ಅಕ್ಟೋಬರ್ 15 ರಂದು ನಡೆಯುವ ವಿಶ್ವಕಪ್ ಪಂದ್ಯ

ಐಷರಾಮಿ ಹೋಟೆಲ್​ಗಳ ಬಾಡಿಗೆ 10 ಪಟ್ಟು ಹೆಚ್ಚಳ

ಎಷ್ಟು ಮಂದಿ ರೂಮ್ಸ್ ಬುಕ್ ಮಾಡುವ ನಿರೀಕ್ಷೆ ಇದೆ?

ವಿಶ್ವಕಪ್​​ನ ಹೈ-ವೋಲ್ಟೇಜ್ ಕದನಕ್ಕೆ ಮುಹೂರ್ತ ಫಿಕ್ಸ್ ಆಗಿದೆ. ಅಕ್ಟೋಬರ್ 15 ರಂದು ಭಾರತ-ಪಾಕಿಸ್ತಾನ ತಂಡಗಳು ಗುಜರಾತ್​ನ ಅಹ್ಮದಾಬಾದ್​ನಲ್ಲಿ ಸೆಣಸಾಟ ನಡೆಸಲಿವೆ. ಅದಕ್ಕಾಗಿ ಸಕಲ ಸಿದ್ಧತೆಗಳು ನಡೆಯುತ್ತಿದ್ದು, ಟಿಕೆಟ್​​ ಖರೀದಿಸಲು ಅಭಿಮಾನಿಗಳು ಕಾದು ಕೂತಿದ್ದಾರೆ.

ಇದೆಲ್ಲದರ ಮಧ್ಯೆ ಅಹ್ಮದಾಬಾದ್​ನಲ್ಲಿರುವ ಹೋಟೆಲ್​​ಗಳಿಗೆ ಭಾರೀ ಬೇಡಿಕೆ ಬಂದಿದೆ. ಅಕ್ಟೋಬರ್ 15 ರಂದು ನಡೆಯುವ ಪಂದ್ಯ ವೀಕ್ಷಣೆಗಾಗಿ ಈಗಾಲೇ ಹೋಟೆಲ್ ಬುಕ್ಕಿಂಗ್ ಶುರುವಾಗಿದೆ. ಪರಿಣಾಮ ಹೋಟೆಲ್​ ರೂಮ್​ಗಳ ರೇಟ್, ನಿರೀಕ್ಷೆಗೂ ಮೀರಿ ಹೆಚ್ಚಾಗಿದೆ. ವರದಿಗಳ ಪ್ರಕರ ಸುಮಾರು 10 ಪಟ್ಟು ಹೋಟೆಲ್​ ರೂಮ್​ ರೇಟ್ ಹೆಚ್ಚಾಗಿದೆ.

ಕೆಲವು ಐಷರಾಮಿ ಹೋಟೆಲ್​ಗಳು ಸುಮಾರು 50 ಸಾವಿರದಿಂದ ಒಂದು ಲಕ್ಷ ರೂಪಾಯಿವರೆಗೆ ಏರಿಸಿವೆ. ಈ ಎಲ್ಲಾ ಲಕ್ಸುರಿ ಹೋಟೆಲ್​ಗಳು ಸಾಮಾನ್ಯ ದಿನಗಳಲ್ಲಿ 5000 ಇಂದ 8000 ರೂಪಾಯಿವರೆಗೆ ಶುಲ್ಕ ವಿಧಿಸುತ್ತಿದ್ದವು. ಅಹ್ಮದಾಬಾದ್​​ನಲ್ಲಿ ಒಟ್ಟು 5 ವಿಶ್ವಕಪ್ ಪಂದ್ಯಗಳು ನಡೆಯಲಿವೆ. ಉದ್ಘಾಟನಾ ಪಂದ್ಯ ಸೇರಿ ಫೈನಲ್ ಪಂದ್ಯ ಕೂಡ ಇಲ್ಲಿಯೇ ನಡೆಯಲಿದೆ. ಅಹ್ಮದಾಬಾದ್ ನಗರವು ಇದೇ ಮೊದಲ ಬಾರಿಗೆ ​ ಬಿಗ್​​ ಕ್ರಿಕೆಟ್ ಪಂದ್ಯಗಳನ್ನು ಆಯೋಜಿಸುತ್ತಿದೆ.

ಒಂದು ಮಾಹಿತಿ ಪ್ರಕಾರ ನಿಗಧಿತ ಹೋಟೆಲ್​ಗಳಲ್ಲಿ ಒಟ್ಟು 10,000 ರೂಮ್​ಗಳಿವೆ. ಭಾರತ-ಪಾಕ್ ಪಂದ್ಯದ ವೇಳೆ 40,000 ಅಭಿಮಾನಿಗಳು ಬುಕ್ ಮಾಡುವ ನಿರೀಕ್ಷೆ ಇದೆ. ಇನ್ನು, ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಒಂದು ಲಕ್ಷ ಮಂದಿ ಕೂತು ಪಂದ್ಯವನ್ನು ವೀಕ್ಷಣೆ ಮಾಡಬಹುದಾಗಿದೆ.

ಐಷಾರಾಮಿ ಹೋಟೆಲ್​​ಗಳು ವಿಶ್ವಕಪ್ ಪಂದ್ಯಗಳ ಅವಧಿಯಲ್ಲಿ ಬಾಡಿಗೆ ದರವನ್ನು ಹೆಚ್ಚಿಸಿವೆ. ಜೊತೆಗೆ ವಿವಿಧ ಕೋಟಾದಡಿ ನೀಡುತ್ತಿದ್ದ ಬುಕ್ಕಿಂಗ್ ವ್ಯವಸ್ಥೆಯನ್ನೂ ಬಂದ್ ಮಾಡಲಾಗಿದೆ ಎಂದು ಗುಜರಾತ್ ಹೋಟೆಲ್ ಮತ್ತು ರೆಸ್ಟೋರೆಂಟ್ ಅಸೋಸಿಯೇಷನ್​ನ ಅಧ್ಯಕ್ಷ ನರೇಂದ್ರ ಸೋಮನಿ ತಿಳಿಸಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ