ಮೋಹಕ ಜಾಲ ಸೃಷ್ಟಿಸಿ ಮಧ್ಯ ರಾತ್ರಿ ಸುಲುಗೆ

ಬಾಂಬೆ ಮಾಡೆಲ್ ಇಟ್ಕೊಂಡು ಬೀಸ್ತಿದ್ರು ಬಲೆ

ಸುಂದರಿಯ ಮೋಹದ ಪಾಷಾಗೆ ಬಿದ್ದವರೆಷ್ಟು..?

ಬೆಂಗಳೂರು: ನಗರದ ಪುಟ್ಟೇನಹಳ್ಳಿ ಪೊಲೀಸರು ಹೈಟೆಕ್ ಹನಿಟ್ರ್ಯಾಪ್ ಜಾಲವನ್ನು ಖೆಡ್ಡಾಗೆ ಕೆಡಗಿದ್ದಾರೆ. ಮೋಹದ ಜಾಲ ಬೀಳಿಸಿ ಹಣ ಮಾಡುವ ದಂಧೆಗೆ ಇಳಿದಿದ್ದ ಓರ್ವ ಯುವತಿ ಸೇರಿ ಐವರ ಖತರ್ನಾಕ್ ಗ್ಯಾಂಗ್​ನ ಕೃತ್ಯವನ್ನು ಭೇದಿಸಿದ್ದಾರೆ.

ಶರಣ ಪ್ರಕಾಶ್ ಬಳಿಗೇರ, ಅಬ್ದುಲ್ ಖಾದರ್, ಯಾಸಿನ್ ಎಂಬ ಮೂವರು ಆರೋಪಿಗಳನ್ನು ಬಂಧಿಸಿದ್ದಾರೆ. ನದೀಮ್ ಮತ್ತು ಯುವತಿ ನೇಹಾ ಅಲಿಯಾಸ್ ಮೆಹರ್ ಎಸ್ಕೇಪ್ ಆಗಿದ್ದಾರೆ. 20 ವರ್ಷ ಯುವಕರಿಂದ ಹಿಡಿದು 50 ವರ್ಷದ ವ್ಯಕ್ತಿಗಳನ್ನೇ ಈ ಗ್ಯಾಂಗ್ ಟಾರ್ಗೆಟ್ ಮಾಡುತ್ತಿತ್ತು.

ಇವರ ಮೇಲಿರುವ ಆರೋಪ ಏನು..?

ಟೆಲಿಗ್ರಾಮ್ ಮೂಲಕ ಮಿಕಾಗಳನ್ನು ಸಂಪರ್ಕ ಮಾಡುತ್ತಿದ್ದ ನೇಹಾ ಅಲಿಯಾಸ್ ಮೆಹರ್, ಸ್ನೇಹ ಮಾಡಿಕೊಂಡು ಲೈಂಗಿಕ ಕ್ರಿಯೆಗೆ ಕರೆಸಿಕೊಳ್ತಿದ್ದಳು. ಆಕೆಯ ಮಾತಿಗೆ ಮೋಡಿಯಾದವರನ್ನು ಜೆಪಿ ನಗರ ಐದನೇ ಹಂತದಲ್ಲಿರುವ ಮನೆಗೆ ಬರುತ್ತಿದ್ದರು. ಮನೆಯ ಬೆಲ್ ಮಾಡ್ತಿದ್ದಂತೆ ಬಿಕಿನಿಯಲ್ಲಿ ಆಕೆ ಸ್ವಾಗತ ಕೋರುತ್ತಿದ್ದಳಂತೆ.

 

ಆತ್ಮೀಯವಾಗಿ ತಬ್ಬಿ ಸ್ವಾಗತಿಸಿ ರತಿಕ್ರೀಡೆಗೆ ಮಂಚ ಏರುತ್ತಿದ್ದಳಂತೆ. ಅಷ್ಟರಲ್ಲೇ ಮನೆಯೊಳಗೆ ಅತಿಥಿಗಳು ಎಂಟ್ರಿ ಆಗುತ್ತಿದ್ದರು. ಬರುತ್ತಿದ್ದಂತೆಯೇ, ಆತನ ಫೋಮ್​ ಕಸಿದುಕೊಂಡು ಸ್ನೆಹಿತರ ನಂಬರ್ ನೋಟ್ ಮಾಡಿಕೊಳ್ಳುತ್ತಿದ್ದರು. ಬಳಿಕ ಯುವತಿ ಜೊತೆಗಿನ ದೃಶ್ಯವನ್ನು ಮೊಬೈಲ್​ನಲ್ಲಿ ಸೆರೆ ಹಿಡಿಯುತ್ತಿದ್ದರು.

ಇಷ್ಟೆಲ್ಲ ಆದ ಬಳಿಕ ಹಣಕ್ಕಾಗಿ ಡಿಮ್ಯಾಂಡ್ ಮಾಡುತ್ತಿದ್ದರು. ಹಣ ಕೊಡದಿದ್ರೆ ವಿಡಿಯೋವನ್ನು ಸ್ನೇಹಿತರಿಗೆ, ಸಂಬಂಧಿಕರಿಗೆ ಹಾಗೂ ಕುಟುಂಬಸ್ಥರಿಗೆ ಕಳುಹಿಸೋದಾಗಿ ಬೆದರಿಕೆ ಹಾಕುತ್ತಿದ್ದರು. ಅಷ್ಟಕ್ಕೂ ಬಗ್ಗದಿದ್ದರೆ ಯುವತಿ ಮುಸ್ಲಿಂ ಆಗಿದ್ದಾಳೆ, ಆಕೆಯನ್ನು ಮದುವೆ ಆಗುವಂತೆ ಡ್ರಾಮಾ ಮಾಡುತ್ತಿದ್ದರು. ಮದುವೆ ಆಗಬೇಕಾದರೆ ಕತ್ನಾ ಮಾಡಿಸಬೇಕು ಎಂದು ಧಮ್ಕಿ ಹಾಕಿ, ಇಸ್ಲಾಂ ಧರ್ಮಕ್ಕೆ ಕನ್ವರ್ಟ್ ಆಗುವಂತೆ ಬೆದರಿಕೆ ಹಾಕುತ್ತಿದ್ದರಂತೆ. ಈ ರೀತಿ ಬೆದರಿಸಿ ಹಣಕ್ಕೆ ಡಿಮ್ಯಾಂಡ್ ಮಾಡುತ್ತಿದ್ದರು ಎನ್ನಲಾಗಿದೆ.

ಇದೇ ರೀತಿ ಮೋಸ ಹೋಗಿದ್ದ ವ್ಯಕ್ತಿಯೊಬ್ಬ ಪುಟ್ಟೇನಹಳ್ಳಿ ಪೊಲೀಸ್ ಠಾಣೆಗೆ ಬಂದು ದೂರು ನೀಡಿದ್ದ. ದೂರು ಆಧರಿಸಿ ತನಿಖೆಗೆ ಮುಂದಾಗಿದ್ದ ಪೊಲೀಸರು ಸ್ಫೋಟಕ ಮಾಹಿತಿಗಳನ್ನು ಕಲೆ ಹಾಕಿದ್ದಾರೆ. ಸದ್ಯ ಮೂವರನ್ನು ಬಂಧಿಸಿದ್ದು, ಇಲ್ಲಿಯವರೆಗೆ 12ಕ್ಕೂ ಹೆಚ್ಚು ಜನರನ್ನು ಹನಿಟ್ರ್ಯಾಪ್ ಬಲೆಗೆ ಬೀಳಿಸಿದ್ದಾರೆ. ಒಟ್ಟು 30ಕ್ಕೂ ಹೆಚ್ಚು ಲಕ್ಷ ಹಣವನ್ನು ವರ್ಗಾಯಿಸಿಕೊಂಡಿದ್ದಾರೆ ಎನ್ನಲಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ