ಗಿಬ್ಸ್ ನೋಡಿ ಆಸೀಸ್​ ಪ್ಲೇಯರ್​ ಅಂದುಕೊಂಡಿದ್ದೇ ಬೇರೆ

ಆತ್ಮಕಥೆ ಟು ದಿ ಪಾಯಿಂಟ್​​​​​​​ನಲ್ಲಿ ಗಿಬ್ಸ್ ಬರೆದುಕೊಂಡಿದ್ದೇನು?

400ಕ್ಕೂ ಹೆಚ್ಚು ರನ್​ಗಳನ್ನ​ ಟಾರ್ಗೆಟ್ ಮಾಡಿ ಗೆದ್ದಿದ್ದ ಆಫ್ರಿಕಾ

ಏಕದಿನ ಕ್ರಿಕೆಟ್​ನ ವಿಶ್ವ ದಾಖಲೆಯ ಚೇಸಿಂಗ್ ಇಂದಿಗೂ ಸೌತ್ ಆಫ್ರಿಕಾ ಹೆಸರಿನಲ್ಲಿದೆ. ಈ ಅಸಾಧ್ಯದ ದಾಖಲೆ ಕಾರಣ ಹರ್ಷಲ್ ಗಿಬ್ಸ್​. ಇಂಟ್ರೆಸ್ಟಿಗ್ ವಿಚಾರ ಅಂದ್ರೆ, ಹರ್ಷಲ್ ಗಿಬ್ಸ್​ರ ಸ್ಫೋಟಕ ಆಟದ ಹಿಂದೆ ಒಂದು ಸಖತ್​​ ಕಥೆ ಇದೆ. ಅದೇನು ಅನ್ನೋದೇ ಇವತ್ತಿನ ಸಖತ್ ಸ್ಟೋರಿ.

ಹರ್ಷಲ್ ಗಿಬ್ಸ್​, ಸೌತ್​ ಆಫ್ರಿಕಾದ ಲೆಜೆಂಡರಿ ಬ್ಯಾಟ್ಸ್​ಮನ್. ಸ್ಫೋಟಕ ಬ್ಯಾಟಿಂಗ್​ಗೆ ಹೆಸರುವಾಸಿ ಆಗಿರುವ ಹರ್ಷಲ್ ಗಿಬ್ಸ್​, ತಮ್ಮ ವೃತ್ತಿ ಜೀವನದಲ್ಲಿ ಅದೆಷ್ಟೋ ಮರೆಯಲಾಗದ ಇನ್ನಿಂಗ್ಸ್​ಗಳನ್ನ ಕಟ್ಟಿಕೊಟ್ಟಿದ್ದಾರೆ. ಇದ್ರಲ್ಲಿ ಜೋಹನ್​ಬರ್ಗ್​ನಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಕಟ್ಟಿದ 175 ರನ್​​ಗಳ ಇನ್ನಿಂಗ್ಸ್​ ಒಂದಾಗಿದೆ. ಹರ್ಷಲ್​​ ಗಿಬ್ಸ್​ರ ಈ ಅಮೋಘ ಇನ್ನಿಂಗ್ಸ್​ನಿಂದ ಸೌತ್ ಆಫ್ರಿಕಾ, ಇಂದಿಗೂ ಏಕದಿನ ಫಾರ್ಮೆಟ್​ನಲ್ಲಿ 400ಕ್ಕೂ ಅಧಿಕ ರನ್​ ಚೇಸ್​ ಮಾಡಿ ಗೆದ್ದ ಏಕೈಕ ತಂಡ ಎಂದು ಕ್ರಿಕೆಟ್ ಇತಿಹಾಸದಲ್ಲಿ ಅಚ್ಚಳಿಯದೆ ಉಳಿದಿದೆ.

ಹ್ಯಾಂಗ್ ಓವರ್​ನಲ್ಲಿ ಬ್ಯಾಟಿಂಗ್ ಮಾಡಿದ್ದ ಗಿಬ್ಸ್​

ಇಂಟ್ರೆಸ್ಟಿಂಗ್ ವಿಚಾರ ಏನಂದ್ರೆ, ಆಸ್ಟ್ರೇಲಿಯಾ ನೀಡಿದ್ದ 435 ರನ್​​ಗಳ ಗುರಿಯನ್ನ ಬೆನ್ನಟ್ಟಿದ್ದ ಸೌತ್ ಆಫ್ರಿಕಾ ಪರ ಅದ್ಭುತ ಇನ್ನಿಂಗ್ಸ್​ ಕಟ್ಟಿದ್ದ ಹರ್ಷಲ್​​ ಗಿಬ್ಸ್​​, ಅಂದು ಬ್ಯಾಟಿಂಗ್ ಮಾಡಿದ್ದು ಹ್ಯಾಂಗ್ ಓವರ್​ನಲ್ಲಿ ಅನ್ನೋದು ವಿಶೇಷ. ಪಂದ್ಯದ ಹಿಂದಿನ ರಾತ್ರಿ 1 ಗಂಟೆಯ ತನಕ ಕಂಟಪೂರ್ತಿ ಕುಡಿದಿದ್ದ ಹರ್ಷಲ್ ಗಿಬ್ಸ್​, ಗ್ಲಾಸ್​​ನ ಕೈಯಲ್ಲಿ ಹಿಡಿದುಕೊಂಡೇ ರೂಮ್​ಗೆ ಹೊರಟ್ಟಿದರು. ಇದನ್ನ ನೋಡಿದ್ದ ಮೈಕಲ್ ಹಸ್ಸಿ, ನಾಳೆಯ ಪಂದ್ಯದಲ್ಲಿ ಒಂದು ಫ್ರೀ ವಿಕೆಟ್ ಎಂದೇ ಭಾವಿಸಿದ್ರು.

ಗಿಬ್ಸ್​ನಿಂದ ಭರ್ಜರಿ 7 ಸಿಕ್ಸ್​, 21 ಬೌಂಡರಿ

ಅಷ್ಟೇ ಅಲ್ಲ, ಆರಂಭಿಕ ವಿಕೆಟ್ ಪತನದ ಬೆನ್ನಲ್ಲೇ ಬ್ಯಾಟ್​ ಬೀಸಲು ಬಂದಿದ್ದ ಹರ್ಷಲ್​​ ಗಿಬ್ಸ್​ನ ನೋಡಿ ಬಂದಷ್ಟೇ ಬೇಗ ಪೆವಿಲಿಯನ್ ಸೇರುತ್ತಾರೆ ಎಂದು ನಸು ನಕ್ಕಿದ್ದರು. ಆದರೆ, ಹ್ಯಾಂಗ್ ಓವರ್​ನಲ್ಲೇ ಸಿಡಿಲಬ್ಬರ ಬ್ಯಾಟಿಂಗ್ ನಡೆಸಿದ್ದ ಹರ್ಷಲ್​ ಗಿಬ್ಸ್​, 111 ಎಸೆತಗಳಲ್ಲಿ 21 ಬೌಂಡರಿ, 7 ಸಿಕ್ಸರ್​ ಒಳಗೊಂಡ ಬರೋಬ್ಬರಿ 175 ರನ್ ಚಚ್ಚಿದರು. ಆ ಮೂಲಕ ಪಂದ್ಯದ ಗೆಲುವಿನಲ್ಲಿ ಮಹತ್ತರ ಪಾತ್ರವನ್ನೇ ವಹಿಸಿದ್ದರು. ​​​​​​​​​ಈ ಪಂದ್ಯದಲ್ಲಿ ಪಂದ್ಯ ಶ್ರೇಷ್ಠ ಪ್ರಶಸ್ತಿಗೂ ಭಾಜನರಾಗಿದ್ದರು. ಈ ವಿಚಾರವನ್ನ ಹರ್ಷಲ್ ಗಿಬ್ಸ್​, ತಮ್ಮ ಅತ್ಮಕಥೆ ಟು ದಿ ಪಾಯಿಂಟ್​​​​​​​ನಲ್ಲಿ ಬರೆದುಕೊಂಡಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ