ಕೊನೆ ಪಂದ್ಯದಲ್ಲಿ ಅಫ್ಘಾನ್​ ಗೆದ್ದರೇ ಪಾಕಿಸ್ತಾನಕ್ಕೆ ಸಂಕಷ್ಟ ಆಗುತ್ತಾ?

ಈಗಾಗಲೇ 8 ಪಂದ್ಯಗಳನ್ನು ಸತತವಾಗಿ ಗೆದ್ದಿರುವ ಟೀಮ್ ಇಂಡಿಯಾ

ಸೆಮೀಸ್​​​ ಆಡಬೇಕಾದರೆ ಪಾಕ್ ಕೊನೆ ಪಂದ್ಯ ಯಾರ ಜತೆ ಗೆಲ್ಲಬೇಕು? ​

ಸೋಲಿಲ್ಲದ ಧೀರನಾಗಿ ಟೀಮ್​ ಇಂಡಿಯಾ ವಿಶ್ವಕಪ್​ ಟೂರ್ನಿಯಲ್ಲಿ ಮುನ್ನುಗ್ಗುತ್ತಿದ್ದು ಈಗಾಗಲೇ ಸೆಮಿಫೈನಲ್​ ತಲುಪಿದೆ. ನೆದರ್​​ಲ್ಯಾಂಡ್ಸ್​ ವಿರುದ್ಧದ ಕೊನೆ ಪಂದ್ಯ ಆಡುತ್ತಿರುವ ಭಾರತಕ್ಕೆ ಕೇವಲ ಔಪಚಾರಿಕವಾಗಿದೆ. ಆದ್ರೆ ಸೆಮಿಫೈನಲ್​​ನಲ್ಲಿ ಭಾರತ-ಪಾಕ್ ಎದುರಾಗಬೇಕಾದ್ರೆ, ಇಂಗ್ಲೆಂಡ್​ ಜೊತೆಗಿನ ಪಂದ್ಯವನ್ನು ಬಾಬರ್​ ಟೀಮ್ ​ಗೆದ್ದರೇ ಮಾತ್ರ ಅಭಿಮಾನಿಗಳು ಮತ್ತೆ ಇಂಡೋ-ಪಾಕ್​ ಮ್ಯಾಚ್​ ಅನ್ನು ಮತ್ತೊಮ್ಮೆ ಕಣ್ಣು ತುಂಬಿಕೊಳ್ಳಬಹುದು.

ವಿಶ್ವಕಪ್​ ಪಾಯಿಂಟ್ಸ್​​ ಟೇಬಲ್​ನಲ್ಲಿ ಭಾರತ ಅಗ್ರಸ್ಥಾನದಲ್ಲಿದ್ದು, ಸೆಮಿಫೈನಲ್​ ಮ್ಯಾಚ್ ಅನ್ನು ಟೇಬಲ್​ನ 4ನೇ ಸ್ಥಾನದಲ್ಲಿರುವ ತಂಡದ ಜೊತೆ ಆಡಲಿದೆ. ಸದ್ಯಕ್ಕೆ ನಾಲ್ಕನೇ ಪಾಕಿಸ್ತಾನ ಈ 4ನೇ ಸ್ಥಾನಕ್ಕೆ ಬರಬೇಕಾದರೆ ಇಂಗ್ಲೆಂಡ್​ ವಿರುದ್ಧದ ಪಂದ್ಯ ತುಂಬಾ ಮಹತ್ವ ಪಡೆದುಕೊಂಡಿದೆ. ಈ ಪಂದ್ಯವನ್ನು ಗೆದ್ದರೇ ಮಾತ್ರ ಈ ಟೂರ್ನಿಯಲ್ಲಿ ಇಂಡಿಯಾ-ಪಾಕ್​ ಸೆಮಿಫೈನಲ್​​ನಲ್ಲಿ ಸೆಣಸಾಟ ನಡೆಸಲಿವೆ.

ಸದ್ಯ ಪಾಕ್​, ನ್ಯೂಜಿಲೆಂಡ್ ಮತ್ತು ಅಫ್ಘಾನ್ ತಂಡಗಳು ಎಂಟೆಂಟು ಅಂಕಗಳನ್ನು ಪಡೆದುಕೊಂಡಿವೆ. ಮೂರಕ್ಕೂ ಒಂದೊಂದು ಪಪಂದ್ಯ ಬಾಕಿ ಇದ್ದು ಇದರಲ್ಲಿ ಮೂರು ಟೀಮ್​ಗಳು ವಿನ್ ಆಗಿದ್ದೇ ಆದ್ರೆ ತಲಾ ಹತ್ತು ಹತ್ತು ಅಂಕಗಳನ್ನು ಪಡೆದುಕೊಳ್ಳುತ್ತಾರೆ. ಕೊನೆಯದಾಗಿ ಟೂರ್ನಿಯಲ್ಲಿ ಈ ಮೂರು ಪಂದ್ಯಗಳ ನೆಟ್​ ರನ್​ ರೇಟ್​​ ಅನ್ನು ಗಣನೆಗೆ ತೆಗೆದುಕೊಂಡು ಸೆಮಿಫೈನಲ್​ಗೆ ಹೋಗುವ ತಂಡ ಯಾವುದೆಂದು ನಿರ್ಧಾರ ಮಾಡಲಾಗುತ್ತದೆ. ಸದ್ಯ ಕಿವೀಸ್​ 0.398 ನೆಟ್​ ರನ್​ ರೇಟ್​ ಹೊಂದಿದ್ದು ಪಾಕ್​, ಅಫ್ಘಾನ್​ಗಿಂತ ಉತ್ತಮವಾಗಿದೆ.

ಸದ್ಯ ಟೂರ್ನಿಯಲ್ಲಿ ಬಾಕಿ ಇರುವ ಕೊನೆ ಪಂದ್ಯದಲ್ಲಿ ಕಿವೀಸ್, ಅಫ್ಘಾನ್ ತಂಡಗಳು ಸೋತು ಹೋದರೆ ಪಾಕ್​ ಸೆಮಿಸ್​ಗೆ ಬರೋದು ಪಕ್ಕಾ. ಒಂದು ವೇಳೆ ಎರಡರಲ್ಲಿ ಒಂದು ಟೀಮ್ ವಿನ್ ಆದ್ರೆ ಪಾಕ್​ಗೆ ಸಂಕಷ್ಟ ಗ್ಯಾರಂಟಿ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ