ಇದು ಬ್ಯಾಟ್ಸ್​​ಮನ್​ ಸಚಿನ್​ ಕಥೆಯಲ್ಲ, ಬೌಲರ್​ ತೆಂಡೂಲ್ಕರ್​​ ಕಥೆ

ಅಂದು ಬೌಲರ್​ ಆಗಬೇಕು ಅನ್ನೋ ಸಚಿನ್​ ಆಸೆ ನುಚ್ಚು ನೂರಾಯ್ತು

ಅಂದು ರಿಜೆಕ್ಟ್​ ಆಗಿದ್ದ ಸಚಿನ್ ತೆಂಡೂಲ್ಕರ್​ ಇಮದು ಕ್ರಿಕೆಟ್​ಗೆ ದೇವರು

ಕ್ರಿಕೆಟ್ ದೇವರು ಸಚಿನ್​ ತೆಂಡುಲ್ಕರ್​​ ಆಟವನ್ನ ಸಂಭ್ರಮಿಸಿದವರು, ಆರಾಧಿಸಿದವರು ಇಡೀ ವಿಶ್ವದ ತುಂಬಾ ಇದ್ದಾರೆ. ಮಾಸ್ಟರ್​ ಬ್ಲಾಸ್ಟರ್​​​ ಆಟಕ್ಕೆ ತಲೆದೂಗದ ಕ್ರಿಕೆಟ್​ ಪ್ರೇಮಿಯೇ ಇಲ್ಲ. ಆದ್ರೆ, ಸಚಿನ್​ ಕ್ರಿಕೆಟರ್​ ಆಗಬೇಕು ಅನ್ನೋ ಕನಸು ಕಂಡಾಗ ಆಗಿದ್ದು ರಿಜೆಕ್ಟ್​.! ಇದು ಬ್ಯಾಟ್ಸ್​​ಮನ್​ ಸಚಿನ್​ ಕಥೆಯಲ್ಲ. ಬೌಲರ್​ ಸಚಿನ್​ ಕಥೆ.

ಕ್ರಿಕೆಟ್​​ ದೇವರು ಸಚಿನ್​ ತೆಂಡುಲ್ಕರ್​ ಆಟಕ್ಕೆ ಇಡೀ ವಿಶ್ವವೇ ತಲೆ ಬಾಗಿದೆ. ಮಾಂತ್ರಿಕ ಬ್ಯಾಟಿಂಗ್​ಗೆ ದಿಗ್ಗಜರು ದಂಗಾದ್ರೆ, ಅಭಿಮಾನಿಗಳು ಮಂತ್ರಮುಗ್ಧರಾಗಿದ್ದಾರೆ. 24 ವರ್ಷಗಳ ಕ್ರಿಕೆಟ್​​ ಕರಿಯರ್​ನಲ್ಲಿ ಮಾಸ್ಟರ್​ ಬ್ಲಾಸ್ಟರ್​ ಮಾಡದ ಸಾಧನೆಯಿಲ್ಲ. ಬರೆಯದ ದಾಖಲೆಗಳಿಲ್ಲ. ಕ್ರಿಕೆಟ್​ ಲೋಕಕ್ಕೆ ಗುಡ್​ ಬೈ ಹೇಳಿ 10 ವರ್ಷಗಳೇ ಕಳೆದ್ರೂ ಇಂದಿಗೂ ಹಲ ದಾಖಲೆಗಳಿಗೆ ಸಚಿನ್​ ಒಡೆಯ.

ಕ್ರಿಕೆಟ್​​ ಲೋಕದಲ್ಲಿ ಅಸಾಧ್ಯವಾದುದನ್ನ ಸಾಧಿಸಿರುವ ಈ ಸಚಿನ್​ ತೆಂಡುಲ್ಕರ್​ರ ಕ್ರಿಕೆಟ್​ ಕರಿಯರ್​ ಆರಂಭವಾದ ಕಥೆಯೇ ವಿಚಿತ್ರವಾಗಿದೆ. ಆರಂಭಿಕ ದಿನಗಳಲ್ಲಿ ಕ್ರಿಕೆಟರ್​ ಆಗೋ ಕನಸು ಕಂಡಿದ್ದ ಸಚಿನ್​ಗಿದ್ದಿದ್ದು ಬೌಲರ್​ ಆಗಬೇಕು ಅನ್ನೋ ಆಸೆ. ಈ ನಿಟ್ಟಿಯಲ್ಲಿ ಪರಿಶ್ರಮ ಪಡ್ತಿದ್ದ ತೆಂಡುಲ್ಕರ್​​, 1987ರಲ್ಲಿ ಬೌಲಿಂಗ್​ ಪಟ್ಟುಗಳನ್ನ ಕಲಿಯಲು MRF ಪೇಸ್​ ಪೌಂಡೇಶನ್​ನ ಕದ ತಟ್ಟಿದ್ರಂತೆ. ಆದ್ರೆ ಅಲ್ಲಿ ಆಗಿದ್ದು ನಿರಾಸೆ. ಟ್ರಯಲ್ಸ್​ನಲ್ಲಿ ಸಚಿನ್ ರನ್ನ ಪೇಸ್​​ ಪೌಂಡೇಶನ್​​ ರಿಜೆಕ್ಟ್​ ಮಾಡಿತ್ತು. ಆಗಲೇ ಬೌಲಿಂಗ್​ನಿಂದ ಬ್ಯಾಟಿಂಗ್​ ನಡೆಗೆ ಸಚಿನ್​ ಸ್ವಿಚ್​ ಆಗಿದ್ದು. ಆಮೇಲೆ ಏನಾಯ್ತು ಅನ್ನೋದನ್ನ ನಾವ್​ ಬಿಡಿಸಿಹೇಳಬೇಕಾ.? ರಿಜೆಕ್ಟ್​ ಆಗಿದ್ದ ಪುಟ್ಟ ಸಚಿನ್, ಈಗ ಕ್ರಿಕೆಟ್​​ಗೆ ದೇವರು..!

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ