ಸ್ಟಾರ್​ ನಟರ ಕಾಂಬಿನೇಷನ್​ನಲ್ಲಿ ಮೂಡಿ ಬರ್ತಿರೋ ಹೊಸ ಸೀರಿಯಲ್

ದೃಷ್ಟಿಬೊಟ್ಟು ಸೀರಿಯಲ್​ನಲ್ಲಿ ಕಾಣಿಸಿಕೊಂಡಿರೋ ಅಗ್ನಿಸಾಕ್ಷಿ ನಟ ವಿಜಯ್

ಮೊದಲ ಬಾರಿಗೆ ಕಿರುತೆರೆಗೆ ಎಂಟ್ರಿ ಕೊಟ್ಟ ಹೊಸ ಪ್ರತಿಭೆ ಅರ್ಪಿತಾ ಮೋಹಿತೆ

ವಿಭಿನ್ನ ಕಾನ್ಸೆಪ್ಟ್​ನೊಂದಿಗೆ ತೆರೆ ಮೇಲೆ ಬರೋದಕ್ಕೆ ದೃಷ್ಟಿಬೊಟ್ಟು ಸೀರಿಯಲ್​ ತಂಡ ಸಜ್ಜಾಗಿದೆ. ಈಗ ಮತ್ತೊಂದು ಪ್ರೊಮೋ ರಿಲೀಸ್​ ಆಗಿದ್ದು, ತಮ್ಮನಿಗೆ ತನ್ನ ಬಟ್ಟೆಯಿಂದಲೇ ವಿಶೇಷವಾಗಿ ರಾಖಿ ತಾಯಾರಿಸಿ ಕಟ್ಟಿದ್ದಾಳೆ ದೃಷ್ಟಿ. ಸಖತ್​ ಇಂಟ್ರಸ್ಟಿಂಗ್​ ಆಗಿ ಮೂಡಿ ಬರುತ್ತಿದೆ. ಇನ್ನೂ ವಿಶೇಷ ಎಂದರೆ ಬ್ಲಾಕ್​ ಬಾಸ್ಟರ್​ ಹಿಟ್​ ಕೊಡೋಕೆ ಅಗ್ನಿಸಾಕ್ಷಿ ಸೀರಿಯಲ್​ ನಟ ವಿಜಯ ಸೂರ್ಯ ಸಜ್ಜಾಗಿದ್ದಾರೆ.

ದತ್ತಾ ಭಾಯ್ ಪಾತ್ರದಲ್ಲಿ ನಟ ವಿಜಯ್​ ಸೂರ್ಯ ರಗಡ್​ ಆಗಿ ಕಾಣಿಸಿಕೊಂಡಿದ್ದಾರೆ. ವಿಜಯ್​ಗೆ ಜೋಡಿಯಾಗಿ ಅರ್ಪಿತಾ ಮೋಹಿತೆ ಬಣ್ಣ ಹಚ್ಚುತ್ತಿದ್ದಾರೆ. ಈ ಹಿಂದೆ ದೃಷ್ಟಿಬೊಟ್ಟು ನಾಯಕಿ ಬಗ್ಗೆ ಸೀರಿಯಲ್​ ತಂಡ ಯಾವುದೇ ರೀತಿಯಲ್ಲೂ ಗುಟ್ಟು ಬಿಟ್ಟುಕೊಟ್ಟಿರಲಿಲ್ಲ. ನಟಿಯ ಹೆಸರು ರಿವೀಲ್​ ಮಾಡಿದೆ ಸೀರಿಯಲ್​ ತಂಡ. ಈ ಸೀರಿಯಲ್​ನಲ್ಲಿ ಅಭಿನಯಿಸುತ್ತಿರೋ ಹೊಸ ಪ್ರತಿಭೆ ಹೆಸರು ಅರ್ಪಿತಾ ಮೋಹಿತೆ.

ಇದನ್ನೂ ಓದಿ: ದೃಷ್ಟಿಬೊಟ್ಟು ಸೀರಿಯಲ್​ನಲ್ಲಿರೋ ದೃಷ್ಟಿಗೊಂಬೆ ಯಾರು ಗೊತ್ತಾ..? ಅರ್ಪಿತಾ ಮೋಹಿತೆ ಹಿನ್ನೆಲೆ ಏನು?

ಇದೇ ಮೊಟ್ಟ ಮೊದಲ ಬಾರಿಗೆ ಕಿರುತೆರೆಗೆ ನಾಯಕಿಯಾಗಿ ದೃಷ್ಟಿಬೊಟ್ಟು ಮೂಲಕ ಲಾಂಚ್​ ಆಗಿದ್ದಾರೆ. ಅರ್ಪಿತಾ ಮೋಹಿತೆ ಅವರು ಈಗಾಗಲೇ ಬಿಕಾಂ ಮುಗಿಸಿದ್ದಾರೆ. ಅರ್ಪಿತಾ ಮೋಹಿತೆ ಅವರು ಹುಟ್ಟಿ ಬೆಳೆದಿದ್ದು ಎಲ್ಲಾ ಕನಕಪುರದಲ್ಲಿ. ಬೆಂಗಳೂರಿನಲ್ಲಿ ವಾಸಿಸುತ್ತಿದ್ದಾರೆ. ಬಿಕಾಂ ಮುಗಿಸಿದ ಬಳಿಕ ನನಗೆ ಸಾಕಷ್ಟು ಅವಕಾಶಗಳು ಅರಸಿ ಬರುತ್ತಿದ್ದವು. ಅದರಲ್ಲಿ ಈ ಸೀರಿಯಲ್​ಗೆ ಆಯ್ಕೆ ಆಗಿದ್ದೇನೆ ಅಂತ ನ್ಯೂಸ್​ ಫಸ್ಟ್​ಗೆ ಹೇಳಿಕೊಂಡಿದ್ದಾರೆ.

ಹೀಗೆ ಮಾತು ಮುಂದುವರೆಸಿದ ಅವರು.. ಮೊದ ಮೊದಲು ನನಗೆ ಹಾಗೇ ಌಕ್ಟ್​ ಮಾಡಲು ಹೇಳಿದ್ರು. ಬಳಿಕ ಮೇಕಪ್​ಮಾಡಿದ್ರು ಆಗ ಗೊತ್ತಾಯ್ತು ನಾನು ಹೇಗೆ ಕಾಣುತ್ತೇನೆ ಅಂತ. ಕಿರುತೆರೆಯಲ್ಲಿ ಯಾವ ನಟಿಯರು ಮಾಡದ ಸಾಹಸ ನಾನು ಮಾಡುತ್ತಿದ್ದೇನೆ. ನಾನು ನಾರ್ಮಲ್ ಆಗಿ ಬಂದ್ರೆ ಯಾರೂ ಗುರುತು ಹಿಡಿಯುವುದಿಲ್ಲ. ದೃಷ್ಟಿ ಲುಕ್​ನಲ್ಲಿ ಬಂದ್ರೆ ಮಾತ್ರ ಅಬ್ಬಾ ದೃಷ್ಟಿ ಬಂದ್ಲು ಅಂತ ಮಾತಾಡುತ್ತಾರೆ.

ಮೊದಲು ಮೇಕ್​ಅಪ್​ ಮಾಡುವಾಗ 10 ರಿಂದ 15 ಶೇಡ್​ನಲ್ಲಿ ಫೌಂಡೇಶನ್ ಯೂಸ್​ ಮಾಡಿದ್ರು, ದೃಷ್ಟಿ ಲುಕ್​ನ ಕ್ರಿಯೇಟ್​ ಮಾಡೋದಕ್ಕೆ ಸೀರಿಯಲ್​ ತಂಡ ತುಂಬಾ ಕಷ್ಟ ಪಟ್ಟಿದೆ. ಐಬ್ರೋ, ಕೈ ಹಾಗೂ ಮುಖಕ್ಕೆ ಒಂದೇ ರೀತಿಯಲ್ಲಿ ಮೇಕ್​ಅಪ್ ಮಾಡಿದ್ದಾರೆ ಅಂತ ಹೇಳಿಕೊಂಡಿದ್ದಾರೆ.

ಕತೆಗೆ ಬರೋದಾದ್ರೆ ಬಡತನಕ್ಕೆ ಸೌಂದರ್ಯ ಶಾಪವಾಗಿ ಹೇಗೆ ಕಾಡುತ್ತೆ? ಹೆಣ್ಮಕ್ಕಳ ರಕ್ಷಣೆಗೆ ಇರ್ಬೇಕಾದವ್ರು ಬಕ್ಷಕರಾದ್ರೆ ಏನೆಲ್ಲಾ ಅನಾಹುತ ಆಗುತ್ತೆ ಅನ್ನೋದ್ರ ಸುತ್ತ ಕತೆ ಸಾಗಲಿದೆ. ಸ್ಟಾರ್​ ನಟರ ಕಾಂಬಿನೇಷನ್​ನಲ್ಲಿ ಬರ್ತಿರೋ ದೃಷ್ಟಿಬೊಟ್ಟು ಧಾರಾವಾಹಿ ಬಗ್ಗೆ ಬೆಟ್ಟದಷ್ಟು ನಿರೀಕ್ಷೆ ಇರೋದಂತೂ ಸತ್ಯ. ಅದರಲ್ಲೂ ನಟ ವಿಜಯ್ ಅವರ ಲುಕ್​ಗೆ ಫ್ಯಾನ್ಸ್​ ಫುಲ್​ ಫಿದಾ ಆಗಿಬಿಟ್ಟಿದ್ದಾರೆ.

ಶ್ರೀ ಸಾಯಿ ಆಂಜನೇಯ ಕಂಪನಿ ಪ್ರೆಜೆಂಟ್ಸ್​ ಸಂಸ್ಥೆ ಅಡಿ ​ದೃಷ್ಟಿಬೊಟ್ಟು ಧಾರಾವಾಹಿಯ ನಿರ್ಮಾಣದ ಜವಾಬ್ದಾರಿ ಹೊತ್ತಿದ್ದಾರೆ  ನಿರ್ಮಾಪಕ ರಕ್ಷ್​. ಸ್ಟಾರ್​ ನಟರ ಕಾಂಬಿನೇಷನ್​ನಲ್ಲಿ ಬರ್ತಿರೋ ದೃಷ್ಟಿಬೊಟ್ಟು ಬಗ್ಗೆ ಬೆಟ್ಟದಷ್ಟು ನಿರೀಕ್ಷೆ ಇದ್ದು, ಸೆಪ್ಟೆಂಬರ್ 9 ಸೋಮವಾರ ಸಂಜೆ 6:30ಕ್ಕೆ ವೀಕ್ಷಕರ ಮನೆಗೆ ಬರಲಿದೆ. ಮುಂದಿನ ದಿನಗಳಲ್ಲಿ ಸೀರಿಯಲ್​​ ಯಾವ ಮಟ್ಟಕ್ಕೆ ತೆಗೆದುಕೊಂಡು ಹೋಗ್ತಾರೆ ಎಂದು ಕಾದು ನೋಡಬೇಕಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ