ವೀಡಿಯೋ ಕಾಲ್​ನಲ್ಲಿ ಮಹಿಳೆ ಅಸಲಿ ಮುಖ ಕಂಡು ಸಂಸದ ಶಾಕ್​

ಕಳೆದ 20ನೇ ತಾರೀಖಿನಂದು ಜಿ.ಎಂ. ಸಿದ್ದೇಶ್ವರ್​ಗೆ ಬೀಸಿದ್ದ ಬಲೆ

ಅಪರಿಚಿತ ಮಹಿಳೆ ಮೆಸೇಜ್​ಗೆ ಯಾವುದೇ ಪ್ರತಿಕ್ರಿಯೆ ನೀಡದ ಸಂಸದ

ದಾವಣಗೆರೆ: ಇತ್ತೀಚೆಗೆ ಹನಿಟ್ರ್ಯಾಪ್ ಪ್ರಕರಣಗಳು ಹೆಚ್ಚಾಗುತ್ತಲೇ ಇವೆ. ಹುಡುಗಿಯರು ದೊಡ್ಡ ದೊಡ್ಡ ಕುಳಗಳನ್ನ ಮತ್ತು ವಯಸ್ಸಾದವರನ್ನ ಟಾರ್ಗೆಟ್​ ಮಾಡಿ ತಮ್ಮ ಮೋಹದ ಬಲೆಯಲ್ಲಿ ಬೀಳಿಸಿಕೊಳ್ಳಲು ಯತ್ನಿಸ್ತಾರೆ. ಅದೇ ರೀತಿ ದಾವಣಗೆರೆ ಸಂಸದ ಜಿ.ಎಂ. ಸಿದ್ದೇಶ್ವರ್ ಅವರನ್ನು ಹನಿಟ್ರ್ಯಾಪ್ ಮಾಡಲು ಪ್ರಯತ್ನ ನಡೆದಿತ್ತು ಅನ್ನೋ ಆರೋಪ ಕೇಳಿಬಂದಿದೆ.

ವಾರದ ಹಿಂದೆ ಜುಲೈ 20ನೇ ತಾರೀಖಿನಂದು ಸಂಸದ ಜಿ.ಎಂ. ಸಿದ್ದೇಶ್ವರ್​ಗೆ ಬಲೆ ಬೀಸಿದ್ದ ಹನಿಟ್ರ್ಯಾಪ್ ಗ್ಯಾಂಗ್, ಮೊದಲು ಮೆಸೇಜ್​ ಮಾಡಿದ್ದಾರೆ. ನಂತರ ಬೆತ್ತಲೆ ವಿಡಿಯೋ ಕಾಲ್ ಮಾಡಿದ್ದಾರೆ ಎನ್ನಲಾಗಿದೆ. ರಾತ್ರಿ 10.16ಕ್ಕೆ ಅಪರಿಚಿತ ನಂಬರ್​ನಿಂದ ಮಹಿಳೆಯೊಬ್ಬರು ಮೆಸೇಜ್​ ಮಾಡಿದ್ದಾರೆ. Hi How Are You…? ಅಂತ ಮೆಸೇಜ್ ಬಂದಿದ್ದನ್ನ ನೋಡಿ ಸಿದ್ದೇಶ್ವರ್​​ ಅದನ್ನ ತಿರಸ್ಕರಿಸಿದ್ದರು. ಯಾವುದೇ ಪ್ರತಿಕ್ರಿಯೆ ಕೊಟ್ಟಿರಲಿಲ್ಲ. ಅಷ್ಟಕ್ಕೇ ಸುಮ್ಮನಾಗದ ಮಹಿಳೆ ಮತ್ತೆ 10.22ಕ್ಕೆ ದಿಢೀರ್ ಅಂತ ವಿಡಿಯೋ ಕಾಲ್ ಮಾಡಿದ್ದಾಳೆ ಎನ್ನಲಾಗಿದೆ.

ವೀಡಿಯೋ ಕಾಲ್​ನಲ್ಲಿ ಬೆತ್ತಲೆಯಾಗಿದ್ದ ಮಹಿಳೆ ಕಂಡು ಸಂಸದರು ಶಾಕ್​ ಆಗಿದ್ದಾರೆ. ಬೆಂಗಳೂರಿನ ಕಿಂಗ್​ ಫಿಷರ್​ ಟವರ್ಸ್​​ನಲ್ಲಿದ್ದಾಗ ಕರೆ ಮಾಡಿದ್ದ ಲೇಡಿ ಕೊಟ್ಟ ಕ್ವಾಟ್ಲೆಗೆ ಸಂಸದರು ದೂರು ದಾಖಲಿಸಿದ್ದಾರೆ. ಕೂಡಲೇ ಈ ಬಗ್ಗೆ ಕಮರ್ಷಿಯಲ್ ಸ್ಟ್ರೀಟ್ ಠಾಣೆಯಲ್ಲಿ FIR ದಾಖಲಾಗಿದ್ದು, ಪೊಲೀಸರು ನಂಬರ್ ಪಡೆದು ತನಿಖೆ ನಡೆಸುತ್ತಿದ್ದಾರೆ. ಅದು ಏನೇ ಇರಲಿ ಸಾಮಾನ್ಯ ಜನರಿಗೆ ಮಾತ್ರ ಬರ್ತಿದ್ದ ಇಂತಹ ಕರೆ ಮತ್ತು ಮೆಸೇಜ್​ಗಳು ಈಗ ಸಂಸದ ಮೊಬೈಲ್​ ಬಾಗಿಲು ತಟ್ಟಿದ್ದು ಪೊಲೀಸರನ್ನ ಬಡಿದೆಬ್ಬಿಸುವಂತೆ ಮಾಡಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ