ಈ ಗ್ಯಾಂಗ್‌ ಕನ್ನ ಹಾಕಿದ್ದು ಚಿನ್ನಕ್ಕೂ ಅಲ್ಲ.. ಹಣಕ್ಕೂ ಅಲ್ಲ..!

ಮಿಡ್​ನೈಟ್​​ನಲ್ಲಿ ಐಸ್​ ಕ್ರೀಮ್ ತಿನ್ನೋ ಆಸೆಗೆ ಪಾರ್ಲರ್​ಗೆ ಕನ್ನ

ಮಾದನಾಯಕನಹಳ್ಳಿ ಬಳಿ ದೊಂಬರಹಳ್ಳಿಯಲ್ಲಿ ಘಟನೆ ನಡೆದಿದೆ

ಬೆಂಗಳೂರು: ನಾವೆಲ್ಲರೂ ಬೈಕ್, ಫೋನ್​​, ಮನೆ, ಸರ ಹೀಗೆ ಸಾಕಷ್ಟೂ ರೀತಿಯಲ್ಲಿ ಕಳ್ಳರು ಕಳ್ಳತನ ಮಾಡುವುದನ್ನು ನೋಡಿರುತ್ತೇವೆ ಜೊತೆಗೆ ಕೇಳಿರುತ್ತೇವೆ. ಆದರೆ ಇಲ್ಲೊಂದು ಕಳ್ಳರ ಗುಂಪೊಂದು ಮಧ್ಯ ರಾತ್ರಿಯಲ್ಲಿ ಐಸ್‌ಕ್ರೀಮ್ ಕದ್ದು ಪರಾರಿಯಾಗಿರುವ ಘಟನೆ ಮಾದನಾಯಕನಹಳ್ಳಿ ಬಳಿಯ ದೊಂಬರಹಳ್ಳಿಯಲ್ಲಿ ನಡೆದಿದೆ.

ನಾಲ್ಕು ಜನ ಕಳ್ಳರ ಗುಂಪೊಂದು ಮಧ್ಯರಾತ್ರಿ 2 ಗಂಟೆ ಸುಮಾರಿಗೆ ಆಟೋದಲ್ಲಿ ಬಂದು ಐಸ್‌ಕ್ರೀಮ್ ಅಂಗಡಿಗೆ ನುಗ್ಗಿದ್ದಾರೆ. ಅಂಗಡಿಯ ಬೀಗ ಮುರಿದು ಒಳ ನುಗ್ಗಿದ ನಾಲ್ಕು ಜನರು 4 ಐಸ್‌ ಕ್ರೀಮ್ ಎತ್ತಿಕೊಂಡಿದ್ದಾರೆ. ಸುಮಾರು 100 ರೂಪಾಯಿ ಐಸ್‌ಕ್ರೀಮ್ ತಿಂದಿದ್ದಾರೆ. ಬಳಿಕ ಖದೀಮರು ಅಂಗಡಿಯ ಕ್ಯಾಷಿಯರ್ ಕೌಂಟರ್‌ಗೂ ಕೈ ಹಾಕಿ 200 ರೂಪಾಯಿ ಚಿಲ್ಲರೆ ಹಣದೊಂದಿಗೆ ಪರಾರಿಯಾಗಿದ್ದಾರೆ. ಈ ಕಳ್ಳರು ಐಸ್‌ಕ್ರೀಮ್ ಅಂಗಡಿಗೆ ನುಗ್ಗಿದ ದೃಶ್ಯ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಈ ಘಟನೆ ಮಾದನಾಯಕನಹಳ್ಳಿ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.

ಅಯ್ಯೋ.. ಐಸ್​ ಕ್ರೀಮ್ ಅನ್ನು ಬಿಡದ ಕಳ್ಳರು..! ಮಿಡ್​ನೈಟ್​ನಲ್ಲಿ ಬಂದು ಶೆಟರ್ ಒಡೆದು ಐಸ್​ಕ್ರೀಮ್ ಕಳ್ಳತನ ಮಾಡಿರೋ ಘಟನೆ ಸಿಲಿಕಾನ್​​ ಸಿಟಿಯ ದೊಂಬರಹಳ್ಳಿಯಲ್ಲಿ ನಡೆದಿದೆ. ನಾಲ್ವರು ಐಸ್​​ಕ್ರೀಮ್​​​ ಕಳ್ಳರ ಕೃತ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.#newsfirstlive #newsfirstkannada #KannadaNews #Bengaluru #icecream… pic.twitter.com/SGwcwAQPb5

— NewsFirst Kannada (@NewsFirstKan) July 14, 2023

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ