಇದೆ. ಈ ತರಹದ ಕಾರ್ನ್​ವಾಲ್​ರಲ್ಲಿರೋ ಕ್ರಿಕೆಟ್​ ಆಡೋ ಕಿಚ್ಚು ಹೆಚ್ಚಾಗಿದ್ಯೂ ಹೊರತು ಕಡಿಮೆಯಾಗಿಲ್ಲ. ಅದಕ್ಕೆ ಈ ಸೆಂಚುರಿ ಇನ್ನಿಂಗ್ಸ್​ ಒಂದು ಎಕ್ಸಾಂಪಲ್​ ಅಷ್ಟೇ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ