20 ತಂಡಗಳು ವಿಶ್ವಕಪ್​​ನಲ್ಲಿ ಭಾಗಿಯಾಗಲಿವೆ

ಒಟ್ಟು 10 ಮೈದಾನದಲ್ಲಿ ಟೂರ್ನಿ ಆಯೋಜನೆ

ಟಿ-20 ವರ್ಲ್ಡ್​​ ಕಪ್ ಯಾವಾಗಿಂದ ನಡೆಯುತ್ತೆ..?

ಐಸಿಸಿಸಿ ಪುರುಷರ ಏಕದಿನ ವಿಶ್ವಕಪ್ ಪಂದ್ಯ-2023ಕ್ಕಾಗಿ ಕ್ರಿಕೆಟ್ ಅಭಿಮಾನಿಗಳು ಕಾತುರದಿಂದ ಕಾದು ಕೂತಿದ್ದಾರೆ. ಇದರ ಮಧ್ಯೆ 2024ರಲ್ಲಿ ನಡೆಯಲಿರುವ ಪುರುಷರ ಟಿ-20 ವಿಶ್ವಕಪ್​​ನ ವೇಳಾಪಟ್ಟಿ ಬಿಡುಗಡೆಯಾಗಿದೆ.

2024 ಜೂನ್ 4 ರಿಂದ ಶುರುವಾಗಿ ಜೂನ್ 30ಕ್ಕೆ ತೆರೆ ಬೀಳಲಿದೆ. ಅಮೆರಿಕದಲ್ಲಿ ಈ ಕ್ರೀಡಾಕೂಟ ಆಯೋಜನೆಗೊಳ್ಳಲಿದ್ದು, ಒಟ್ಟು 10 ಮೈದಾನಗಳಲ್ಲಿ ಪಂದ್ಯಗಳು ನಡೆಯಲಿವೆ. ವೆಸ್ಟ್​ ವಿಂಡೀಸ್ ಹಾಗೂ ಅಮೆರಿಕ ಟೂರ್ನಿಯನ್ನು ಆಯೋಜಿಸುತ್ತಿವೆ. ಒಟ್ಟು 10 ಮೈದಾನಗಳಲ್ಲಿ ಪಂದ್ಯ ನಡೆಯಲಿವೆ.

2024ರ ಟೂರ್ನಿಯಲ್ಲಿ ಯಾವೆಲ್ಲ ತಂಡ

2024ರ ವಿಶ್ವಕಪ್​​ನಲ್ಲಿ ಒಟ್ಟು 20 ಪಂದ್ಯಗಳು ಟೂರ್ನಿಯ ಭಾಗವಾಗಲಿವೆ. 12 ತಂಡಗಳು ಈಗಾಗಲೇ ವಿಶ್ವಕಪ್​​ಗೆ ಅರ್ಹತೆಯನ್ನು ಪಡೆದುಕೊಂಡಿವೆ. ಆಸ್ಟ್ರೇಲಿಯಾ, ಇಂಗ್ಲೆಂಡ್, ಇಂಡಿಯಾ, ನೆದರ್​​ಲ್ಯಾಂಡ್, ನ್ಯೂಜಿಲೆಂಡ್, ಪಾಕಿಸ್ತಾನ, ದಕ್ಷಿಣ ಆಫ್ರಿಕಾ, ಶ್ರೀಲಂಕಾ, ಅಫ್ಘಾನಿಸ್ತಾನ, ಬಾಂಗ್ಲಾದೇಶ ಅರ್ಹತೆ ಪಡೆದುಕೊಂಡಿವೆ. ಇನ್ನು ಟೂರ್ನಿ ಆಯೋಜಿಸುತ್ತಿರುವ ಅಮೆರಿಕ ಮತ್ತು ವೆಸ್ಟ್​ ವಿಂಡೀಸ್​ ನೇರವಾಗಿ ಪಂದ್ಯಾವಳಿಗೆ ಎಂಟ್ರಿ ನಿಡಲಿವೆ.

ಕಳೆದ ಬಾರಿಗಿಂತ 2024ರಲ್ಲಿ ನಡೆಯುವ ಟೂರ್ನಿ ತುಂಬಾನೇ ವಿಭಿನ್ನವಾಗಿದೆ. 20 ತಂಡಗಳನ್ನು ನಾಲ್ಕು ಗುಂಪುಗಳಾಗಿ ವಿಂಗಡಿಸಲಾಗುತ್ತದೆ. ಅವುಗಳಲ್ಲಿ ಪಾಯಿಂಟ್ಸ್ ಆಧಾರದ ಮೇಲೆ ಟಾಪ್-2 ತಂಡಗಳನ್ನು ಸೂಪರ್​-8 ಹಂತವನ್ನು ಪ್ರವೇಶ ಮಾಡಲಿವೆ. ಸೂಪರ್ -8 ಹಂತವನ್ನು ತಲಾ 4 ತಂಡಗಳೊಂದಿಗೆ ಎರಡು ಗ್ರೂಪ್ ಮಾಡಲಾಗುತ್ತದೆ. ಈ ಎರಡು ಗ್ರೂಪ್​​ನಲ್ಲಿ ಗೆಲುವು ಸಾಧಿಸಿದ ಟಾಪ್-2 ತಂಡಗಳು ಸೆಮಿಫೈನಲ್ ಪ್ರವೇಶ ಮಾಡಲಿವೆ. 2022 ವಿಶ್ವಕಪ್​​ನಲ್ಲಿ ಪಾಕಿಸ್ತಾನ ಇಂಗ್ಲೆಂಡ್​ ತಂಡಗಳು ಫೈನಲ್ ಪ್ರವೇಶ ಮಾಡಿದ್ದವು. ಇಂಗ್ಲೆಂಡ್ ಪಾಕ್ ಬಗ್ಗು ಬಡಿದು ಟಿ-20 ವಿಶ್ವಕಪ್​ಗೆ ಮುತ್ತಿಟ್ಟಿತು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ