ರಾಮಾಚಾರಿ ಸೀರಿಯಲ್​ಗೆ ವೀಕ್ಷಕರಿಂದ ಬರ್ತಿದೆ ಅದ್ಭುತ ರೆಸ್ಪಾನ್ಸ್

ಟ್ವಿಸ್ಟ್ ಮೇಲೆ ಟ್ವಿಸ್ಟ್​ ಪಡೆದುಕೊಳ್ಳುತ್ತಿದೆ ರಾಮಾಚಾರಿ ಧಾರಾವಾಹಿ

ರಾಮಾಚಾರಿ ಹಾಗೂ ಕೃಷ್ಣ ಎರಡು ಪಾತ್ರಕ್ಕೆ ​ಫ್ಯಾನ್ಸ್​ ಆಗಿದ್ದಾರೆ ಫಿದಾ

ರಾಮಾಚಾರಿ ಸೀರಿಯಲ್ ಕನ್ನಡ ಕಿರುತೆರೆಯಲ್ಲಿ ವೀಕ್ಷಕರ ಫೇವರೆಟ್​ ಆಗಿ ಉಳಿದುಕೊಂಡಿದೆ. ಇದೇ ಧಾರಾವಾಹಿಯಲ್ಲಿ ಇತ್ತೀಚೆಗೆ ಶುರುವಾಗಿದ್ದ ರಾಮಾಚಾರಿ ಹಾಗೂ ಚಾರು ಮದುವೆಯ ರೋಚಕ ತಿರುವು ಕೊನೆಗೂ ಅಂತ್ಯ ಕಂಡಿದೆ.

ಇದನ್ನೂ ಓದಿ: ಪಡ್ಡೆ ಹುಡುಗರ ನಿದ್ದೆಗೆಡಿಸಿದ ರಾಮಾಚಾರಿ ಬೆಡಗಿ.. ಚಾರು ಹಾಟ್​ ಫೋಟೋಸ್​ಗೆ ಫ್ಯಾನ್ಸ್​ ಫಿದಾ!

ರಾಮಾಚಾರಿಗೆ ಕೆಟ್ಟ ಹೆಸರು ತಂದು ಸಂಸಾರವನ್ನು ಹಾಳು ಮಾಡಬೇಕು ಅಂತಾ ಅಂದುಕೊಂಡಿದ್ದ ಮಾನ್ಯತಾ ಪ್ಲ್ಯಾನ್​ ಪ್ಲಾಫ್​ ಆಗಿದೆ. ಅಲ್ಲದೇ ಮುದ್ದಾದ ಮಗಳಿಗೆ ರಾಮಾಚಾರಿಯನ್ನು ಬಿಟ್ಟು ಬೇರೆ ಹುಡುಗನ ಜೊತೆಗೆ ಮದುವೆ ಮಾಡಿಸಬೇಕು ಅಂತ ಅಂದುಕೊಂಡಿದ್ದ ಮಾನ್ಯತಾ ಪ್ಲಾನ್​ ವರ್ಕ್​ ಆಗಿಲ್ಲ. ಪರಿಸ್ಥಿತಿ ಬದಲಾಗಿದ್ದು ಅಣ್ಣ-ತಮ್ಮ ಒಂದಾಗುವಂತೆ ಮಾಡಿದೆ. ಈ ಧಾರಾವಾಹಿ ಸಂಚಿಕೆಗಳು ರೋಚಕವಾಗಿ ಮೂಡಿಬರುತ್ತಿದ್ದು, ಕೊನೆಗೂ ಕುಟುಂಬಸ್ಥರ ಸಮ್ಮುಖದಲ್ಲಿ ಅದರಲ್ಲೂ ಪ್ರೀತಿಯ ತಮ್ಮ ಕೃಷ್ಣನ ಸಮ್ಮುಖದಲ್ಲಿ ರಾಮಾಚಾರಿ ಹಾಗೂ ಚಾರು ಅದ್ಧೂರಿಯಾಗಿ ಮದುವೆಯಾಗಿದ್ದಾರೆ.

ಕಲರ್ಸ್ ಕನ್ನಡದಲ್ಲಿ ರಾತ್ರಿ 9 ಗಂಟೆಗೆ ಮೂಡಿಬರುವ ‘ರಾಮಾಚಾರಿ’ ಸೀರಿಯಲ್ ರೋಚಕ ಟ್ವಿಸ್ಟ್ ಮೂಲಕ ವೀಕ್ಷಕರನ್ನು ಹಾಗೇ ಹಿಡಿದಿಟ್ಟುಕೊಂಡಿದೆ. ಅಂದ್ಹಾಗೆ ಸಿನಿಮಾ ರೇಂಜ್​​ನಲ್ಲಿ ಲಾಂಚ್ ಆಗಿದ್ದ ಈ ಧಾರಾವಾಹಿಗೆ ಸಿಕ್ಕಾಪಟ್ಟೆ ಅಭಿಮಾನಿಗಳ ಬಳಗ ಇದೆ. ಇನ್ನೂ, ರಾಮಾಚಾರಿ ಸೀರಿಯಲ್​ ಸೆಟ್​ನಲ್ಲಿ ಕಿರುತೆರೆ ನಟ ನಟಿಯರು ಹೇಗೆ ಏಂಜಾಯ್ ಮಾಡಿದ್ದಾರೆ ಎಂಬ ಪೋಮೋವನ್ನು ರಿಲೀಸ್ ಮಾಡಲಾಗಿದೆ. ಎಷ್ಟು ಖುಷಿ ಖುಷಿಯಾಗಿ ಸೀರಿಯಲ್ ಸೆಟ್​ನಲ್ಲಿ ಮದುವೆ ಮಾಡಲಾಗಿದೆ ಎಂದು ನೋಡಬಹುದಾಗಿದೆ.

 

View this post on Instagram

 

A post shared by Colors Kannada Official (@colorskannadaofficial)

ಹಲವು ರೋಚಕ ಸನ್ನಿವೇಶಗಳನ್ನು ಸೃಷ್ಟಿಸಿಕೊಂಡು ಮುನ್ನುಗ್ಗುತ್ತಿರುವ ರಾಮಚಾರಿ ಬದುಕಲ್ಲಿ ಮತ್ತೊಂದು ತಿರುವು ಸಿಕ್ಕಿದೆ. ಸತ್ತು ಮತ್ತೆ ಬದುಕಿ ಬಂದಿರುವ ಕೃಷ್ಣ ತನ್ನ ಅಸಲಿ ಆಟ ಶುರು ಮಾಡಿದ್ದಾರೆ. ತನಗಾಗಿ ಹಾಗೂ ತನ್ನ ಕುಟುಂಬದವರಿಗೆ ಕೆಟ್ಟದನ್ನು ಬಯಸುತ್ತಿದ್ದ ಪಾಪಿಯನ್ನು ಸಂಹಾರ​ ಮಾಡಲು ಪಣ ತೊಟ್ಟಿದ್ದಾರೆ. ಮುಂದಿನ ಎಪಿಸೋಡ್​ನಲ್ಲಿ ಕೃಷ್ಣ ಯಾವ ರೀತಿ ದುಷ್ಟರನ್ನು ಮಟ್ಟ ಹಾಕಲಿದ್ದಾನೆ ಎಂದು ಕಾದು ನೋಡಬೇಕಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ