ತರಕಾರಿ, ದಿನಸಿ ಸಾಮಾನು ಆಯ್ತು

ಹಾಲಿನ ಬೆಲೆ ಕೂಡ ಏರಿಕೆ ಆಯ್ತು

ಈಗ ಹೋಟೆಲ್​ ಊಟದ ಸರದಿ..!

ಬೆಂಗಳೂರು: ಟೊಮ್ಯಾಟೋ ಆಯ್ತು, ತರಕಾರಿ ಆಯ್ತು, ಬೇಳೆ ಕಾಳು, ಕಾಫಿ ಪೌಡರ್​​ ಆಯ್ತು, ಮೊಟ್ಟೆ- ಮಾಂಸ ಎಲ್ಲವೂ ತನ್ನ ಬೆಲೆಯನ್ನ ಏರಿಕೊಂಡಿದ್ದಾಯ್ತು. ಇಷ್ಟೇ ಇನ್ಮುಂದೆ ನಮ್ಮ ಜೇಬಲ್ಲಿರೋ ದುಡ್ಡು ಫುಲ್​ ಖಾಲಿ ಅಂದಿದ್ದೆವು. ಈ ಮಧ್ಯೆ ಸ್ವಲ್ಪ ತಡೆಯಿರಿ ನಾವು ಚೂರು ಬೆಲೆ ಏರಿಕೆ ಮಾಡ್ತೀವಿ ಎಂದು ಹೋಟೆಲ್​​​ ಮಾಲೀಕರು ಮುಂದಾಗಿದ್ದಾರೆ. ಇಂದಿನಿಂದ ಹೋಟೆಲ್​​ನಲ್ಲಿ ಊಟ, ತಿಂಡಿ ದುಬಾರಿ ಆಗಿದೆ.

ಹೌದು, ಬೆಲೆ ಏರಿಕೆ ಪಟ್ಟಿಗೆ ಇಂದಿನಿಂದ ಹೋಟೆಲ್​ ಫುಡ್ ದರವೂ ಸೇರ್ಪಡೆಯಾಗಲಿದೆ. ತಿಂಡಿಗಳ ಬೆಲೆಯನ್ನ ಶೇಕಡಾ 10ರಷ್ಟು ಏರಿಕೆ ಮಾಡಲು ಹೋಟೆಲ್ ಅಸೋಸಿಯೇಷನ್ ನಿರ್ಧಾರ ಮಾಡಿದೆ. ಸದ್ಯ ಗ್ಯಾಸ್, ದಿನಸಿ, ತರಕಾರಿ ಬೆಲೆ ಗಗನಕ್ಕೇರಿದೆ. ಹೀಗಾಗಿ ಕಾಫಿ-ಟೀ, ಊಟ- ತಿಂಡಿಗಳ ದರ‌‌ವನ್ನು ಹೆಚ್ಚಿಸಲಾಗುತ್ತದೆ.

ಇನ್ಮುಂದೆ ಹೋಟೆಲ್​​ ಫುಡ್​ ದುಬಾರಿ

ರೈಸ್ ಬಾತ್- 44-55 ರೂ.
ಇಡ್ಲಿ- 35-45 ರೂ.
ಸೆಟ್ ದೋಸೆ- 65-70 ರೂ.
ಬೆಣ್ಣೆ ಮಸಾಲೆ- 80 ರೂ.
ಚೌಚೌ ಬಾತ್- 45-55 ರೂ.
ಪೂರಿ- 55-65 ರೂ.
ಮಿನಿ ಮೀಲ್ಸ್-75 – 80 ರೂ.
ರೈಸ್ – ಸಾಂಬಾರ್- 45-55 ರೂ.
ಕಾಫಿ-ಟೀ- 15-18 ರೂ.
ಚಪಾತಿ (ಎರಡಕ್ಕೆ)- 45-65 ರೂ.

ಬರೀ ಫುಡ್​ ಅಷ್ಟೇ ಅಲ್ಲ, ಇಂದಿನಿಂದ ನಂದಿನ ಹಾಲಿನ ದರ ಕೂಡ ಹೆಚ್ಚಳವಾಗಲಿದೆ. ನಂದಿನಿ ಹಾಲಿನ ದರವನ್ನ ಪ್ರತಿ ಲೀಟರ್‌ಗೆ 3ರಷ್ಟು ಹೆಚ್ಚಳ ಮಾಡಲು ಸರ್ಕಾರ ನಿರ್ಧರಿಸಿದೆ. ಜುಲೈ 21ರಂದು ನಡೆದ ಸಭೆಯಲ್ಲಿಯೇ ಈ ಬಗ್ಗೆ ನಿರ್ಧರಿಸಿ ಸಿಎಂ ಸಿದ್ದರಾಮಯ್ಯ ಆಗಸ್ಟ್​​ 1 ರಿಂದ ಅಧಿಕೃತವಾಗಿ ಜಾರಿಗೆ ಬರುವಂತೆ ಸೂಚನೆ ನೀಡಿದ್ರು.

ಒಟ್ನಲ್ಲಿ ಗ್ಯಾರಂಟಿ ಖುಷಿಯಲ್ಲಿ ತೇಲಾಡುತ್ತಿದ್ದವರಿಗೆ ಬೆಲೆ ಏರಿಕೆ ಶಾಕ್​ ತಟ್ಟಿದ್ದು, ಗ್ರಾಹಕರ ಜೇಬಿಗೆ ಕತ್ತರಿ ಹಾಕುವ ಹುನ್ನಾರ ಎಂದು ಸಿಟಿ ಮಂದಿ ಗರಂ ಆಗಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ